ہوا،صبا

[جاسمن]

اگرچہ زور ہواؤں نے ڈال رکھا ہے

مگر چراغ نے لو کو سنبھال رکھا ہے
احمد فرز

 

[فہد اشرف]

چلی سمتِ غیب سے اک ہوا کہ چمن ظہور کا جل گیا
مگر ایک شاخِ نہالِ غم جسے دل کہیں سو ہری رہی
سراج اورنگ آبادی

 

[فہد اشرف]

جس ادا سے کوئی آیا تھا کبھی اول شب
''اسی انداز سے چل باد صبا آخر شب''
فیض احمد فیض

 

[فہد اشرف]

وہ ہوا خواہ چمن ہوں کہ چمن میں ہر صبح
پہلے میں آتا ہوں اور باد صبا میرے بعد
منور خان غافل

 

[فہد اشرف]

کوچہ بہ کوچہ دل بہ دل، نقشِ وجود گِل بہ گِل
مثلِ صبا و آہِ دل پھرنا ہے جا بجا مجھے
فاتح الدین بشیر

 

[محمد تابش صدیقی]

چمن چمن پہ پڑی اوس صبح دم دیکھی
نہ جانے کر کے صبا کیا پکار گزری ہے
نظرؔ لکھنوی

 

[محمد تابش صدیقی]

صبا ہے، گل ہیں، سبزہ زار بھی ہے
ہو دل غمگیں تو سب بیکار بھی ہے
نظرؔ لکھنوی

 

[فرقان احمد]

صبا ہے، گل ہیں، سبزہ زار بھی ہے
ہو دل غمگیں تو سب بیکار بھی ہے
نظرؔ لکھنوی

آج تو یہ شعر آپ پر ہی سجتا ہے؛ ایک اور لڑی میں ہم آپ کی روداد پڑھ چکے۔

 

[محمد تابش صدیقی]

آج تو یہ شعر آپ پر ہی سجتا ہے؛ ایک اور لڑی میں ہم آپ کی روداد پڑھ چکے۔

خیر میں نے آخر میں الحمد للہ اسی لیے لکھا کہ اس سب کے باوجود اب گھر موجود ہوں، اور تکلیف گزر گئی۔

 

[مریم افتخار]

بادِ صبا خدارا کرنا یہ کام میرا
خدمت میں مصطفی کی کہنا سلام میرا

 

[لاریب مرزا]

وہ تو خوشبو ہے ہواؤں میں بکھر جائے گا
مسئلہ پھول کا ہے پھول کدھر جائے گا

(پروین شاکر)

 

[محمد وارث]

قفس اُداس ہےیاروصبا سےکچھ توکہو
کہیں تو بہرِ خدا آج ذکرِ یار چلے
فیض

 

[محمدظہیر]

بادِ صبا خدارا کرنا یہ کام میرا
خدمت میں مصطفی کی کہنا سلام میرا

ہمارے گھر کے قریب فجر کی نماز کے بعد یہ بھی سنائی دیتا ہے
ائے صبا مصطفی سے کہہ دینا
غم کے مارے سلام کرتے ہیں

 

[عبدالقدیر 786]

اگرچہ زور ہواوں نے ڈال رکھا ہے
مگر چراغ نے لوکو سنبھال رکھا ہے

 

[محمد خلیل الرحمٰن]

یہ غربتیں میری آنکھوں میں کیسی ُاتری ہیں
کہ خواب بھی میرے ُرخصت ہیں، رتجگا بھی گیا

نہ شعر میں ہوا ہے اور نہ صبا۔

 

[محمد وارث]

چار موج اُٹھتی ہےطوفانِ طرَب سےہر سُو
موجِ گُل، موجِ شفق، موجِ صبا، موجِ شراب
غالب

 

[فہد اشرف]

جب ہم ہی نہ مہکے پھر صاحب
تم بادِ صبا کہلاؤ تو کیا
عبید اللہ علیم

 

[محمد وارث]

یُوں نہ مِل مُجھ سے خفا ہو جیسے
ساتھ چل موجِ صبا ہو جیسے
احسان دانش

 

[لاریب مرزا]

صبا سبک خرام ہے، کہ شب شبینہ کام ہے
رگوں میں راگ و رنگ کا رواں یہ دورِ جام ہے

(ابن سعید)

 

[الشفاء]

سانس لیتا ہوں تو آتی ہے مہک طیبہ کی
یہ ہوا کوچہء سرکار سے آئی ہو گی۔