-
آج سے رمضان کی دعاؤں کے لیے آج کی دعا والی لڑی سے استفادہ کریں ۔۔۔
سولہ رمضان کی دعا :
اے معبود! آج کے دن مجھے نیکوں کے ساتھ ہم آہنگی کی توفیق دے؛ اس میں مجھ کو بروں کی صحبت و ہم نشینی سے بچائے رکھ اور اس میں اپنی رحمت سے مجھے دارالقرار میں جگہ عطا فرما بواسطہ اپنی معبودیت کے اے جہانوں کے معبود!
15 رمضان کی دعا:
معبود! آج کے دن مجھے خشوع کرنے والوں جیسی عبادت نصیب کر اور اس میں دلدادہ لوگوں جیسی بازگشت کے لیے میرا سینہ کھول دے اپنی پناہ کے ساتھ اے خائفین کی پناہ!
15 رمضان :
جشنِ ولادت با سعادت نواسہ رسول صلی اللہ علیہ وآلہِ وسلم جگر گوشہ بتول سلام اللہ علیہا حضرت امام حسن مجتبیٰ علیہ السلام پر تمام عالمِ اسلام کو ہدیہ تبریک پیش ہے۔
چودہ رمضان کی دعا:
اے معبود! آج کے دن لغزشوں پر میری گرفت نہ فرما اس میں میری خطاؤں اور فضول باتوں سے درگزر کر اور آج قرار نہ دے مجھ کو مشکلوں اور مصیبتوں کا نشانہ بواسطہ اپنی عزت کے اے مسلمانوں کی عزت!
ماہ رمضان کے تیرہویں دن کی دعا :
اے معبود آج کے دن مجھ کو میل کچیل سے پاک صاف رکھ اس میں مجھ کو مقدر شدہ مشکلات (یعنی خیر و شر اورقضا و قدر کے حوادث) پر صبر عطا فرما! اور آج اپنی مدد کے ساتھ مجھ کو پرہیزگاری اور نیکوکاروں کے ساتھ رہنے کی توفیق دے اے بے چاروں کی خنکی چشم!
ماہ رمضان کے بارہویں دن کی دعا :
اے معبود! آج کے دن مجھے پردے اور پاکدامنی سے زینت دے اس میں مجھے سیر چشمی اور خودداری کے لباس سے ڈھانپ دے اس میں مجھ کو عدل اور انصاف پر آمادہ فرما اور اس میں مجھے اپنی پناہ کے ساتھ ان چیزوں سے امن دے جن سے ڈرتا ہوں اے ڈرنے والوں کی پناہ گاہ۔
10 رمضان : یوم وصال سر چشمہ ایثار و وفا ام المومنین شریک ِ حیات رسول صلی اللہ علیہ وآلہ وسلم اول المسلمین جنابِ خدیجہ سلام اللہ علیہا۔
ماہ رمضان کے دسویں دن کی دعا :
اے معبود! آج کے دن مجھے ان لوگوں میں قرار دے جو تجھ پر توکل کرتے ہیں اور اس میں مجھے ان میں قرار دے جو تیرے حضور کامیاب ہیں اور اس میں اپنے احسان و کرم سے مجھے اپنے مقرب بندوں میں قرار دے اے طلبگاروں کے مقصود!
ماہ رمضان کے نویں دن کی دعا :
اے معبود آج کے دن مجھے اپنی وسیع رحمت میں سے بہت زیادہ حصہ دے اس میں مجھ کو اپنے روشن دلائل کی ہدایت فرما اور میری مہار پکڑ کے مجھے اپنی ہمہ جہتی رضاؤں کی طرف لے جا! اپنی محبت سے اے مشتاقوں کی آرزو!
ماہ رمضان کے آٹھویں دن کی دعا :
معبود! آج کے دن مجھے یتیموں پر رحم کرنے، ان کو کھانا کھلانے، کھلے دل سب کو سلام کہنے اور شرفاء کے پاس بیٹھنے کی توفیق دے اپنے فضل سے اے آرزو مندوں کی پناہ-
ماہ رمضان کے ساتویں دن کی دعا: اے معبود! آج کے دن مجھے روزہ رکھنے اورعبادت کرنے میں مدد دے اور اس میں مجھے بے کار کی باتوں اور گناہوں سے بچائے رکھ اور اس میں مجھے یہ توفیق دے کہ ہمیشہ تیرے ذکر و یاد میں رہوں؛ اے گمراہوں کو ہدایت دینے والے!
ماہ رمضان کے چھٹے دن کی دعا : اے معبود! آج کے دن مجھے چھوڑ نہ دے کہ تیری نا فرمانی میں لگ جاؤں اور نہ مجھے اپنے غضب کا تازیانہ مار آج کے دن مجھے اپنے احسان و نعمت سے مجھے اپنی ناراضی کے کاموں سے بچائے رکھ اے رغبت کرنے والوں کی آخری امید گاہ۔
ایک تجویز ہے کہ ہر بڑے شاعر یا ادیب کی تاریخ وفات پر ان کی شاہکار کاوشوں پر بات کی جائے اور اردو محفل کے سر ورق پر وہ دن ان کے نام سے منسوب کیا جائے ۔
آقا کریم صلی اللہ علیہ وآلہ وسلم نے فرمایا ”جس شخص کے دو دن یکسا ں گزریں وہ یقینا خسارے میں ہے“۔
15 شعبان : روزِ دل افروز ولادت امامِ زمانہ امام محمد مہدی آغر الزماں علیہ السلام سب کو بہت بہت مبارک ہو
7 شعبان :
ولادت با سعادت شہزادہ قاسم ابنِ امام حسن علیہ السلام مبارک ہو
4 شعبان : روزِ ولادتِ حضرت عباس علمدار علیہ السلام بہت بہت مبارک
3 شعبان :جشن ولادت باسعادت سید الشہدا حضرت امام حسین علیہ السلام تمام عالم اسلام کو بہت بہت مبارک ہو . -
لوڈ ہو رہا ہے…
-
لوڈ ہو رہا ہے…
-
لوڈ ہو رہا ہے…