فراز یہ دل کا چور کہ اس کی ضرورتیں تھیں بہت - نایافت از احمد فراز

[ماروا ضیا]

تلاش کے باوجود اردو محفل پر یہ غزل نہ ملنے پرآپ دوستوں کے سامنے پیش کر رہی ہوں

​

یہ دل کا چور کہ اس کی ضرورتیں تھیں بہت ​

وگرنہ ترکِ تعلق کی صورتیں تھیں بہت​

​

ملے تو ٹوٹ کے روئے نہ کھل کے باتیں کیں ​

کہ جیسے اب کے دلوں میں کدورتیں تھیں بہت​

​

بھلا دیئے ہیں تیرے غم نے دکھ زمانے کے​

خدا نہیں تھا تو پتھر کی مورتیں تھیں بہت​

​

دریدہ پیرہنوں کا خیال کیا آتا؟​

امیرِ شہر کی اپنی ضرورتیں تھیں بہت​

​

فراز دل کو نگاہوں سے اختلاف رہاوگرنہ ​

شہر میں ہم شکل صورتیں تھیں بہت​

نایافت

 

[محمد وارث]

شکریہ آپ کا ارسال فرمانے کیلیے

 

[باباجی]

واہ بہت ہی خوبصورت کلام

دریدہ پیرہنوں کا خیال کیا آتا؟​

امیرِ شہر کی اپنی ضرورتیں تھیں بہت​

 

[فاتح]

واہ واہ
خوب انتخاب ہے

 

[ماروا ضیا]

شکریہ محترم @محمدوارث ، فاتح باباجی

 

[محمداحمد]

خوبصورت انتخاب!

شکریہ

 

[محمد بلال اعظم]

واہ
خوبصورت انتخاب
یہ غزل میری نظر میں تھی لیکن مصروفیات کے باعث شریکِ محفل نہ کر سکا۔
بہت زبردست انتخاب

 

[سید زبیر]

شکریہ ، بہت خوبصورت شراکت
ملے تو ٹوٹ کے روئے نہ کھل کے باتیں کیں
کہ جیسے اب کے دلوں میں کدورتیں تھیں بہت
واہ

 

[ماروا ضیا]

بلال صاحب چلیں پھر ہم نے آپ کا کُچھ بوجھ بانٹ لیا اصل میں یہ غزل مجھے آپکے انتخاب فراز میں بھی نہیں ملی تھی جو برقی کُتب میں آپ نے جمع کروایا اور نہ ہی مجھے اردو محفل میں ملی۔ تو میں نے جھٹ سے شئیر کر دی

شکریہ @سیدزبیر صاحب آپکا بھی

 

[محمد بلال اعظم]

بلال صاحب چلیں پھر ہم نے آپ کا کُچھ بوجھ بانٹ لیا اصل میں یہ غزل مجھے آپکے انتخاب فراز میں بھی نہیں ملی تھی جو برقی کُتب میں آپ نے جمع کروایا اور نہ ہی مجھے اردو محفل میں ملی۔ تو میں نے جھٹ سے شئیر کر دی

شکریہ @سیدزبیر صاحب آپکا بھی

اصل میں ابھی تک میں نایافت پہ پہنچا ہی نہیں۔
اور غزلیں تو فاتح بھائی کے پاس موجود ہیں، اگر ان میں سے ایک کتاب کی غزلیں دوسری کتاب کی نظموں کے ساتھ دے دی جائیں تو ٹھیک رہے گا۔

 

[ماروا ضیا]

فاتح صاحب تواپنے خزانے کو ہوا نہیں لگنے دیتے

 

[فاتح]

فاتح صاحب تواپنے خزانے کو ہوا نہیں لگنے دیتے

یہ خزانے تجھے ممکن ہے خرابوں میں ملیں

 

[محمد بلال اعظم]

یہ خزانے تجھے ممکن ہے خرابوں میں ملیں

 

[ماروا ضیا]

کسی بھی صورت ملیں تو سہی بس 2 کُتب باقی رہ گئی ہیں وہ بھی مل جائیں گی

 

[محمد بلال اعظم]

کسی بھی صورت ملیں تو سہی بس 2 کُتب باقی رہ گئی ہیں وہ بھی مل جائیں گی

میرے پاس پی ڈی ایف میں ہیں۔
آپ کو کون کون سی چاہیں؟

 

[ماروا ضیا]

اگر آپ عنائت فرما دیں تو آپکا احسان ہو گا چاہے پی ڈی ایف میں ہی ہوں

درد آشوب​

نابینا شہر میں آئینہ​

مودلک
غزل بہانہ کرو
جاناں جاناں
ان میں سے جو بھی آپ کے پاس ہے وہ دے دیں یا ان کا مجموعہ کلام "شہر سُخن آرستہ ہے" ہو تو صرف وہی کافی ہے
باقی کُتب میرے پاس ہیں پی ڈی ایف میں ہی

 

[محمد بلال اعظم]

اگر آپ عنائت فرما دیں تو آپکا احسان ہو گا چاہے پی ڈی ایف میں ہی ہوں

درد آشوب​

نابینا شہر میں آئینہ​

بودلک
غزل بہانہ کرو
جاناں جاناں
ان میں سے جو بھی آپ کے پاس ہے وہ دے دیں یا ان کا مجموعہ کلام "شہر سُخن آرستہ ہے" ہو تو صرف وہی کافی ہے
باقی کُتب میرے پاس ہیں پی ڈی ایف میں ہی

میں آپ کو میڈیا فائر پہ اپلوڈ کر کے لنک پی ایم کر دوں گا۔
اگر کل تک نہ کر سکوں تو مجھے پی ایم کر کے یاد کورا دیجیے گا کیونکہ ہو سکتا ہے میں بھول بھی جاؤں۔
اور نام "بودلک" ہے، "مودلک" نہیں۔

 

[ماروا ضیا]

جزاک اللہ

 

[عمراعظم]

لاجواب انتخاب ۔ شکریہ شئیر کرنے کے لئے۔

 

[ماروا ضیا]

شکریہ عمراعظم صاحب