ہوا،صبا

[فہد اشرف]

نہ چھیڑ اے نکہت باد بہاری راہ لگ اپنی
تجھے اٹکھیلیاں سوجھی ہیں ہم بیزار بیٹھے ہیں
انشاء اللہ خاں انشا

 

[لاریب مرزا]

نہ چھیڑ اے نکہت باد بہاری راہ لگ اپنی
تجھے اٹکھیلیاں سوجھی ہیں ہم بیزار بیٹھے ہیں
انشاء اللہ خاں انشا

اس شعر میں ہوا یا صبا کہاں ہے؟؟

 

[محمد وارث]

میں تو گُم تھا تیرے ہی دھیان میں، تری آس تیرے گمان میں
صبا کہہ گئی مرے کان میں، مرے ساتھ آ اُسے بھول جا
امجد اسلام امجد

 

[فہد اشرف]

اس شعر میں ہوا یا صبا کہاں ہے؟؟

باد بمعنی ہوا

 

[محمدظہیر]

صبا کے ہاتھ میں نرمی ہے ان کے ہاتھوں کی
ٹھہر ٹھہر کے یہ ہوتا ہے آج دل کو گماں
وہ ہاتھ ڈھونڈ رہے ہیں بساطِ محفل میں
کہ دل کے داغ کہاں ہیں، نشست درد کہاں
فیض احمد فیض

 

[جاسمن]

چراغوں کو جلانے کی لگن میں
ہوائوں سے عداوت بڑھ گئی ہے
ارشد محمود ارشد

 

[عبید انصاری]

ہوا ہے گو تند و تیز لیکن چراغ اپنا جلا رہا ہے
وہ مرد درویش جس کو حق نے دیے ہیں انداز خسروانہ


اقبال

 

[زیرک]

اب کس کو چمن میں ڈھونڈتی ہے
اے بادِ صبا!!! نہیں رہا کچھ
باصر کاظمی

 

[زیرک]

تھی جو خوشبو صبا کی چادر میں
وه تمہاری ہی شال کی ہوگی

 

[زیرک]

پھولوں کو ڈھونڈ تا ہوا پھرتا ہوں باغ میں
باد صبا کو کام میں لانا ہے اور بس
سلیم کوثر

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

یوں بھی کچھ کم تو نہ تھے اتنی بہاروں کے ہجوم
ان میں شامل ترے دامن کی ہوا اور سہی​

 

[زیرک]

ہوا کے ہاتھ نہ لگ جائے موسموں سے کہو
کہ ایک پھول کا سارا جہیز خوشبو ہے​

 

[عرفان سعید]

کتنے ادب سے چلتی ہے اس جانِ صبا کے کوچے میں
میری گلی میں کیوں آ جاتی ہے روز اڑانے دھول ہوا

اعجاز رحمانی

 

[زیرک]

دل یہ بھی چاہتا ہے، ان پھول سے لبوں کو
دستِ صبا پہ رکھ کر، شبنم کے ہار بھیجیں​

 

[زیرک]

رنگ باد صبا میں بھرتا ہے
مرا اک زخم شام کرتا ہے
جون ایلیا​

 

[زیرک]

رقص میں رات ہے بدن کی طرح
بارشوں کی ہَوا میں، بَن کی طرح​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

ہوا کے دوش پہ اڑتی ہوئی خبر تو سنو
ہوا کی بات بہت دور جانے والی ہے
حسن اختر جلیل​

 

[زیرک]

وقت کس تیزی سے گزرا روزمرہ میں منیرؔ
آج کل ہوتا گیا اور دن ہوا ہوتے گئے
منیرنیازی​

 

[زیرک]

جلتے رہے بے صرفہ چراغوں کی طرح ہم
تُو کیا، تِرے کوچے کی ہوا تک نہیں آئی
احمد فراز

 

[زیرک]

کوفے کے بعد ایسی ہوا دل میں چل پڑی
ہم نے کسی بھی خط پہ بھروسہ نہیں کیا​