یوم پاکستان پریڈ میں پہلی بار بھارتی افسران کی شرکت

[سین خے]

یوم پاکستان پریڈ میں پہلی بار بھارتی افسران کی شرکت

اسلام آباد(24نیوز) پاک بھارت سفارتی تعلقات میں بڑی پیش رفت، پاک فوج کی دعوت پر یوم پاکستان پریڈ میں پہلی بار بھارتی ہائی کمشنر اور ڈپٹی ہائی کمشنر کی شرکت۔

تفصیلات کے مطابق پاک بھارت سفارتی تعلقات میں بڑی پیش رفت سامنے آگئی۔ اسلام آباد میں یوم پاکستان پر پاک فوج کی جانب سے ہونے والی پریڈ میں پہلی بار بھارتی ہائی کمشنر اجے بساریہ اور ڈپٹی ہائی کمشنر جےپی سنگھ شریک ہوئے۔ ہائی کمشنر اور ڈپٹی ہائی کمشنر کے ہمراہ بھارتی فوج کے آفسر سنجے وشواس بھی شریک تھے۔

علاوہ ازیں شکرپڑیاں گراونڈ میں ہونے والی مرکزی تقریب میں صدر مملکت ممنون حسین، وزیراعظم شاہد خاقان عباسی، تینوں مسلح افواج کے سربراہان، چیئرمین جوائنٹ چیفس آف اسٹاف کمیٹی جنرل زبیر محمود حیات سمیت دیگر سول و عسکری حکام بھی شریک ہوئے۔

یوم پاکستان پریڈ میں پہلی بار بھارتی فوجی افسران کی شرکت

In a first, Indian diplomats attend Pakistan Day parade in Islamabad - The Express Tribune

 

[سین خے]

ایک اچھی پیشرفت

 

[لئیق احمد]

ایک اچھی پیشرفت

ادھر سے بھی تو اچھی پیش رفت ہونی چاہئے، فی الحال تو کنٹرول لائن پر قتل و غارت اور دھمکیوں میں پیش رفت ہو رہی ہے۔

 

[لاریب مرزا]

کیا بھارت کا بھی کوئی ایسا قومی دن ہے جب ان کی آرمی روایتی پریڈ کا مظاہرہ کرتی ہو؟؟

فہد اشرف اور باقی ہندوستانی محفلین

 

[فہد اشرف]

کیا بھارت کا بھی کوئی ایسا قومی دن ہے جب ان کی آرمی روایتی پریڈ کا مظاہرہ کرتی ہو؟؟

فہد اشرف اور باقی ہندوستانی محفلین

یومِ جمہوریہ پر دہلی کے راج پتھ پر خوبصورت فوجی پریڈ ہوتا ہے اس کے علاوہ تمام صوبوں کے کلچر کی جھلکیاں وغیرہ پیش کی جاتی ہیں۔ گزرے یومِ جمہوریہ کے پریڈ کی ویڈیو

 

[فرقان احمد]

ایک اچھی پیشرفت

پاک و ہند کی اعلیٰ سطحی قیادت ہوش مندی سے کام لے تو یہ خطہ بے پناہ ترقی کر سکتا ہے۔ یہ واقعی مثبت پیش رفت ہے جس کا اظہار دونوں اطراف سے ہونا چاہیے۔

 

[عبداللہ محمد]

تہاڈا کتا ٹومی، ساڈا کتا،کتا!!
وغیرہ وغیرہ

 

[سین خے]

ادھر سے بھی تو اچھی پیش رفت ہونی چاہئے، فی الحال تو کنٹرول لائن پر قتل و غارت اور دھمکیوں میں پیش رفت ہو رہی ہے۔

جی بال اب بھارت کے کورٹ میں ہے۔ دیکھتے ہیں کیا ہوتا ہے۔

عالمی برادری میں زیادہ تنقید کا نشانہ تو پاکستان ہی ہے۔ اس حسب سے یہ پاکستان کی طرف سے ایک چھوٹی ہی سہی، اچھی کوشش ہے۔

 

[لئیق احمد]

عالمی برادری میں زیادہ تنقید کا نشانہ تو پاکستان ہی ہے۔ اس حسب سے یہ پاکستان کی طرف سے ایک چھوٹی ہی سہی، اچھی کوشش ہے۔

"عالمی برادری" صرف اپنے مفادات کو دیکھتی ہے، انصاف سے کام نہیں لیتی۔

 

[سین خے]

پاک و ہند کی اعلیٰ سطحی قیادت ہوش مندی سے کام لے تو یہ خطہ بے پناہ ترقی کر سکتا ہے۔ یہ واقعی مثبت پیش رفت ہے جس کا اظہار دونوں اطراف سے ہونا چاہیے۔

صرف اعلیٰ قیادت ہی کو نہیں بلکہ دونوں ممالک کی عوام میں شدت پسند عناصر کو بھی ہوش کے ناخن لینے کی ضرورت ہے۔

 

[سین خے]

"عالمی برادری" صرف اپنے مفادات کو دیکھتی ہے، انصاف سے کام نہیں لیتی۔

جی ہر کوئی اپنا مفاد تو دیکھتا ہی ہے پر ہماری کچھ غلطیاں جن کا ہم عالمی برادری کے سامنے دفاع کرنے میں ناکام رہے ہیں۔ اب آئیسولیٹ ہو کر تو رہا نہیں جا سکتا ہے۔ کچھ ہمیں بھی لچک دکھانا پڑے گی

 

[لئیق احمد]

کچھ ہمیں بھی لچک دکھانا پڑے گی

مثلا؟

 

[عبید انصاری]

جی ہر کوئی اپنا مفاد تو دیکھتا ہی ہے پر ہماری کچھ غلطیاں جن کا ہم عالمی برادری کے سامنے دفاع کرنے میں ناکام رہے ہیں۔ اب آئیسولیٹ ہو کر تو رہا نہیں جا سکتا ہے۔ کچھ ہمیں بھی لچک دکھانا پڑے گی

اب تک تو اکثر ہم نے پاکستان ہی کو "لچکتے" دیکھا ہے۔

 

[محمد وارث]

کیا بھارت کا بھی کوئی ایسا قومی دن ہے جب ان کی آرمی روایتی پریڈ کا مظاہرہ کرتی ہو؟؟

فہد اشرف اور باقی ہندوستانی محفلین

آپ نے ہندوستانی محفلین کہہ کر ہمارا تو منہ ہی بند کر دیا۔

لیکن پھر بھی فہد صاحب کی بات کے ساتھ یہ کہ انڈین آرمی 26 جنوری کو ریپبلک ڈے پریڈ منعقد کرتی ہے۔ 26 جنوری 1950ء کو انڈیا میں ان کا آئین نافذ ہوا تھا۔

 

[عبداللہ محمد]

آپ نے ہندوستانی محفلین کہہ کر ہمارا تو منہ ہی بند کر دیا۔

لیکن پھر بھی فہد صاحب کی بات کے ساتھ یہ کہ انڈین آرمی 26 جنوری کو ریپبلک ڈے پریڈ منعقد کرتی ہے۔ 26 جنوری 1950ء کو انڈیا میں ان کا آئین نافذ ہوا تھا۔

اور غالباً 23 مارچ بھی یومِ جمہوریہ وغیرہ ہی تھا ابتدا میں؟

 

[محمد وارث]

اور غالباً 23 مارچ بھی یومِ جمہوریہ وغیرہ ہی تھا ابتدا میں؟

جی پاکستان کا پہلا آئین 23 مارچ 1956ء کو نافذ کیا گیا تھا۔ دونوں میں یہ فرق ہے کہ انڈیا نے آئین نافذ ہونے والے دن کو منایا اور پاکستان نے پہلے سے مناتے ہوئے ایک دن کو اپنا آئین نافذ کیا۔

 

[محمد وارث]

ایک اچھی پیشرفت

یقینی طور پر۔

لیکن افسوس کہ ایسی چھوٹی چھوٹی پیش رفتیں پہلے بھی لاتعداد بار ہو چکی ہیں۔ ضرورت کچھ مفید اور کنکریٹ فیصلوں کی ہے، اور ایسی پیش رفتیں جب کسی فیصلے کی طرف بڑھنے ہی لگتی ہیں تو بے شمار "امراض" کی وجہ سے اپنی موت آپ ہی مر جاتی ہیں، افسوس۔

 

[شاہد شاہ]

جی پاکستان کا پہلا آئین 23 مارچ 1956ء کو نافذ کیا گیا تھا۔ دونوں میں یہ فرق ہے کہ انڈیا نے آئین نافذ ہونے والے دن کو منایا اور پاکستان نے پہلے سے مناتے ہوئے ایک دن کو اپنا آئین نافذ کیا۔

اس پہلے آئین کا نام قرارداد مقاصد تھا ؟

 

[لئیق احمد]

اس پہلے آئین کا نام قرارداد مقاصد تھا ؟

وہ تو بس ایک ابتدائی قدم تھا نئی ریاست کا، آئین تو بہت بعد میں بنا۔

 

[محمد وارث]

اس پہلے آئین کا نام قرارداد مقاصد تھا ؟

قرار دادِ مقاصد آئین نہیں تھا بلکہ آئین کے لیے ایک گائیڈ لائن تھی۔