آج کا شعر۔۔۔۔(2)

[محمداحمد]

جو اس کے چہرے پہ رنگِ حیا ٹھہر جائے
تو سانس، وقت ، سمندر، ہوا ٹھہر جائے
وہ مسکرائے تو ہنس ہنس پڑیں کئی موسم
وہ گنگنائے تو بادِ صبا ٹھہر جائے

 

[محمد وارث]

جل رہا ہے ہر نَفَس اب اپنے غم کی آنچ سے
سانس لینے میں کبھی محسن یہ دشواری نہ تھی

(محسن احسان)

 

[زونی]

ھے یہ بازار جھوٹ کا بازار
پھر یہی جنس کیوں نہ تولیں ہم
کر کے اک دوسرے سے عہدِ وفا
آؤ کچھ دیر جھوٹ بولیں ہم


(جون ایلیا)

 

[فرحت کیانی]

نشتر بدست شہر سے چارہ گری کی لو
اے زخمِ بے کسی تجھے بھر جانا چاہیئے

 

[راجہ صاحب]

پہلے آتی تھی حالِ دل پہ ہنسی
اب کسی بات پہ نہیں آتی


​

 

[فرخ منظور]

ہوتا ہے نہاں گرد میں صحرا میرے ہوتے
گھستا ہے جبیں‌ خاک پہ دریا میرے آگے
(غالب)

 

[فرحت کیانی]

جب اپنا قافلہ عزم و یقیں سے نکلے گا
پھر آسماں کا سورج زمیں سے نکلے گا
مری زمیں مجھے ایڑیاں رگڑنے دے
مجھے یقیں ہے کہ چشمہ یہیں سے نکلے گا

 

[mfdarvesh]

جو اس کے چہرے پہ رنگِ حیا ٹھہر جائے
تو سانس، وقت ، سمندر، ہوا ٹھہر جائے
وہ مسکرائے تو ہنس ہنس پڑیں کئی موسم
وہ گنگنائے تو بادِ صبا ٹھہر جائے

زبردست کیا بات ہے واہ واہ

 

[محمداحمد]

موتی سمجھ کے شانِ کریمی نے چن لئے
قطرے جو تھے افق پہ عرق انفعال کے

 

[فرخ منظور]

موتی سمجھ کے شانِ کریمی نے چن لئے
قطرے جو تھے افق پہ عرق انفعال کے

محمد احمد صاحب معذرت کے ساتھ کہ صحیح شعر یوں ہے

موتی سمجھ کے شانِ کریمی نے چن لئے
قطرے جو تھے مرے عرقِ انفعال کے

(اقبال)

 

[فرخ منظور]

تامّل تو تھا ان کو آنے میں‌ قاصد
مگر یہ بتا طرزِ انکار کیا تھی
(اقبال، علامہ)

 

[راجہ صاحب]

تمھارا نام لکھنے کی اجازت چھن گئی جب سے
کوئی بھی لفظ لکھتا ہوں تو آنکھیں بھیگ جاتی ہیں

 

[مغزل]

آج اس نے پھول مجھے بے حساب بیجھے ہیں
سو مجھ کو تنگیء داماں سے بات کرنی ہے
اختر عبدالرزاق

 

[زھرا علوی]

"مجھے سونپا سرد ہواؤں کو
اور پیڑ نے رشتہ توڑ لیا"۔۔۔۔۔۔


زپرا علوی

 

[مغزل]

پیاسوں کو اس نے کھولتا پانی دیا نسیم
اور وہ بھی ایک موم کے برتن میں ڈال کر
نسیم عباسی (ہری پور ہزارہ)

 

[محمداحمد]

ریت سے بت نہ بنا اے مرے اچھے فن کار
ایک لمحے کو ٹہھر میں تجھے پتھر لا دوں

احمد ندیم قاسمی

 

[مغزل]

میرے جانے کا فیصلہ سن کر
اُس نے سسکار کر کہا ، اور میں ؟

شاہد ذکی (فیصل آباد)

 

[محمداحمد]

چلے دل سے امیدوں کے مسافر
یہ نگری آج خالی ہو رہی ہے

ناصر کاظمی

 

[ملائکہ]

صادق ہوں اپنے قول میں غالب خدا گواہ
کہتا ہوں سچ کہ جھوٹ کی عادت نہیں مجھے

غالب

 

[راجہ صاحب]

کی محمد سے وفا تو نے تو ہم تیرے ہیں‌
یہ جہاں چیز ہے کیا لوح قلم تیرے ہیں


اقبال