آج کا شعر۔۔۔۔(2)

[فیصل عظیم فیصل]

اگر معلوم سب کچھ ہے تو پھر یہ خوف کیسا
جہاں پر علم ہوتا ہے وہا ں زینب نہیں روتی۔!

 

[محمداحمد]

فیصل بھائی!

سارا رونا ہی آگہی کا ہے
بے خبر شاد کام رہتے ہیں

 

[زینب]

اگر معلوم سب کچھ ہے تو پھر یہ خوف کیسا
جہاں پر علم ہوتا ہے وہا ں زینب نہیں روتی۔!

ہاہاہاہاہا فیصل بھائی کیا اپ میرے شعروں کے ساتھ ساتھ میرا بھی بینڈ بجا رہے ہو۔۔۔۔۔۔۔۔۔میں علم کی گلی سے بھی نہیں گزری کبھی

 

[زینب]

ہم ہوئے "پھاوے" یہاں پر شعر اپنے پھُوک پھُوک۔۔!
اور سمجھے آپ ہم کو آج "پٹوانے" کے بعد ۔۔۔۔۔۔۔۔؟
آپ کی محفل میں ہم کو دو برس ہونے کو ہیں۔۔۔۔۔!
اب کہیں ہم کیا یہاں سب تم کو سمجھانے کے بعد


محسن بھائی جب چاہیں جہاں چاہیں جس عنوان پر چاہیں حاضر ہوں ۔۔۔۔۔دعویٰ نہیں کرتا کوشش ضرور کروں گا۔

زینب بہن بہنیں کبھی چور نہیں ہوتیں ۔ انکا حق ہوتا ہے تھوڑا بہت ڈنڈی مارنے کا اور یہی تو اس رشتہ کا حسن ہے ۔ بہنوں کو بہت کچھ معاف ہوتا ہے

شکریہ فیصل بھائی ۔۔۔۔بھایئوں کی محبت ہی تو بہنوں کا فخر ہوا کرتی ہے۔۔۔۔۔۔۔۔۔۔۔۔

 

[شمشاد]

یہ زینب تو کبھی کبھی بڑی عقلمندی کی باتیں کرنے لگ جاتی ہے۔

 

[فیصل عظیم فیصل]

یہ زینب تو کبھی کبھی بڑی عقلمندی کی باتیں کرنے لگ جاتی ہے۔

یہاں شمشاد کہتے ہیں کہ زینب بول جاتی ہے
بڑی اچھی کبھی باتیں عقل والی کبھی باتیں




کبھی کبھی کیوں بھئی اکثر کیوں نہیں۔۔۔۔۔۔۔۔۔۔۔۔۔۔۔۔۔۔۔۔؟؟؟؟؟؟؟؟؟؟؟؟؟

 

[خاورچودھری]

ایک شعر میں‌بھی اپنا پیش کرنا چاہوں گا

میں تیری یاد کی وارفتگی میں‌بے خود ہوں
جب ہوش آئے تو تجھ کو پکار لیتا ہوں

 

[فیصل عظیم فیصل]

یہاں خاور کی آمد ہے ابھی آئے ہیں دم تازہ۔۔۔۔
ابھی سے مان لیتے ہیں کہ بے خود آپ بھی ہونگے

 

[مغزل]

آپ احباب سے ایک گزارش ہے کہ تھریڈ میں صرف اپنے پسندیدہ شعر ارسال کریں ۔
کیوں کہ لڑی کا حسن خراب ہوتا ہے۔
ذاتی اشعار اور فی البدیع شاعری اس ربط پر ارسال کیجئے ۔​

 

[محمد وارث]

بعد مرنے کے مری قبر پہ آیا وہ میر
یاد آئی مرے عیسٰی کو دوا مرے بعد

 

[mfdarvesh]

بال کھولے دیوانہ وار آئے ہیں اب وہ میری لاش پر
اے زندگی تجھے لائوں کہاں سے

 

[مغزل]

ساجن کی یادیں بھی خاور کن لمحوں میں آجاتی ہیں
گوری آٹا گوند رہی تھی ، نمک ملا نا بھول گئی۔۔
خاور احمد

 

[یونس رضا]

م م مغل صاحب ۔۔۔۔۔۔ بہیت شاندار

 

[یونس رضا]

نئے سرے سے اٹھا پھر نیا وبال اک اور
ترے جواب سے پیدا ہوا سوال اک اور

 

[راجہ صاحب]

میں تلخیِ حیات سے گھبرا کے پی گیا
غم کی سیاہ رات سے گھبرا کے پی گیا

 

[زونی]

وہ میری آنکھیں جنہیں تم نے طاق پر رکھا
انہی میں منزلِ جاں کا سراغ ملتا ھے
اب اگلے موڑ کی وحشت سے دل نہیں ہارو
زوالِ شام سے منظر نیا نکلتا ھے


(کشور ناہید)

 

[مغزل]

معلوم جب ہوا کہ مئے ناب ہے حرام
اللہ میاں کا نام لیا اور پی گئے۔۔۔۔

 

[مغزل]

پھر اس کے بعد گر گیا سونے کا بھائو بھی
اک بار اس نے کان سے جھمکا اتارا تھا
اختر رضا سلیمی

 

[محمداحمد]

کسی نے کاٹ دیا اک درخت جنگل سے
پھر اس کے بعد بہت دیر تک ہوا نہ چلی

 

[عندلیب]

مسجد یں مرثیہ خواں ہیں کہ نمازی نہ رہے
یعنی وہ صاحب اوصاف حجازی نہ رہے
(علامہ اقبال )