سوال ہی سوال تھے لبوں پہ زندگی ترے ۔۔۔۔ دمِ فنا لبوں پہ میں جواب رکھ کے سو گیا (محمداحمد)
-
میں اُسے دیکھ تک نہیں سکتا ۔۔۔۔ وہ مجھے تک رہا ہے کچھ دن سے (محمداحمد)
بہت مشکل ہے کچھ کہنا یقیں سے ۔۔۔۔ چمکتے ہیں کہ تارے کانپتے ہیں (اسلم کولسری)
میں نے اوڑھی ہے تیرے نام کی اجرک ایسی ۔۔۔۔ اب تجھے چھوڑ کر پنجاب جا نہیں سکتا (ضیا الحق قاسمی)
بھری بہار میں اک شاخ پر کھلا ہے گلاب ۔۔۔۔۔ کہ جیسے تو نے ہتھیلی پہ گال رکھا ہے (احمد فراز)
اُس چشم و لب کے باب میں کیا تبصرہ کروں ۔۔۔۔ اک بے پناہ شعر غزل کی زمیں میں تھا (شبنم رومانی)
میں کسی کی آنکھ سے سرسبز تھا ۔۔۔۔ میں کسی کی بات سے پیلا ہوا (افتخار شوکت)
یہ سارے رنگ مُردہ تھے تمہاری شکل بننے تک ۔۔۔ یہ سارے حرف مہمل تھے تمہارے نام سے پہلے (امجد اسلام امجد)
کتنی دیواروں کے سائے ہاتھ پھیلاتے رہے ۔۔۔۔ عشق نے لیکن ہمیں بے خانماں رہنے دیا (ادیب سہارنپوری)
ادا شناس ترا بےزباں نہیں ہوتا ۔۔۔۔ کہے وہ کس سے کوئی نکتہ داں نہیں ہوتا (خواجہ عزیز الحسن مجذوبؔ)
شاید اِس راہ پہ کچھ اور بھی راہی آئیں ۔۔۔۔۔ دُھوپ میں چلتا رہوں سائے بِچھائے جاؤں (عبید اللہ علیم)
ترسا دیا ہے ابرِ گریزاں نے اس قدر ۔۔۔۔۔ برسے جو بوند بھی تو سمندر لگے مجھے (احمد فراز)
ہائے وہ شخص کہ جو نیند کی وادی میں کہیں ۔۔۔۔۔ تیری آواز سے بیدار ہو اور تُو نہ ملے (خواجہ رضی حیدر)
اب دِل سے بے عصا نہیں اُٹھتی ہے آہ بھی ۔۔۔۔ یاں تک تو ضعفِ قلب نے ہم کو بِٹھا دیا (مصحفی)
ناصحا! پوچھ نہ احوالِ خموشی مجھ سے ۔۔۔۔ ہے یہ وہ بات کہ آتی نہیں تقریر کے بیچ (قائم چاند پوری)
ہم ہوئے، تم ہوئے کہ میر ہوئے ۔۔۔۔۔ اس کی زلفوں کے سب اسیر ہوئے (میر تقی میر)
اپلوں کی آگ اب تک ہاتھوں سے جھانکتی ہے ۔۔۔۔ آنکھوں میں جاگتا ھے کورے گھڑے کا پانی (اسلم کولسری)
کہا بوسہ آستاں پر بہ طنز ۔۔۔۔ نہیں ہے یہ دہلیز درگاہ کی (داغ دہلوی)
آویزہ دیکھتے ہیں وہ جُھک کر قریب سے ۔۔۔۔ یا اُن کو کوئی راز بتاتا ہے آئینہ (محمد احمد)
پھر وہی چھت پر اکیلے ہم وہی ٹھنڈی ہوا ۔۔۔۔۔ کتنے اندیشے بڑھے جب رات طوفانی ہوئی (جمال احسانی)
-
لوڈ ہو رہا ہے…
-
لوڈ ہو رہا ہے…