ہم مثلِ شرر ہیں ، جگنو ہیں، ہم تِیرہ شب کے آنسو ہیں ۔۔۔ ہم نجمِ سحر، ہم رشکِ قمر، ہاں ہر صورت شب تاب ہیں ہم (محمداحمد)
-
مرے بازؤں میں تھکی تھکی ابھی محو خواب ہے چاندنی ۔۔۔۔ نہ اٹھے ستاروں کی پالکی ابھی آہٹوں کا گزر نہ ہو
وہ مجھے بھول گیا ہے شاید ۔۔۔۔ یاد آ جاؤں تو آ کر لے جائے (عبیداللہ علیم)
تُو کہیں آس پاس تھا، وہ ترا التباس تھا ۔۔۔۔ میں اُسے دیکھتا رہا، پھر مجھے نیند آ گئی (رئیس فروغ)
ابر کی اوٹ سے کہیں، نرم سی دستکیں ہوئیں ۔۔۔۔۔ ساتھ ہی کوئی در کھُلا، پھر مجھے نیند آ گئی (رئیس فروغ)
اپنے ہی شب و روز میں آباد رہا کر ۔۔۔ ہم لوگ برے لوگ ہیں ہم سے نہ ملا کر (رئیس فروغ)
ماہِ نخشب سے یہ چہرے ہیں نظر کا دھوکا ۔۔۔۔ چاند اصلی ہے سرِ بام ، چلو لوٹ چلو (ظہیر احمد ظہیر)
بستی میں ہم ٹھہر کے تو بے آسرا ہوئے ۔۔۔۔ خانہ بدوش تھے تو سہارا سفر کا تھا (ظہیر احمد ظہیر)
تجھ سے ملنے کو بے قرار تھا دل ۔۔۔۔ تجھ سے مل کر بھی بے قرار رہا (رسا چغتائی)
سرِ بزم جتنے چراغ تھے وہ تمام رمز شناس تھے ۔۔۔۔ تری چشمِ خوش کے لحاظ سے نہیں بولتا تھا مگر کوئی (امجد اسلام امجد)
محبتیں سب کے نام۔۔۔ سب کے لیے۔۔۔۔ محبتیں بانٹیے۔۔۔
دردِ فراق ہی میں کٹی ساری زندگی ۔۔۔۔ گرچہ ترا وصال بڑا کام بھی نہ تھا (منیر نیازی)
ہم ایسے سادہ دلوں کو وہ دوست ہو کہ خدا ۔۔۔۔ سبھی نے وعدہ فردا پہ ٹال رکھا ہے (فراز)
اب کے کھل جائیں خزانے نفسِ سوزاں کے ۔۔۔ اب کے محرومی اظہار نہ ہونے پائے (مصطفیٰ زیدی)
بھائی، ہے تو شاید شرم کی بات۔ لیکن میں بغور دیکھنے کے باوجود فیصلہ نہیں کر سکا کہ یہ تصویر کس کی ہے۔ بڑے تامل کے بعد صرف اس قدر یقین ہوا کہ میری نہیں ہے۔ اس سے آگے علم کی جو منازل پڑتی ہیں ان تک آپ رہبری فرمائیے!
صہبائے تند و تیز کی حدت کو کیا خبر ۔۔۔ شیشے سے پوچھیے جو مزا ٹوٹنے میں تھا (مصطفیٰ زیدی)
تصویر بڑی واہ واہ ہے ویسے ماشاء اللہ تعالیٰ
جو دل کے سمندر میں اُبھرتا ہے یقیں ہے ۔۔۔۔ جو ذہن کے ساحل سے گزرتا ہے گُماں ہے (انور مسعود)
ہر آدمی نہیں شائستۂ رموزِ سخن ۔۔۔ وہ کم سخن ہو مخاطب تو ہم کلام کریں
یاد ہیں مرحلے محبّت کے ۔۔۔۔ ہائے اس بے کلی میں کیا کچھ تھا (ناصر کاظمی) -
لوڈ ہو رہا ہے…
-
لوڈ ہو رہا ہے…