4 ستمبر ۔ عالمی یوم حجاب
- صاحب لڑی یوسف-2
- تاریخ ابتداء
رانا
محفلین
پتہ نہیں ہم لوگ ہر معاملے کو جذباتی انداز سے ہی کیوں دیکھتے ہیں۔ اگر کوئی ہمارےاستدلال کے برعکس استدلال کی طرف توجہ دلادے تو ہم ہاتھ دھو کر اس کے پیچھے پڑ جاتے ہیں۔ اور کبوتر کی طرح آنکھیں بند کرکے ہی جینا چاہتے ہیں۔ میرے خیال میں تو یہ ایک حوصلہ افزا بات تھی کہ ہم جس استدلال کو بہت مضبوط خیال کررہے تھے ایک بندے نے ہماری توجہ دوسری طرف بھی مبذول کرادی کہ بھائی اگر مغرب بھی اسی دلیل کو ہاتھ میں لے کر بات کردے تو آپ کیا کریں گے۔ لیکن بجائے اس کے کہ برعکس استدلال کے دفاع پر بھی کچھ غور کرتے ہم نے اگلے کو آڑے ہاتھوں لینا شروع کردیا۔ ہمارے اس طرز عمل سے آئندہ کوئی ہمیں ہماری دفاعی لائن کی خامیوں کی طرف توجہ دلانے کی حماقت کرے گا؟ مجھے تو اعتراف ہے کہ میں اس استدلال کو بہت مضبوط خیال کررہا تھا اور یہ سوچا ہی نہیں کہ دوسری طرف سے بھی یہی استدلال پیش کیا جاسکتا ہے۔ اب اگر اچانک کبھی مجھے اس برعکس ردعمل کا سامنا کرنا پڑجاتا تو فوری طور پر تو میں بغلیں جھانکنے کے علاوہ کچھ بھی نہیں کرسکتا تھا۔ لیکن اب کم از کم یہ تو ہے مجھے دوسری طرف بھی غور کرنے کا موقع مل گیا اور اب پہلے ہی سے اس برعکس استدلال کے حوالے سے جواب میرے زہن میں ہے۔
ہمیں مخالفانہ رائے کو سننے اور اس پر غور کرنے کا حوصلہ پیدا کرنا چاہئے یہ ہمارے حق میں مفید ہی ہوگا۔ البتہ اگر کوئی کج بحثی کی نیت سے ایسا کرے تو پھر الگ بات ہے لیکن یہاں میرے خیال میں ایسا کچھ نہیں تھا۔
ہمیں مخالفانہ رائے کو سننے اور اس پر غور کرنے کا حوصلہ پیدا کرنا چاہئے یہ ہمارے حق میں مفید ہی ہوگا۔ البتہ اگر کوئی کج بحثی کی نیت سے ایسا کرے تو پھر الگ بات ہے لیکن یہاں میرے خیال میں ایسا کچھ نہیں تھا۔
عثمان
محفلین
پہلی بات تو یہ کہ کروڑوں مسلم خواتین وینا ملک بننے نہیں جا رہیں۔ ایک انتہائی ایکسیپشن کو عمومیت کا رنگ دینے کی ضرورت نہیں۔
آپ کی ناک کہاں سے شروع ہوتی ہے ؟ جہاں کوئی عورت برقع اتار کر دوپٹہ گلے میں ڈال لے ؟ سعودیہ میں حجاب کی نہیں ، بلکہ سر سے پیروں تک کالے برقع کی پابندی ہے۔ وہ نہ ہو تو وہاں کے مردوں کی ناک وہیں شروع ہوجاتی ہے۔
ہمارے علم میں ایک ایسا واقع بھی ہے کہ محض اونچی ایڑھی کی آواز کی بنیاد بنا کر ایک صاحب خواتین کو جنسی اشتعال دینے کا الزام دیتے پائے گئے۔
حجاب کی پابندی کے نقصان کی وضاحت میں خواتین کی ایک تعداد موجود ہے جن کا موقف سننے کی آپ میں ہمت ہے نہ یہاں اس کی ضرورت۔ مقصد آپ کی دلیل کی کمزوری واضح کرنا تھی جو ہو چکی۔ "خرافات کو مختصر کرتے ہوئے مراسلہ ختم کرتا ہوں۔
عثمان
محفلین
اس مراسلے میں جس قسم کی زبان استعمال کی گئی ہے اور جس قسم کے سوڈو "دلائل" کا سہارا لیا گیا ہے اس کو پوائنٹ بہ پوائنٹ لیا گیا تو بات بہت لمبی اور کافی تلخ ہوجائے گی۔
اسی طرح اگر میں عائشہ نصرت کے مضمون کے باقی نقاط کا احاطہ کرتا تو آپ لوگ اس پر بھی صبر نہ کر پاتے۔
ایک بات یاد رکھیں ، ہر شخص کو آپ کے مذہبی اور اخلاقی اقدار کو سبسکرائب کرنے کی حاجت نہیں۔ حتیٰ کہ اس حجاب جیسے موضوع پر بھی تمام خواتین آپ کی ہمخیال نہیں۔ برقع دستانوں سے لے کر بغیر آستینوں کی قمیض پہننے تک ، تمام خواتین کی ایک وسیع تعداد اس دنیا میں وجود رکھتی ہے۔ محض آپ کی پسند نا پسند سے ایک بازاری اور دوسری محترم نہیں بن جاتی۔
اوپر ایک صاحب نے ناک کا تذکرہ کیا ہے۔ میری گذارش ہے کہ ہم سب اپنی ناک اپنے جسم تک ہی رکھیں تو بہتر ہے!
عثمان
محفلین
گویا ایک بات تو واضح ہوئی
کہ "میرا جسم میرا مسئلہ" جیسا اصول صرف وہیں مفید ہے جہاں مقاصد اپنے موافق ہو۔ ورنہ مغرب کی طرح معیار کو دوہرا کرنے میں کوئی پس و پیش نہیں۔
ایک خاتون اس اصول کے تحت حجاب ، برقع لے تو واہ واہ۔۔۔
دوسری خاتون اسی پسندیدہ اصول کے تحت محض دوپٹہ گلے میں ڈالنے کا حق مانگے تو بقول شخصے "بازاری" ٹھہرے ؟؟
بہت خوب!
کہ "میرا جسم میرا مسئلہ" جیسا اصول صرف وہیں مفید ہے جہاں مقاصد اپنے موافق ہو۔ ورنہ مغرب کی طرح معیار کو دوہرا کرنے میں کوئی پس و پیش نہیں۔
ایک خاتون اس اصول کے تحت حجاب ، برقع لے تو واہ واہ۔۔۔
دوسری خاتون اسی پسندیدہ اصول کے تحت محض دوپٹہ گلے میں ڈالنے کا حق مانگے تو بقول شخصے "بازاری" ٹھہرے ؟؟
بہت خوب!
ایچ اے خان
معطل
متفق عثمان
دلیل کمزور ہے کہ "میرا جسم میرا مسئلہ"
ہرگز ایسی بات نہیں ہے۔ بلکہ بات یہ ہے کہ میرا جسم اور ہر چیز میرے ایمان کا مسئلہ ہے
دلیل کمزور ہے کہ "میرا جسم میرا مسئلہ"
ہرگز ایسی بات نہیں ہے۔ بلکہ بات یہ ہے کہ میرا جسم اور ہر چیز میرے ایمان کا مسئلہ ہے
عثمان
محفلین
یہ سلوگن نسبتاً بہتر ہے۔
اگرچہ میں شخصی آزادی کا قائل ہوں اور "میرا جسم ، میرا مسئلہ" سے مجھے ذاتی طور پر تو کوئی مسئلہ نہیں لیکن کئی جگہوں پر یہ کامل نہیں۔ مثلاً بینک میں داخل ہوتے وقت ، برقع اور چہرے کا نقاب میر مسئلہ نہیں بلکہ بینک سیکیورٹی کا مسئلہ بن جاتا ہے۔
عثمان
محفلین
وہ تو ٹھیک ہے۔ لیکن اب آپ کے نزدیک نارمل کیا ہے اور انتہا پسندی کیا ؟
مثلاً اگر اسی موضوع کو لیں۔ تو برقع اوڑھنے یا چہرے کا نقاب کرنے اور محض دوپٹہ لینے میں سے نارمل کیا ہے اور انتہا پسندی کیا ؟
عثمان
محفلین
آپ کی مراد اس سے ہے ؟
قانون تو قانون ہے۔ پابندی تو لازم ہے۔ اگرچہ کوئی بھی قانون بحث سے مستثنیٰ نہیں۔
سید عاطف علی
لائبریرین
کیا انتہا پسندی اور "نارمل" سیلیکٹ کرنے کی لیے دو ہی آپشن نظرآتےہیں ؟وہ تو ٹھیک ہے۔ لیکن اب آپ کے نزدیک نارمل کیا ہے اور انتہا پسندی کیا ؟
مثلاً اگر اسی موضوع کو لیں۔ تو برقع اوڑھنے یا چہرے کا نقاب کرنے اور محض دوپٹہ لینے میں سے نارمل کیا ہے اور انتہا پسندی کیا ؟
رانا
محفلین
میرے خیال میں یہاں دو باتوں کو گڈمڈ کیا جارہا ہے۔ عائشہ نصرت کی دلیل "میرا جسم میرا مسئلہ" ہی اس وقت زیربحث ہے۔ لیکن یہ کہنا کہ یہ دلیل کمزور ہے صرف اس وجہ سے کہ دوسری طرف سے بھی یہی دلیل پیش کی جاسکتی ہے۔ اس کا ذرا جائزہ لیتے ہیں۔
اول) ایک دلیل عائشہ نصرت نے پیش کی مغربی معاشرے کے اس حصے کے سامنے جو عورت کی آزادی کے نام پر زبردستی حجاب سے روکتا ہے۔
دوم) اس کو کمزور ثابت کرنے کے لئے دوسری دلیل یہ دی جارہی ہے کہ مسلم معاشرے میں بھی کوئی اسی دلیل کا سہارا لے تو پھر آپ کیا کریں گے۔
یہ دونوں الگ الگ باتیں ہے بظاہر ایک دوسرے سے بہت کلوزڈ دکھائی دیتی ہیں لیکن ایک کا دوسری سے کوئی جوڑ ہی نہیں۔ وہ اسطرح کہ عائشہ نصرت کی دلیل مغربی معاشرے کے جبر کے خلاف ہے۔ جب وہ وہاں یہ دلیل دے گی تو کوئی عدالت یہ نہیں کہے گی کہ مسلم معاشرے میں بھی عورت کو یہی حق دو۔ نہ ہی عدالتیں انصاف کرتے ہوئے اسطرح کی شرائط پیش کرتی ہیں۔ لہذا اس دلیل کو وہاں کے ماحول میں کوئی چیلنج نہیں کیا جاسکتا۔ کیونکہ یہ وہاں کے غیر مسلم معاشرے کی ایک مسلم عورت کی شخصی آزادی کا مسئلہ ہے لہذا مسلم معاشرے میں اس دلیل کے نفاذ تک اس عورت کے لئے انصاف کو روک کر نہیں رکھا جائے گا اور نہ ایسا ہوتا ہے۔ (یہ الگ بات ہے کہ وہ معاشرہ اس دلیل کو نہ مانے لیکن اصولی طور پر اس معاشرے کے پاس اس دلیل کے خلاف کوئی ٹھوس دلیل نہ ہوگی)۔ یہ بات نوٹ کئے جانے کے قابل ہے کہ مسلمان عورت جب اس دلیل کا سہارا لیتی ہے تو اس کی ٹھوس وجہ ہوتی ہے کہ اس کے مذہب میں حجاب شامل ہے اور اپنی مرضی کے مذہب پر عمل کرنا بنیادی انسانی حقوق کا معاملہ ہے جس پر کوئی دو رائے نہیں۔
لہذا اس دلیل کو کمزور تو کہنے کی کوئی ٹھوس وجہ نہیں ہے یہ اپنی جگہ ایک مضبوط استدلال ہے۔ جو برعکس دلیل پیش کی گئی وہ صرف جوابی حملے کے طور پر ہے ورنہ وہ اس دلیل کو رد کرنے کے لئے اصولی طور پر پیش نہیں کی جاسکتی۔
اب مسلم معاشرے کی بات کرتے ہیں۔ یہ بات میں پہلے ہی بیان کرچکا ہوں کہ حجاب کے لئے قانون بنانا حکومت کے دائرہ کار میں نہیں آسکتا (یہ سو فیصد میری ذاتی رائے ہے) کیونکہ اس میں بہت سی قباحتیں ہیں کہ ہر مسلک کے نزدیک پردہ کی تعریف میں ہی فرق ہے پھر بعض کے ہاں زیادہ سختی اور بعض کے ہاں نسبتا نرمی ہے۔ اس لئے یہاں جب زبردستی حجاب کرانے کا قانون ہی نہیں تو دلیل کی ضرورت خود ہی ختم ہوجاتی ہے۔ لیکن جیسا کہ میں نے پہلے بھی کہا کہ ایک حد تک ہی یہاں بھی آزادی دی جائے گی کہ اس سے آگے دوسروں کی آزادی میں مداخلت شروع ہوجائے گی۔ اور حجاب سے آزادی کی زیادہ سے زیادہ ٹھوس وجہ یہی کسی کے پاس ہوگی کہ اسے روزمرہ کے کاموں میں مشکل پیش آتی ہے۔ اس وجہ کے بعد اسے صرف حجاب سے ہی آزادی دی جاسکتی ہے نہ کہ کھلی چھٹی۔
اب ایک بات ہم صرف مسلمان عورت کے حوالے سے ہی ڈسکس کرتے ہیں۔ کہ مذہب میں قوانین بھی ہوتے ہیں۔ اب جب مسلمان عورت نے اپنے آپ کو ایک مذہب کا پابند مانا ہے تو اس کے قوانین پر اعتراض کا حق ہی ختم ہوجاتا ہے۔ بلکہ بالکل لغو ٹھہرتا ہے کہ ایک مذہب کو مان کر اس کے قوانین پر اعتراض کیا جائے۔ لیکن یہ دوسرا پوائنٹ بہت حساس ہے اس پر میں ابھی کچھ کہنے کی پوزیشن میں نہیں ہوں کہ میرا اپنا مطالعہ اس معاملے میں اتنا نہیں۔ میرا مقصد اس پوسٹ سے صرف یہ ثابت کرنا تھا کہ عائشہ نصرت کی دلیل بہرحال کمزور نہیں وہ اپنی جگہ مضبوط دلیل ہی ہے۔
یہ میرا ذاتی نکتہ نظر ہے۔ اصل نکتہ نظر کی وضاحت تو اہل علم ہی کرسکتے ہیں۔
عثمان
محفلین
یہ دلیل صرف عائشہ نصرت ہی کے لئے دلیل ہے کہ جس کورٹ آف لاء میں وہ موجود ہیں وہاں اس کی کوئی قدر ہے۔ ورنہ آپ اور آپ کے کورٹ آف لاء میں یہ لیل عین لغو ہو گی۔ اس لئے کہا کہ تحسین کیسی ؟
رہا میں۔۔ تو میں تو اس دلیل کا قائل ہیں۔ چاہے کسی بھی کورٹ آف لاء میں ہو۔
یہ بہت مبہم تعریف ہے۔ حد کون مقرر اور کون لاگو کرے گا ؟ فرد کو یہ آزادی دینے کا تو آپ تصور بھی نہیں کر سکتے۔ حکومت کو دینے کو تیار نہیں۔ باقی پیچھے خدائی ٹھیکدار ہی بچتے ہیں۔
منطقی لحاظ سے صحیح ہو یا غلط ، ہر شخص اپنی صوابدید اور اپنی مرضی ہی سے اپنے نظریات کی پیروی کرتا ہے۔
عثمان
محفلین
کیا انتہا پسندی اور "نارمل" سیلیکٹ کرنے کی لیے دو ہی آپشن نظرآتےہیں ؟
میں تو آپشنز میں توسیع کر دوں گا۔ لیکن بعید نہیں کہ ایک فرد کا نارمل دوسرے کے لئے انتہا پسندی ٹھہرے ۔
رانا
محفلین
حکومت کو میں صرف اس بات کا اختیار دینے کا قائل نہیں کہ وہ زبردستی حجاب کروانا شروع کردے۔ لیکن حجاب سے آزادی کے نام پر اخلاقی حدود سے تجاوز کرجانے کو روکنا حکومت ہی کی ذمہ داری ہے۔ اب رہ جاتی ہے بات اخلاقی حدود متعین کرنے کی تو یہ ایک الگ معاملہ ہے۔ بہت ساری چیزیں بحث کرتے ہوئے واضع نہیں ہوتیں لیکن جب نافذ کرنے کے بارے میں سوچا جائے تو پھر حل نکل ہی آتا ہے۔ اور ہر صورت حال میں یہ بھی ضروری نہیں ہوتا کہ حدود مقرر ہی کی جائیں گی تو کام ہوگا۔ بعض جگہ اخلاقی حدود نہ بھی مقرر کی جائیں تو بھی سب کو احساس ہوجاتا ہے کہ یہ حدود سے تجاوز ہورہا ہے۔ اس بات پر شائد یوسف ثانی صاحب بہتر اظہار خیال کرسکیں۔یہ بہت مبہم تعریف ہے۔ حد کون مقرر اور کون لاگو کرے گا ؟ فرد کو یہ آزادی دینے کا تو آپ تصور بھی نہیں کر سکتے۔ حکومت کو دینے کو تیار نہیں۔ باقی پیچھے خدائی ٹھیکدار ہی بچتے ہیں۔
لیکن ان سب باتوں سے قطع نظر میں بہرحال پردے کو مفید اور مسلم معاشرے کے لئے ناگزیر خیال کرتا ہوں۔ پردے کی پابندی کرکے بھی سبھی کام ہوسکتے ہیں اور ترقی کے تمام زینے طے کیے جاسکتے ہیں۔ جو روشن خیال خواتین پردے کو ترقی کی راہ میں رکاوٹ سمجھتے ہوئے اس کے نقصان بیان کرتی نہیں تھکتیں، بندہ ان سے پوچھے کہ خود انہوں نے پردے کو چھوڑ کر کیا ترقیاں کرلیں ہیں؟ یا کون سی ترقی ایسی ہے جس کی راہ میں پردہ رکاوٹ ہے۔ ایک بات تو طے ہے کہ پردے کے جینئن نقصانات بہرحال کوئی نہیں ہیں۔ بلکہ اس کے برخلاف پردہ نہ کرنے کے جو نقصانات ہیں وہ ایک نظر مغربی معاشرہ کو دیکھ کر اندازہ ہوجاتا ہے۔ آج کی بے پردہ مسلم خواتین کے کارناموں کا گذشتہ صدیوں کی مسلمان باپردہ خواتین کے کارناموں سے موازنہ کرلیں تو بات بالکل کھل جاتی ہے کہ پردے کا صرف بہانہ بنایا جارہا ہے جس کے پیچھے اپنی ذاتی خواہشات ہیں اور کچھ نہیں۔
عثمان
محفلین
برادرم بات کچھ ایسے ہے کہ اعتدال سے کوئی بھی معاشرہ ہٹے تو نقصانات تو سامنے آتے ہی ہیں۔ مغربی معاشرے کے نقصانات تو آپ کو فوری نظر آرہے ہیں لیکن مسلم معاشروں کے نقصانات پر بات کرنا بلکہ غور ہی کرنا آپ کے لئے شجر ممنوعہ ہوگا۔ مسلم خواتین کا انتہائی اکثریتی حصہ اپنی غیر مسلم خواتین کے مقابلے میں بڑی حد تک معاشرتی ، معاشی اور سماجی طور پر ناکام بلکہ معذور ہے۔ یہ آپ کی سادگی ہے اگر آپ یہ سمجھتے ہیں کہ مسلمانوں میں پردہ سے متعلقہ حد سے بڑھے نظریات اس معذوری میں کوئی کردار ادا نہیں کرتے۔
گذشتہ باپردہ خواتین کے کارنامے کچھ واضح کریں۔
باقی احباب اطمینان رکھیں کہ راقم کوئی پردے کے خلاف نہیں ہے۔
رانا
محفلین
متفق۔
ہم یہاں عمومی نقصانات کی بات نہیں کررہے بلکہ صرف ایک خاص نقصان کا ذکر کررہے ہیں جو بے پردگی کی وجہ سے ہے۔ اس میں مسلم معاشرہ جیسا بھی گیا گزرا ہے لیکن پھر بھی مغربی معاشرہ اس حوالے سے جس بدترین صورت حال سے دوچار ہے وہ ظاہر و باہر ہے۔ اس سے امید ہے کہ آپ کو بھی انکار نہیں ہوگا۔
پردہ سے متعلق صحیح اسلامی تعلیم کبھی بھی خواتین کو سماجی یا معاشرتی طور پر ناکام نہیں بناتی۔ البتہ جیسا کہ آپ نے الفاظ استعمال کئے ہیں کہ "پردہ سے متعلقہ حد سے بڑھے نظریات" تو حد سے کوئی بھی چیز بڑھے یا کم ہو دونوں صورتوں میں ہی نقصان ہے۔ اس لئے میں پردے کو بالکل چھوڑ دینے کے بھی خلاف ہوں اور پردے کے نام پر عورت کو چار دیواری کا قیدی بنائے جانے کو بھی ناپسند کرتا ہوں۔ پردے کو ملحوظ خاطر رکھتے ہوئے عورت کو زندگی کی دوڑ میں پوری طرح حصہ لینے کی آزادی ہے۔ لیکن اگر پردے کے نام پر ہی عورت کو یہ آزادی نہیں دی جاتی تو اس میں پردے کا تو کوئی قصور نہیں۔ قصور وار اس معاشرے کو ٹھہرایا جائے گا جو پردے کی آڑ میں یہ آزادی سلب کرتا ہے۔مسلم خواتین کا انتہائی اکثریتی حصہ اپنی غیر مسلم خواتین کے مقابلے میں بڑی حد تک معاشرتی ، معاشی اور سماجی طور پر ناکام بلکہ معذور ہے۔ یہ آپ کی سادگی ہے اگر آپ یہ سمجھتے ہیں کہ مسلمانوں میں پردہ سے متعلقہ حد سے بڑھے نظریات اس معذوری میں کوئی کردار ادا نہیں کرتے۔
اس حوالے سے میں ذہن میں موجود مبہم خاکوں کے سہارے بات نہیں کرسکتا کبھی تفصیلی مطالعہ کرکے کچھ عرض کروں گا۔ البتہ یہ واضع کرنے کے لئے کہ پردہ عورت کو ناکام نہیں بناتا کچھ واضع مثالیں دیتا ہوں۔گذشتہ باپردہ خواتین کے کارنامے کچھ واضح کریں۔
حضرت عائشہ رضی اللہ عنہا نے پردے کی پابندی کے ساتھ کچھ ایسے کام بھی کئے جو نمایاں ہیں۔ انہوں نے علم حاصل کیا۔ اتنا کہ آدھا دین ان سے سیکھنے کو کہا گیا۔ پھر صرف حاصل ہی نہیں کیا بلکہ عورتوں کے ساتھ ساتھ مردوں کو بھی سکھایا۔ پردے نے کہیں کوئی رکاوٹ نہیں ڈالی۔ پھر جنگوں میں حصہ لیا تو نرسنگ کی خدمات جنگوں میں دیں۔ پردے نے کوئی رکاوٹ نہیں ڈالی۔ پھر یہاں تک ہی نہیں خود ایک جنگ میں سپہ سالار کی حیثیت سے جنگ کی کمان کی۔ جسے آج کے دور میں چیف آف آرمی اسٹاف کہا جاتا ہے۔ یہ تمام کام انہوں نے کئے اور پردے کی پاسداری کے ساتھ۔ ان سے زیادہ پردے کو سمجھنے والی کوئی دوسری عورت نہیں تھی۔ میرے زہن میں اس وقت ان کے بار ےمیں یہی باتیں آئیں تھیں ورنہ وہ ایک ہمہ گیر شخصیت تھیں۔ اس سے یہ ثابت ہوتا ہے کہ پردہ کہیں بھی عورت کو چاردیواری میں قید کرکے نہیں رکھتا بلکہ ہر معاملے میں عورت کو شامل رکھتا ہے۔
دوسری مثال آج کے دور کی پاکستان کی ایک خاتون کی ہے۔ جنہوں نے پاکستان میں پردے کی پابندی کے ساتھ تعلیم حاصل کی۔ فزکس میں ڈاکٹریٹ کی اور آج مشہور زمانہ سرن لیبارٹری میں میں بطور سائنسدان خدمات بجا لارہی ہیں۔ انہیں پردے نے کہیں آگے بڑھنے سے نہیں روکا۔ اب مجھ سے ان کا نام نہ پوچھ لیجئے گا کہ یہاں ایسے دانشور بھی موجود ہیں جو کسی کے بارے میں رائے قائم کرنے سے پہلے اس کے مسلک پر نظر ڈالنا ضروری خیال کرتے ہیں۔
مختصرا یہ کہ پردہ اپنی ذات میں عورت کو ترقی سے نہیں روکتا۔ پردے کے نام پر عورت کی آزادی سلب کرلی جائے تو اس سے پردے پر زد نہیں پڑتی بلکہ پردے کو غلط سمجھنے والوں کی سمجھ کا قصور ہے۔