آج کا شعر۔۔۔۔(2)

[یونس رضا]

راتوں سے گھنی رلفوں سے مر مر سے سبک ان ہاتھوں میں
آنچل ہیں سرکتے جاتے ہیں گجرا ہیں مہکتے جاتے ہیں

 

[ظفری]

جھوٹ والے کہیں سے کہیں بڑھ گئے
اور میں تھا کہ سچ بولتا رہ گیا ۔​

 

[مغزل]

آنے کوکہہ گئے تھے نہ آئیں خدا کرے
کیا لطف آرہا ہے مجھے انتظار میں۔۔

 

[محمداحمد]

موسمِ یاس کا کوئی جھونکا، اب جو گزرے تھماری خلوت سے
سوچ لینا ہمارے بارے میں ، پر ہمارا ملال مت کرنا
رتجگے کی رتیں تو خیر یوں ہی، آتی جاتی ہیں پر خیال رہے
جاگنا بھی تو اس سلیقے سے، اپنی آنکھوں کو لال مت کرنا

 

[مغزل]

وہ حرف گیر عجب ہے کہ خود مرے ہاتھوں
مرے مسوّدے برباد کرتا رہتا ہے

لیاقت علی عاصم

 

[محمداحمد]

ٹوٹا تو کتنے آئنہ خانوں پہ زد پڑی
اٹکا ہوا گلے میں جو پتھر صدا کا تھا

 

[mfdarvesh]

ہم باوفا تھے اس لیے نظروں سے گر گئے
تلاش شائد تمھیں کسی بے وفا کی تھی

 

[جیہ]

وفا کیسی کہاں کا عشق جب سر پھوڑنا ٹہھرا
تو پھر اے سنگ دل تیرا ہی سنگ آستاں کیوں ہو

 

[مغزل]

بددعا دے گیا کیوں سرِ انجمن ، کوئی درویشِ فن
سلب سب ہوگیا میرا علم و ہنر ، شعر کیسے لکھوں

(احمد امتیاز)

 

[محمد وارث]

غیرتِ مہر، رشکِ ماہ ہو تم
خوبصورت ہو، بادشاہ ہو تم

کیوں کر آنکھیں نہ ہم کو دکھلاؤ
کیسے خوش چشم، خوش نگاہ ہو تم

(آتش)

 

[مغزل]

یادِ غزال چشماں، ذکرِ ثمن عذاراں
جب چاہا کرلیا ہے کنجِ‌قفس بہاراں
فیض

 

[فرخ منظور]

گلِ نرگس کا گلدستہ بدستِ غیر کیوں بھیجا
جو آنکھیں ہی دکھانا تھیں تو خود آکے دکھا جاتے

 

[فرحت کیانی]

تا عمر اپنی ذات سے باہر نہ جاسکے
اہلِ خرد سے ان کی خودی چال چل گئی

 

[فرحت کیانی]

زہر ایجاد کرو اور یہ پیہم سوچو
زندگی ہے کہ نہیں دوسرے سیاروں میں


۔۔انور مسعود

 

[محمد وارث]

ہے سنگ پر براتِ معاشِ جنونِ عشق
یعنی ہنوز منّتِ طِفلاں اٹھایئے

(غالب)

 

[راجہ صاحب]

میں جو کہہ نہیں سکتا اسے میں فرض کرتا ہوں
چلو میں فرض کرتا ہوں مجھے تم سے محبت ہے​

 

[ظفری]

چاہتوں کی بساط پر محسن
دل بڑی مشکلوں سے ہارا ہے​

 

[راجہ صاحب]

قاصد جو تھا بہار کا نا معتبر ہوا
گلشن میں بندوبست برنگِ شگر ہوا

 

[یونس رضا]

جب تلک درد اک تجسس تھا مرے ہمراہ تھے
کیوں خبر لیتے نہیں درد آشنا ہونے کے بعد

 

[mfdarvesh]

رنگ حیا کا جو چہرے پر نکھرتا ہو گا
بھولنے والا مجھے یاد تو کرتا ہوگا
زلف اب تیرے ماتھے مچلتی ہوگی
تجھ سے بالوں کا وہ جھرمٹ نہ سنورتا ہو گا