“دوست“ بھائی کے نام :)

[عمر سیف]

ہماری خود سے شاید دشمنی ہے
ہماری آپ کی کیوں دوستی ہے‌؟

 

[شمشاد]

فائدہ کیا سونچ آخر تو بھی ہے دانا اسد
دوستی ناداں کی ہے جی کا زیاں ہو جائے گا
(غالب)

 

[عمر سیف]

تری نگاہِ کرم ہے وگرنہ اے غمِ دوست
زمانہ کیا ترے شیدائیوں سے خالی ہے

 

[شمشاد]

وہ جو اس جہاں سے گزر گئے کسی اور شہر میں زندہ ہیں
کوئی ایسا شہر ضرور ہے انہی دوستوں سے بھرا ہوا
(منیر نیازی)

 

[عمر سیف]

زندگی تجھ سے اُمیدِ وفا کیا رکھوں
جب مجھے چھوڑ گئے دوست پرانے اپنے

 

[شمشاد]

صدیوں پہ اختیار نہیں تھا ہمارا دوست
دو چار لمحے بس میں تھے ، دو چار بس جیئے
(گلزار)

 

[عمر سیف]

چلو عذاب سہیں دوستی کے یوں ہی سہی
کہ وہ کسی کا ہوا، ہم کسی کے، یوں ہی سہی

 

[شمشاد]

کچھ آج شام ہی سے ہے دل بھی بجھا بجھا
کچھ شہر کے چراغ بھی مدھم ہیں دوستو
(احمد فراز)

 

[عمر سیف]

زخم ہی زخم ہیں میرے دل و جان
دوست ہی دوست ہیں میرے اطراف

 

[شمشاد]

نیم رنگی جلوہ ہے بزمِ تجلی زارِ دوست
دودِ شمع کشتہ تھا شاید خطِ رخسارِ دوست
(غالب)

 

[عمر سیف]

زنجیر کٹ گئی کہ کوئی دوست کٹ گیا
کچھ تو کہو یہ کیسی صدا آئی دوستو

 

[شمشاد]

نہ مزہ ہے دشمنی میں نہ ہے لطف دوستی میں
کوئی غیر غیر ہوتا کوئی یار یار ہوتا
(داغ دہلوی)

 

[عمر سیف]

جو بُرائی تھی میرے نام سے منسوب ہوئی
دوستو کتنا بُرا تھا میرا اچھا ہونا

 

[شمشاد]

یہی آنا جانا ہے زندگی ‘ کہیں دوستی کہیں اجنبی
یہی رشتہ کار حیات ہے کبھی قرب کا کبھی دور کا
(منیر نیازی)

 

[عمر سیف]

ذرا وصال کے بعد آئینہ تو دیکھ اے دوست
ترے جمال کی دوشیزگی نکھر آئی

 

[شمشاد]

نہ مزہ ہے دشمنی میں نہ ہے لطف دوستی میں
کوئی غیر غیر ہوتا کوئی یار یار ہوتا
(داغ دہلوی)

 

[عمر سیف]

دوست غمخوارہ میں میری سعی فرمائیں گے کیا
زخم کے بڑھ جانے تک ناخن نہ بڑھ جائیں گے کیا
بےنیازی حد سے گزری بندہ پرور کب تلک
ہم کہیں گے حالِ دل، اور آپ فرمائیں گے کیا

 

[شمشاد]

ضبط دوسرے مصرعے میں :

زخم کے بڑی جانے ۔۔۔۔۔۔۔۔۔۔۔

بڑی کی بجائے “ بڑھ “ ہے۔

 

[شمشاد]

دوست اس سلسلۂ ناز کے جوں سنبل و گل
ابرِ میخانہ کریں ساغرِ خورشید شکار
(غالب)

 

[نوید ملک]

بے یارو مددگار ہی کاٹا تھا سارا دن
کچھ خود سے اجنبی سا
اداس سا
ساحل پہ دن بجھا کے میں لوٹ آیا پھر وہیں
سنسان سی سڑک کے خالی مکان میں!
دروازہ کھولتے ہی میز پہ رکھی کتاب نے
ہلکے سے پھڑپھڑا کے کہا:
“ دیر کر دی دوست!“

گلزار