میں پھر آپ کی توجہ دو الفاظ کی سمت کراؤں گا : حقیقت اور تجزیہ !
اور مندرجہ ذیل الفاظ آپ کا اپنا تجزیہ ہے ، جو غالباَ اخباری اور الکٹرانک میڈیا کی خبروں اور رپورٹوں پر منحصر ہوگا :
؟
معذرت کے ساتھ۔ مگر یہ حقیقت اور تجزیہ کے بحث کچھ عجیب اور بالکل غیر ضروری ہے۔ ہم سب جس چیز کو حقیقت سمجھتے ہیں، اسے تجزیے کے نام پر آگے پیش کرتے ہیں۔ چنانچہ بحث کو آسان کرتے ہیں، اور سادگی سے آپ یہ فرما دیں کہ آپ کو میرے بیان کردہ تجزیہ سے اختلاف ہے۔
جبکہ حقیقت اس کے عین برعکس نہیں تو کسی حد تک مختلف ضرور ہے۔ جب یہ بات سب نے ماننی ہے کہ مذہبی انتہا پسندی کو گذشتہ چند سالوں میں دنیا بھر میں عروج حاصل ہوا ہے تو ہندوستان اس سے مستثنیٰ کیوں؟ مگر اصل سوال تو یہی ہے کہ ہندوستان کے سارے ہندو اگر مذہبی انتہا پسندی کی طرف راغب ہوئے ہیں تو جنوبی ہند (آندھرا ، تامل ناڈو ، کیرالہ ، کرناٹک) ، مغربی بنگال اور شمال مشرق میں استثنیٰ کیوں ہے؟ صرف یہی مثال کافی ہے کہ بی جے پی کا ہندو توا واد سارے ہندوستانیوں کا متفقہ نظریہ نہیں ہے۔
یہ بھی عجیب معاملہ ہے کہ آپ نے اسے کیسے ہم پر "سارے" ہندوستان اور ہندوستانیوں کا مسئلہ منسوب کر دیا؟ جبکہ میری بات تو صاف ہے کہ "پہلے" کی نسبت ہندوستان کی جمہور زیادہ (بلکہ شاید اکثریت میں) تعصب کی طرف راغب ہے اور یہ چیز بی جے پی کا ووٹ بینک حاصل کرنے میں سب سے بڑا فیکٹر ہے جس سے "جمہوریت" کے نام پر نظریں نہیں چرانی چاہیے ہیں، بلکہ حقیقت کا اعتراف کرنا چاہیے ہے۔
ایک ملک کی اقلیت کا موازنہ کسی دوسرے ملک کی اقلیت سے کیا جانا نہ منطقی لحاظ سے درست ہے اور نہ اصولی لحاظ سے۔ میں اگر یہاں مثالیں دینے بیٹھوں تو بہت سی جبینیں شکن آلود ہو جائیں گی لہذا اشارہ کو ہی کافی سمجھا کریں۔
ویسے کیا آپ یہ بات بھول رہی ہیں کہ پاکستان ایک تھیوکریٹک ریاست ہے جبکہ ہندوستان میں اب بھی جمہوریت ثابت و سالم ہے ، ہاں اس میں کچھ خامیاں راہ پا گئی ہوں تو وہ ایک علیحدہ مسئلہ ہے۔ تو پھر آپ کیسے کسی تھیوکریٹک ریاست کی اقلیت کا موازنہ کسی جمہوری ملک کی اقلیت سے کر سکتی ہیں
بھائی صاحب، میری بلا سے تو کوئی نظام ہو، اگر وہ انسانیت کی فلاح کی بجائے انسانیت پر ظلم کی طرف جا رہا ہے، تو میں اس پر پریشان ہوں گی۔ اگر مسلم انتہا پسند تھیوکریسی میں رہ کر اقلیتوں پر ظلم کر سکتے ہیں تو آپ کسی بھول میں رہیے اور یقین رکھیے کہ ہندو انتہا پسند بھارت کی جمہوریت میں رہتے ہوئے بھی اقلیتوں کے حقوق پامال کر سکتے ہیں، انکا ایک زاویے سے یا دوسرے زاویے سے، کم یا زیادہ، مگر معاشی و معاشرتی بائیکاٹ کر سکتے ہیں۔
آپ پاکستان اور انڈیا کے ناموں میں پڑ رہے ہیں، آپ جمہوریت اور تھیوکریسی میں پڑ رہے ہیں، آپ کم یا زیادہ کی بحث میں پڑ رہے ہیں ۔۔۔۔۔ جبکہ میں تو آپ کو فقط فتنے کی موجودگی سے آگاہ کر رہی ہوں، جو کہ پاکستان میں بڑا ہے، مگر انڈیا میں بھی بھی آ موجود ہوا ہے، اور اسکا سائز اب بڑے سے بڑا ہوتا جا رہا ہے۔
