نتائج تلاش

مُنفرِد اِک حیثیت مجھ کو وَدِیعَت ہے خلؔش ! بس نہیں عادت سے کوئی میں جہاں میں عام وخاص شفیق خلؔش

عید میں، خوشبُو وطن سے اُن حنائی ہاتھوں کی! میرے پاس اِ س دیس میں لائیں ہوائیں کِس طرح شفیق خلؔش

کونسا معرکہ، محتاجِ تگ و تاز نہیں کونسا عزم ! نئی جہد کا آغاز نہیں ذوقِ تخلیق کے اعجاز بھرے ہاتھ میں آج تیشہ فرہاد کا ہے، کُن کا حَسِیں ساز نہیں بہت ہی خوب

باوجود اِس کے، کہ سب وعدے نہ کم تھے عہد سے عید کے مِلنے پہ دیکھو تو ستائیں کِس طرح شفیق خلؔش

رشک ہے حیرانگی سے اپنی قسمت پر ، کہ لوگ ! چاند کے دیکھے پہ ہی ،عیدیں منائیں کِس طرح شفیق خلؔش

ہم سے مایُوس نہ ہو، اے شبِ دَوراں! کہ ابھی دل میں کچُھ درد چمکتے ہیں، اُجالوں کی طرح اور کیا اِس سے زیادہ، بھلا نرمی برتُوں دِل کے زخموں کو چُھوا ہے تِرے گالوں کی طرح مجھ سے نظریں تو مِلاؤ، کہ ہزاروں چہرے ! میری آنکھوں میں چمکتے ہیں سوالوں کی طرح جاں نثار اختؔر

اِس شورِ تلاطُم میں کوئی کِس کو پُکارے ؟ کانوں میں یہاں، اپنی صدا تک نہیں آتی بہتر ہے پَلٹ جاؤ سِیہ خانۂ غم سے اِس سرد گُپھا میں تو ہَوا تک نہیں آتی شکیؔب جلالی

ثبوُت یہ ہے محبّت کی سادہ لَوحی کا ! جب اُس نے وعدہ کِیا، ہم نے اعتبار کِیا مِرے خُدا نے، مِرے سب گُناہ بخش دِیے کسی کا، رات کو یُوں میں نے اِنتظار کِیا جوؔش ملیح آبادی

جیسا ،جتنا، رشتہ تھا! اُس کو رُسوا مت کرنا ہم بھی ایسا نہیں کہیں گے، تم بھی ایسا مت کرنا خواب دیکھو اور پھر زخموں کی دِلداری کرو افتخار عارف! نئی منزِل کی تیاری کرو افتخار عارف

گیت جِتنے لِکھے اُن کے لیے، اے موج صبا! دل یہی چاہا کہ تُو اُن کو سُنا آئی ہو تیرے تحفے تو سب اچّھے ہیں، مگر موجِ بہار! اب کے میرے لیے خوشبوئے حِنا آئی ہو پروین شاکر

وہ میرے ضبط کا اندازہ کرنے آیا تھا میں ہنس کے زخم نہ کھاتا، تو اور کیا کرتا ؟ اگر زبان نہ کَٹتی، تو شہر میں مُحسنؔ ! مَیں پتّھروں کو بھی اِک روز ہمنوا کرتا مُحسؔن نقوی

دامنِ دل پہ نہیں بارشِ الہام ابھی عشق نا پُختہ ابھی، جذبِ دروں خام ابھی خود جھجکتا ہُوں کہ دعوائے جنُوں کیا کیجے کچھ گوارا بھی ہے یہ قید در و بام ابھی اسرار الحق مجاؔز لکھنوی

فُغان و آہ کی لذّت جو دِل ہِلے تو مِلے نشانِ نِکہَتِ گُل، جب کلی کِھلے تو مِلے اکبؔر الٰہ آبادی

شامِ غم کچھ اُس نگاہِ ناز کی باتیں کرو ! بےخودی بڑھتی چلی ہے، راز کی باتیں کرو نام بھی لینا ہے جس کا اِک جہانِ رنگ و بُو دوستو! اُس نَو بہارِ ناز کی باتیں کرو ہر رگِ دِل وجد میں آتی رہے، دُکھتی رہے ! یونہی اُس کے جا و بے جا ناز کی باتیں کرو جو عدَم کی جان ہے، جو ہے پیامِ زندگی ! اُس سُکوتِ...

آزمائش میں کہاں عِشق بھی پُورا اُترا حُسن کے آگے تو، تقدِیر کا لِکھّا اُترا پروین شاکر

دُھوپ ڈھلنے لگی، دِیوار سے سایا اُترا سطح ہموار ہُوئی، پیار کا دریا اُترا یاد سے نام مِٹا، ذہن سے چہرہ اُترا چند لمحوں میں نظر سے تِری کیا کیا اُترا پروین شاکر

یہ دِل ہے کہ جلتے سینے میں، اِک درد کا پھوڑا الہڑ سا ! ناگپت رہے، نا پُھوٹ بہے، کوئی مرہَم ہو، کوئی نشتر ہو وہ راتیں، چاند کے ساتھ گئیں، وہ باتیں چاند کے ساتھ گئیں ! اب سُکھ کے سپنے کیا دیکھیں، جب دُکھ کا سُورج سر پر ہو ابنِ انشؔا

جو عُمر تھی، وہ گوشہ نشینی میں کٹ گئی اب کاروبار جنسِ ہُنر، کیا کرُوں گا میں جو دِن گُزر گئے ہیں، گُزارے ہیں کِس طرح ! جو عُمر بچ رہی ہے بَسر کیا کرُوں گا میں سیف الدین سیفؔ

سب ہیں اسِیرِ راہگزر، کیا کرُوں گا میں اِن قافِلوں کے ساتھ سفر کیا کرُوں گا میں مِلتا نہیں مِزاج مِرا، اہلِ بزم سے ! آ تو گیا ہُوں سیفؔ! مگر کیا کرُوں گا میں سیف الدین سیفؔ

عتابِ اہلِ جہاں سب بُھُلا دِئے، لیکن وہ زخم یاد ہیں اب تک، جو غائبانہ لگے دِکھاؤں داغِ مُحبّت جو نا گوار نہ ہو سُناؤں قصّۂ فُرقت، اگر بُرا نہ لگے ناصؔر کاظمی