K-Electric اور اقبال -از- پروفیسر عنایت علی

[محمداحمد]

K-Electric اور اقبال
پروفیسر عنایت علی خان کی نظم​

جب واپڈا والوں سے کہا جا کے کسی نے
یہ کس نے کہا ہے ہمیں راتوں کو سزا دو
بولے ہمیں اقبال کا پیغام ملا تھا
اُٹھو مری دنیا کے غریبوں کو جگا دو
اور اُٹھتے ہوئے بَاس نے یہ اور کہا تھا
کاخِ اُمراء کے در و دیوار سجا دو
کاخِ امرا کے کہیں فانوس نہ بُجھ جائیں
بہتر ہے چراغِ حرم و دیر بجھا دو
جس زون سے ورکر کو میسر نہ ہو روزی
اس زون میں کُنڈوں کا چَلن اور بڑھا دو
جو بندۂ مومن نہ ہو سَیٹنگ پہ رضامند
دو لاکھ کا بِل ہاتھ میں تم اِس کے تھما دو

پروفیسر عنایت علی خان​

 

[محمداحمد]

با ادب
فلک شیر
نیرنگ خیال

 

[محمد تابش صدیقی]

لاجواب۔
کیا بات ہے محترم عنایت علی خان صاحب کی۔

 

[اے خان]

لاجواب.

جس زون سے ورکر کو میسر نہ ہو روزی
اس زون میں کُنڈوں کا چَلن اور بڑھا دو

احمد بھیا آپ کے علاقے میں لوگ بجلی کے کنڈے لگاتے ہیں؟؟

 

[محمداحمد]

لاجواب.

احمد بھیا آپ کے علاقے میں لوگ بجلی کے کنڈے لگاتے ہیں؟؟

کے الیکٹرک والوں کو کہنا تو یہی ہے۔وہ کہتے ہیں کہ چونکہ آپ کے علاقے کے لوگ چور ہیں سو اُن کی سزا آپ کو ملے گی۔

یقیناً چوروں کو ہماری شرافت کی جزا ملتی ہوگی۔

 

[محمداحمد]

لاجواب۔
کیا بات ہے محترم عنایت علی خان صاحب کی۔

بلاشبہ! عنایت علی خان صاحب کا کلام لاجواب ہوا کرتا ہے۔

 

[اے خان]

کے الیکٹرک والوں کو کہنا تو یہی ہے۔وہ کہتے ہیں کہ چونکہ آپ کے علاقے کے لوگ چور ہیں سو اُن کی سزا آپ کو ملے گی۔

یقیناً چوروں کو ہماری شرافت کی جزا ملتی ہوگی۔

الحمدللہ ہمارے ہاں چوری کی بجلی استعمال کرنا معیوب سمجھا جاتا ہے. لیکن پھر بھی واپڈا والوں کو ہم پر ترس نہیں آتا.
☺☺☺

 

[محمد تابش صدیقی]

کے الیکٹرک والوں کو کہنا تو یہی ہے۔وہ کہتے ہیں کہ چونکہ آپ کے علاقے کے لوگ چور ہیں سو اُن کی سزا آپ کو ملے گی۔

یقیناً چوروں کو ہماری شرافت کی جزا ملتی ہوگی۔

نارتھ ناظم آباد آر بلاک جو کہ تقریباً پہاڑی پر ہے۔ ایک دفعہ جانا ہوا، تو مسجد کے امام صاحب کنڈا درست کروا رہے تھے۔ بھائی نے ازراہِ مذاق پوچھا کہ مولوی صاحب آپ بھی؟
تو کڑک کر جواب دیا کہ اپنے لیے تھوڑی لگا رہے ہیں، اللہ کے گھر کے لیے لگا رہے ہیں۔
ہماری ایک رشتہ دار خاتون بتا رہی تھیں کہ ایک دفعہ کسی کے گھر جانا ہوا۔ کچھ دیر میں بجلی چلی گئی۔ تو خاتونِ خانہ نے اپنے بچے کو آواز دے کر کہا کہ "بیٹا! کنڈا بدل دو۔"
اور بجلی آ گئی۔ انہوں نے ماجرا پوچھا تو معلوم ہوا کہ دو مختلف گرڈ کی تاریں گزر رہی ہیں۔ جب ایک کی بجلی جاتی ہے تو کنڈا دوسری طرف لگ جاتا ہے۔

ہماری دو نمبریاں اپنی جگہ موجود ہیں۔ لیکن بہر حال یہ کے- الیکٹرک کی نا انصافیوں کو جواز فراہم نہیں کرتیں۔

 

[محمداحمد]

نارتھ ناظم آباد آر بلاک جو کہ تقریباً پہاڑی پر ہے۔ ایک دفعہ جانا ہوا، تو مسجد کے امام صاحب کنڈا درست کروا رہے تھے۔ بھائی نے ازراہِ مذاق پوچھا کہ مولوی صاحب آپ بھی؟
تو کڑک کر جواب دیا کہ اپنے لیے تھوڑی لگا رہے ہیں، اللہ کے گھر کے لیے لگا رہے ہیں۔
ہماری ایک رشتہ دار خاتون بتا رہی تھیں کہ ایک دفعہ کسی کے گھر جانا ہوا۔ کچھ دیر میں بجلی چلی گئی۔ تو خاتونِ خانہ نے اپنے بچے کو آواز دے کر کہا کہ "بیٹا! کنڈا بدل دو۔"
اور بجلی آ گئی۔ انہوں نے ماجرا پوچھا تو معلوم ہوا کہ دو مختلف گرڈ کی تاریں گزر رہی ہیں۔ جب ایک کی بجلی جاتی ہے تو کنڈا دوسری طرف لگ جاتا ہے۔

ہماری دو نمبریاں اپنی جگہ موجود ہیں۔ لیکن بہر حال یہ کے- الیکٹرک کی نا انصافیوں کو جواز فراہم نہیں کرتیں۔

میں نے اپنی زندگی میں کبھی کنڈا نہیں لگایا کہ نہ تو لگانا آتا ہے اور نہ میں اسے درست سمجھتا ہوں۔ ایک آدھ بار الیکٹریشن نے بھی آفر دی کہ وہ کوئی 'جگاڑ' کر دے گا لیکن بات ہماری سمجھ میں نہیں آئی۔

اس کے باوجود بلوں کے معاملے میں اور لوڈ شیڈنگ کے معاملے میں کے الیکٹرک کی کرم فرمائیاں اُنہیں لوگوں پر زیادہ ہوتی ہیں جو کنڈا لگانے کے بجائے بل بھرنے کو ترجیح دیتے ہیں۔

ہمارے ایک فیس بک دوست کے مطابق کے الیکٹرک کی مثال یوں ہے کہ آپ دوکاندار سے سو دو سو کا سامان لیں اور دوکان دار یہ کہہ کر پورا ہزار کا نوٹ رکھ لے کہ آپ سے پچھلے والے گاہک نے پیسے نہیں دیے تھے۔

بات پھر وہیں آتی ہے اگر سیاسی، عدالتی نظام درست ہو تو کوئی کسی کے حقوق غصب نہ کر سکے۔

 

[محمداحمد]

الحمدللہ ہمارے ہاں چوری کی بجلی استعمال کرنا معیوب سمجھا جاتا ہے. لیکن پھر بھی واپڈا والوں کو ہم پر ترس نہیں آتا.
☺☺☺

چونکہ وہ خود چوری کو معیوب نہیں سمجھتے۔

 

[محمد تابش صدیقی]

میں نے اپنی زندگی میں کبھی کنڈا نہیں لگایا کہ نہ تو لگانا آتا ہے اور نہ میں اسے درست سمجھتا ہوں۔ ایک آدھ بار الیکٹریشن نے بھی آفر دی کہ وہ کوئی 'جگاڑ' کر دے گا لیکن بات ہماری سمجھ میں نہیں آئی۔

اس کے باوجود بلوں کے معاملے میں اور لوڈ شیڈنگ کے معاملے میں کے الیکٹرک کی کرم فرمائیاں اُنہیں لوگوں پر زیادہ ہوتی ہیں جو کنڈا لگانے کے بجائے بل بھرنے کو ترجیح دیتے ہیں۔

یہی تو مسئلہ ہے کہ جنہوں نے کنڈا لگایا ہوا ہے، ان کا کنڈا اسی طرح کام کر رہا ہے، اور سارا ملبہ ان پر گرتا ہے جو شرافت سے بجلی کا بل دے رہے ہوتے ہیں۔

 

[ڈاکٹرعامر شہزاد]

جب واپڈا والوں سے کہا جا کے کسی نے
یہ کس نے کہا ہے ہمیں راتوں کو سزا دو
بولے ہمیں اقبال کا پیغام ملا تھا
اُٹھو مری دنیا کے غریبوں کو جگا دو

لاجواب اور زبردست بھیا ۔

 

[نیرنگ خیال]

بہت اعلیٰ احمد بھائی۔۔۔ زبردست۔۔۔۔ اور سچ

 

[با ادب]

بہترین پیروڈی اور تلخ حقیقت.

 

[محمداحمد]

لاجواب اور زبردست بھیا ۔

بہت اعلیٰ احمد بھائی۔۔۔ زبردست۔۔۔۔ اور سچ

بہترین پیروڈی اور تلخ حقیقت.

بہت شکریہ آپ تمام احباب کا۔

انتخاب کی پسندیدگی پر ممنون ہوں۔

 

[ابن توقیر]

بہترین انتخاب ہے احمد بھیا۔
بات سے بات نکل آئی،ابھی پچھلے مہینے بل کے ہمرا نوٹس آگیا کہ آپ کے میٹر میں سوراخ ہیں،لہذا بمع جرمانہ اور میٹرفیس کے میٹر بدلا جائے گا۔میں نوٹس لے کر دفتر چلا گیا،عملے نے تو پروا ہی نہیں کیا پر ایس ڈی صاحب کی منطق نے لاجواب کردیا۔میں نے کہا سرجی پندرہ بیس سال یا اس سے بھی قبل کا میٹر لگا ہے،حالت خراب ہے پر اس میں میرا کیا قصور؟ میرا تو بل ریکارڈ دیکھ لیں،مجھے تو لگتا ہے کہ میں استعمال سے زیادہ کا بل دے رہا ہوں۔صاحب کہنے لگا ہمیں سب پتا ہے،ہم جانتے ہیں کون کون چوری میں ملوث ہے،ان پر تو پرچہ ہوتا ہے۔ہمارے علم میں ہے کہ آپ شریف اور بے قصور ہیں اس لیے آپ پر جرمانہ کیا ہے۔

 

[محمداحمد]

صاحب کہنے لگا ہمیں سب پتا ہے،ہم جانتے ہیں کون کون چوری میں ملوث ہے،ان پر تو پرچہ ہوتا ہے۔ہمارے علم میں ہے کہ آپ شریف اور بے قصور ہیں اس لیے آپ پر جرمانہ کیا ہے۔

حیرت انگیز!

اس موضوع پر ایک کتاب ہونی چاہیے۔ "بجلی والوں کی تباہ کاریاں" یا ایسا ہی کچھ۔

 

[محمداحمد]

بات سے بات نکل آئی،ابھی پچھلے مہینے بل کے ہمرا نوٹس آگیا کہ آپ کے میٹر میں سوراخ ہیں،لہذا بمع جرمانہ اور میٹرفیس کے میٹر بدلا جائے گا۔میں نوٹس لے کر دفتر چلا گیا،عملے نے تو پروا ہی نہیں کیا پر ایس ڈی صاحب کی منطق نے لاجواب کردیا۔میں نے کہا سرجی پندرہ بیس سال یا اس سے بھی قبل کا میٹر لگا ہے،حالت خراب ہے پر اس میں میرا کیا قصور؟ میرا تو بل ریکارڈ دیکھ لیں،مجھے تو لگتا ہے کہ میں استعمال سے زیادہ کا بل دے رہا ہوں۔

ہم لوگ میٹر کے پیسے دیتے ہیں۔ پھر اس کا رینٹ بھی دیتے ہیں۔ میٹر پھر بھی ادارے کی ملکیت ہوتا ہے۔ اور خراب ہو جائے تو قصور بھی ہمارا ہی ہوتا ہے۔

ہے جرمِ ضعیفی کی سزا ۔۔۔۔

 

[عباس اعوان]

ہمارے علم میں ہے کہ آپ شریف اور بے قصور ہیں اس لیے آپ پر جرمانہ کیا ہے۔

غم ناک، افسوس ناک وغیرہ وغیرہ

 

[فلک شیر]

کچھ عرصہ قبل اس فقیر کو پنجاب میں ایک گاؤں جانے کا اتفاق ہوا، جہاں پورے گاؤں میں بجلی کے میٹر سرے سے تھے ہی نہیں ۔۔۔۔۔۔۔۔۔۔۔۔۔۔۔ پوچھنے پہ پتہ چلا، پورے گاؤں کا ٹھیکہ ہے "اُن "سے ۔
کے الیکٹرک کی بھی عظمت کو سلام ، بلکہ ہر اس عظیم آدمی اور عورت کو سلام ، جو بہتی گنگا میں ہاتھ دھو رہا ہے، بلکہ ہر چیز دھو رہا ہے ۔۔۔۔۔۔۔۔۔۔ یہ محمداحمد بھائی اور عنایت علی خاں جیسے لوگ اس معاشرے کی شاندارروایات کے باغی، جاندار حال سے آنکھیں چرا کر محض بری بری باتیں اور منہ بنانے والے مڈل کلاسیے اور عظیم تر مستقبل سے نوجوان طبقے کو مایوس کرنے والے گمراہ عناصر ہیں ، جو ایمانداری، فرض شناسی اور اسی نوع کی فضول ، ناقابل عمل اور آدرشی باتیں کر کر کے ترقی کا راستہ روکنے کی ناممکن کوششیں کرتے رہیں گے۔ قوم ایسے عناصر کی تمام کوششوں کو اپنے اتحاد اور یگانگت سے ناکام بنا دے گی۔