یو ٹرن

[رباب واسطی]

وہ کہیں بھی گیا، لوٹا تو میرے پاس آیا
بس یہی بات ہے اچھی میرے ہرجائی کی

پروین شاکر

 

[رباب واسطی]

تو آیا لوٹ آیا ہے گزرے دنوں کا نور
چہروں پہ اپنے ورنہ تو برسوں کا زنگ تھا

 

[محمد عدنان اکبری نقیبی]

نکل آیا ہوں آگے اس جگہ سے
جہاں سے لوٹ جانا چاہیے تھا

اظہر ادیب

 

[محمد عدنان اکبری نقیبی]

یوں تسلی کو تو اک یاد بھی کافی تھی مگر
دل کو تسکین ترے لوٹ کے آنے سے ملی

انورسدید

 

[محمد عدنان اکبری نقیبی]

لطف تو دیتی ہے یہ آوارگی
پھر بھی ہم کو لوٹ جانا چاہئے

مینش شکلا

 

[محمد عدنان اکبری نقیبی]

تم اسی موڑ پر ہمیں ملنا
لوٹ کرہم ضرور آئیں گے

 

[محمد تابش صدیقی]

جھپٹنا ، پلٹنا ، پلٹ کر جھپٹنا
لہو گرم رکھنے کا ہے اک بہانہ
اقبالؒ

 

[محمد تابش صدیقی]

بوٹی لئی تے ٹوکے دے نال قیمہ قیمہ کیتی
محنت کر کے اس قیمے دی فیر بنائی بوٹی
فیر بنایا قیمہ اسدا رکھ کے دنداں تھلے
شاوا بلے بلے
انور مسعود

 

[رباب واسطی]

جھپٹنا ، پلٹنا ، پلٹ کر جھپٹنا
لہو گرم رکھنے کا ہے اک بہانہ
اقبالؒ

یقین جانیئے اب تک گومگو کی کیفیت میں تھی کہ اب آپ کی جانب سے تنبیہ آئی کہ آئی کیونکہ
یہ لڑی شروع کرنے کے بعد معلوم ہوا کہ اسی موضوع پر محترم محمد خلیل الرحمٰن صاحب کی جانب سے پہلے ہی لڑی چل رہی تھی

 

[محمد تابش صدیقی]

میری نظر سے نہیں گزری، اگر اسی موضوع پر اسی انداز کی کوئی لڑی بنی ہے۔

 

[رباب واسطی]

میری نظر سے نہیں گزری، اگر اسی موضوع پر اسی انداز کی کوئی لڑی بنی ہے۔

یو ٹرن

 

[محمد تابش صدیقی]

یو ٹرن

یہ لڑی مختلف ہے۔ وہ ان کی اپنی شاعری کی ہے، جبکہ یہاں ایسے اشعار پیش کیے جا رہے ہیں، جن میں کسی بھی قسم کا یوٹرن موجود ہے۔

 

[اکمل زیدی]

آ لوٹ چلیں اب دیس پیا

آ لوٹ چلیں اب دیس پیا ،

کچھ یادیں اس کی باقی ہیں ،

کچھ سکھیان مجھے بلاتی ہیں ،


آ لوٹ چلیں اب دیس پیا ،


جہاں بچپن ہم نے گزارا تھا ،

کچھ خواہشوں کو بھی مارا تھا ،

جو تجھ کو مجھ کو پیارا تھا ،


آ لوٹ چلیں اب دیس پیا ،


ان پیروں کی جھکتی شاخیں ، بانہوں میں دالی بانہیں ،

وہ بے چینی وہ چین پیا ،


آ لوٹ چلیں اب دیس پیا ،


جب آتی ہیں ساون جھڑیاں ،

وہ بہتی گاتی سی ندیان ،

کیا کرنا ہے پردیس پیا ،


آ لوٹ چلیں اب دیس پیا ~ . . .

 

[اکمل زیدی]

لوٹ آئے گا کسی شام یہی لگتا ہے
جگمگائیں گے در و بام یہی لگتا ہے

 

[اکمل زیدی]

تری طلب تھی ترے آستاں سے لوٹ آئے
خزاں نصیب رہے گلستاں سے لوٹ آئے

بصد یقیں بڑھے حد گماں سے لوٹ آئے
دل و نظر کے تقاضے کہاں سے لوٹ آئے

سر نیاز کو پایا نہ جب ترے قابل
خراب عشق ترے آستاں سے لوٹ آئے

قفس کے انس نے اس درجہ کر دیا مجبور
کہ اس کی یاد میں ہم آشیاں سے لوٹ آئے

بلا رہی ہیں جو تیری ستارہ بار آنکھیں
مری نگاہ نہ کیوں کہکشاں سے لوٹ آئے

نہ دل میں اب وہ خلش ہے نہ زندگی میں تڑپ
یہ کہہ دو پھر مرے درد نہاں سے لوٹ آئے

گلوں کی محفل رنگیں میں خار بن نہ سکے
بہار آئی تو ہم گلستاں سے لوٹ آئے

فریب ہم کو نہ کیا کیا اس آرزو نے دئیے
وہی تھی منزل دل ہم جہاں سے لوٹ آئے

خاطر غزنوی