نتائج تلاش

عنقا کی طرح خَلق سے عُزلت گزیں ہُوں میں ہُوں اِس طرح جہاں میں کہ گویا نہیں ہُوں میں ہُوں طائرِ خیال، نہ پر ہیں نہ میرے بال ! پر اُڑ کے جا پُہنچتا کہیں سے کہیں ہُوں میں شیخ ابراہیم ذوق

اگر وہی تھا تو رُخ پہ وہ بے رُخی کیا تھی ذرا سے ہجر میں یہ اِنقلاب کیوں آیا منیر نیازی

ہے دل کا سرد مہریِ معشُوق سے یہ حال جیسے درخت برف سے کوئی جَلا ہُوا امِیرمینائی

غضب برسے وہ میرے آتے ہی، معلوم ہوتا ہے ! جگہ خالی جو پائی یار کو غیروں نے بھر رکھّا امِیرمینائی

نہ پُوچھو دیکھنے کا حال، ہم نے کُچھ نہیں دیکھا کِیا نرگِس کی آنکھوں سے تماشا سارے گُلشن کا امِیرمینائی

بے تحاشا سی لا اُبالی ہنسی چِھن گئی ہم سے وہ جیالی ہنسی میں کہیں جاؤں، ہے تعاقب میں اُس کی وہ جان لینے والی ہنسی بشیر بدر

عجیب رات تھی کل، تم بھی آ کے لوٹ گئے جب آ گئے تھے، تو پل بھر ٹھہر گئے ہوتے بشیر بدر

میں اِسی گُماں میں برسوں، بڑا مُطمئن رہا ہُوں ترا جسم بے تغیّر ، مِرا پیار جاوِداں ہے بشیر بدر

دردِ فُرقت سہا نہیں جاتا دُور تم سے رہا نہیں جاتا حافظ سید آل احمد رضوی جمالی

پردۂ ساز نہیں، ساز ہوئی جاتی ہے میری ہستی تری آواز ہوئی جاتی ہے حافظ سید آل احمد رضوی جمالی

افسوس کہ خود اپنے نگہبانوں کے ہاتھوں اِسلام کا جلتا ہُوا گھر دیکھ رہا ہُوں حافظ سید آل احمد رضوی جمالی

زندگی کا ساز بھی کیا ساز ہے بج رہا ہے، اور بے آواز ہے حافظ سید آل احمد رضوی جمالی

رونا یہ ہے کہ آپ بھی ہنستے تھے، ورنہ یاں تعنِ رقیب دل پہ، کچھ ایسا گراں نہ تھا الطاف حسین حالی

سچ ہے کہ پاسِ خاطرِ نازک عذاب ہے تھا دل کو جب فراغ کہ وہ مہرباں نہ تھا الطاف حسین حالی

ہرچند دردِ عِشق کا درماں نہیں، مگر بنتی نہیں ہے فکرِ مداوا کے بغیر شکیل بدایونی

صد حیف کہ برباد ہُوئے ہم تِری خاطر صد شُکر، کہ تُجھ پر کوئی اِلزام نہ آیا شکیل بدایونی

مُجھے آتا ہی نہیں بس میں کِسی کے آنا آؤں بھی تو، بَکفِ آبلہ دار آتا ہُوں تُجھ سے چُھٹ کر بھی، تِرے سُرخیِ عارض کی قسم چُپکے چُپکے تِرے دِل میں کئی بار آتا ہُوں احمد ندیم قاسمی

اغیار کی کوشش تھی کہ ویراں نظر آئے دیوانے بڑھاتے ہی رہے دار کی سج دھج عنبرامروہوی

آواز دی گھبرا کے بہاروں نے خزاں کو دیکھی نہ گئی جب مِرے دلدار کی سج دھج عنبرامروہوی

اب اِس میں دین جائے، کہ ایمان و جان و دل کرنا ہے مُجھ کو رام وہ کافر کِسی طرح عنبرامروہوی