آج کا شعر - 3

[حسن علوی]

آج کا شعر کا تیسرا سلسلہ لیئے حاضر۔۔۔


بس کہ دشوار ھے ہر کام کا آساں ہونا
آدمی کو بھی میسّر نہیں انساں ہونا

(غالب)

 

[محمد وارث]

کہاں اقبال تُو نے آ بنایا آشیاں اپنا
نوا اس باغ میں بلبل کو ہے سامانِ رسوائی

نہیں ضبطِ نوا ممکن تو اڑ جا اس گلستاں سے
کہ اس محفل سے خوشتر ہے کسی صحرا کی تنہائی

 

[ملائکہ]

صبح ہوئی تو آنکھیں ایسے نیند سے بوجھل تھیں
جیسے کوئی جاگ رہا تھا مجھ میں ساری رات

 

[ابوشامل]

آؤ کچھ دیر رو بھی لیں ناصر
پھر یہ دریا اتر نہ جائے کہیں

 

[ملائکہ]

آو کچھ دیر رو ہی لیں ناصر
پھر یہ دریا اتر نہ جائے کہیں

 

[مون]

کہاں گئے کبھی اُن کی خبر تو لے ظالم
وہ بیخبر جو تیری ذندگی میں آئے تھے

نہیں ہے جن کے سبب اپنی جاں بری ممکن
وہ زخم ہم کو گزشتہ صدی میں آئے تھے
(جون ایلیا)

 

[فاروقی]

ملا کو جو ہے ہند میں سجدے کی اجازت
ناداں یہ سمجھتا ہے کہ اسلام ہے آزاد!

 

[ابوشامل]

کب تک رہے محکومی انجم میں مری خاک
یا میں نہیں ، یا گردش افلاک نہیں ہے

 

[مون]

میں نے ہر بار تجھ سے ملتے وقت
تجھ سے ملنے کی آرزو کی ہے
تیرے جانے کے بعد بھی میں نے
تیری خشبو سے گفتگو کی ہے

 

[فاروقی]

مجاہدانہ حرارت رہی نہ صوفی میں
بہانہ بے عملی کا بنی شراب الست
فقیہ شہر بھی رہبانیت پہ ہے مجبور
کہ معرکے ہیں شریعت کے جنگ دست بدست
گریز کشمکش زندگی سے، مردوں کی
اگر شکست نہیں ہے تو اور کیا ہے شکست!

 

[محمداحمد]

یہ کس مقام پہ سوجھی تجھے بچھڑنے کی
کہ اب تو جا کہ کہیں دن سنورنے والے تھے

 

[فاروقی]

پونچھو نہ عرق رخساروں سے رنگینئ حسن کو بڑھنے دو
سنتے ہیں‌کہ شبنم کے قطرے پھولوں کو نکھارا کرتے ہیں

جاتی ہوئی میت دیکھ کے بھی اللہ تم اٹھ کر آ نہ سکے
دو چار قدم تو دشمن بھی تکلیف گوارا کرتے ہیں

 

[امیداورمحبت]

یہی نہیں کہ مجھے توڑ کر گیا ہے کوئی
اسے بھی خود کو بہت دیر جوڑنا ہوگا ۔ ۔ ۔

 

[فاروقی]

وہ رات کا بے نوا مسافر، وہ تیرا شاعر وہ تیرا ناصر
تیری گلی تک تو ہم نے دیکھا، پھر نہ جانے کدھر گیا وہ

 

[محمداحمد]

آبلوں سے نم کیا ہے دشت کو
اک مسافر کی جسارت دیکھیے

معظم سعید

 

[کاشف رفیق]

بدل ڈالی ہیں ظالم نے سبھی رسمیں محبت کی
مجھے بھی ساتھ رکھتا ہے، اسے بھی ساتھ رکھتا ہے

 

[مغزل]

یہ کون چپکے سے تنہائیوں میں کہتا ہے
ترے بغیر سکوں عمر بھر نہیں ملنا

 

[فاروقی]

ہم نے جن کیلیے راہوں پہ بچھایا تھا لہو
ہم سے کہتے ہیں وہی عہدِ وفا یاد نہیں
ہم نے پلکوں سے درِ یار پہ دستک دی ہے
میں وہ سائل ہوں جسے کوئی سدا یاد نہیں

 

[کاشف رفیق]

تم آگئے ہو تو آؤ وفا کی بات کریں
وفا کی بات میں ہر بے وفا سے کرتا ہوں

 

[محمداحمد]

ذکر اُس پری وش کا اور پھر بیاں اپنا
ہوگیا رقیب آخر جو تھا رازداں اپنا