شاہ نیاز یار کو ہم نے جا بجا دیکھا ۔ شاہ نیاز بریلوی

[حمیرا عدنان]

السلام علیکم، اگر آپ احباب میں سے کوئی یہ بتا دے کہ عابدہ جی کے پڑھے ہوئے کلام میں جو فارسی اشعار ہیں وہ کس کے ہیں اور اگر ساتھ ترجمہ بھی مل جائے تو کیا بات۔

شکریہ

شاید وارث بھائی یا حسان خان بھائی بتا سکیں میں ٹیگ کر دیتی ہوں
محمد وارث حسان خان

 

[محمد عمران عثمانی]

یار کو ہم نے جا بجا دیکھا
کہیں ظاہر کہیں چھپا دیکھا

کہیں ممکن ہوا کہیں واجب
کہیں فانی کہیں بقا دیکھا

دید اپنے کی تھی اسے خواہش
آپ کو ہر طرح بنا دیکھا

صورتِ گُل میں کھل کھلا کے ہنسا
شکل بلبل میں چہچہا دیکھا

شمع ہو کر کے اور پروانہ
آپ کو آپ میں جلا دیکھا

کر کے دعویٰ کہیں انالحق کا
بر سرِ دار وہ کھنچا دیکھا

تھا وہ برتر شما و ما سے نیاز
پھر وہی اب شما و ما دیکھا

کہیں ہے بادشاہ تخت نشیں
کہیں کاسہ لئے گدا دیکھا

کہیں عابد بنا کہیں زاہد
کہیں رندوں کا پیشوا دیکھا

کہیں وہ در لباسِ معشوقاں
بر سرِ ناز اور ادا دیکھا

کہیں عاشق نیاز کی صورت
سینہ بریاں و دل جلا دیکھا

(نیاز بریلوی*)

*حضرت شاہ نیاز

یہ غزل یا نظم جو بھی میں اکثر سنتا رہتا ہوں لیکن ابھی تک اس کے ایک شعر بھی سمنجھ نہیں آیا کیا کوئی اس کی تشریح کرسکتا ہے ؟

 

[الف نظامی]

یہ غزل یا نظم جو بھی میں اکثر سنتا رہتا ہوں لیکن ابھی تک اس کے ایک شعر بھی سمجھ نہیں آیا کیا کوئی اس کی تشریح کرسکتا ہے ؟

کہیں ممکن ہوا کہیں واجب
کہیں فانی کہیں بقا دیکھا

اس میں دو اصطلاحات ممکن الوجود اور واجب الوجود استعمال ہوئی ہیں

• واجب الوجود ایسے وجود کو کہتے ہیں جو اپنے ہونے اور قائم رہنے میں کسی غیر کا محتاج نہ ہو۔ یہ صرف اللہ تبارک و تعالیٰ کی ذات ہے، اس کے علاوہ کوئی اور ذات واجب الوجود نہیں ہے۔
• ممکن الوجود ایسے وجود کو کہتے ہیں جو موجود ہونے میں کسی کا محتاج ہو اور اسکو قائم رہنے کے لیے کسی سہارے کی ضرورت ہو۔ کائنات اور اس میں موجود تمام مخلوقات ممکن الوجود ہیں، یہ وجود تو ہیں لیکن کامل درجہ کا وجود نہیں ہیں۔

 

[توقیر عالم]

کمال