آج کا شعر - 3

[نایاب]

السلام علیکم
بہت خوب
کیا ذوق ہے شاعری کا ۔
ماشااللہ
سدا خوش رہیں آپ سب آمین


اب وہی حرفِ جنوں سب کی زباں ٹھہری ہے
جو بھی چل نکلی ہے وہ بات کہاں ٹھہری ہے
(فیض احمد فیض)
نایاب

 

[مغزل]

سیکھیں ہیں مہ رخوں کیلیے ہم مصوری
تقریب کچھ تو بہرِ ملاقات چاہئیے

میرزا اسداللہ خاں غالب

 

[عمار ابن ضیا]

ایسی ضد کا کیا ٹھکانا، دینِ حق پہچان کر
ہم ہوئے مسلم تو وہ مسلم ہی کافر ہوگیا​

 

[محمد وارث]

آفتیں تو آفتیں ہیں، جانِ دشمن پر سہی
رو پڑا اس دکھ سے میں، یہ سانحہ میرا بھی ہے

(محشر بدایونی)

 

[نوید صادق]

ملا تو منزلِ جاں میں اتارنے نہ دیا
وہ کھو گیا تو کسی نے پکارنے نہ دیا

شاعر: ظفر اقبال

 

[مغزل]

ایسی ضد کا کیا ٹھکانا، دینِ حق پہچان کر
ہم ہوئے مسلم تو وہ مسلم ہی کافر ہوگیا​

عمار بھیا ، یہ شعر یوں ہے ۔
ایسی ضد کا کیا ٹھکانہ ایسی ہٹ کا کیا علاج
میں ہوا کافر تو وہ کافر مسلماں ہوگیا
حکیم مومن خان مومن

 

[ملائکہ]

قربِ یاراں کی تیز خوشبو اور
کشتیِ خواب بادباں بارش

 

[مغزل]

انا کی جنگ میں ہم جیت تو گئے لیکن
پھر اس کے بعد بہت دیر تک نڈھال رہے

 

[نوید صادق]

انکھیوں کو تیری کیونکہ میں باندھوں کہ یہ غزال
جاتے ہیں میرے دل کی زراعت چرے ہوئے

شاعر: سودا

 

[مغزل]

سودا کے جو بالیں پہ ہوا شورِ‌قیامت
خدامِ‌ادب بولے ابھی آنکھ لگی ہے

مرزا رفیع سودا

 

[نوید صادق]

کرتا تو ہے تو آن کے سودا سے اختلاط
کوئی لہر آ گئ تو مرے یار دیکھنا

شاعر: سودا

 

[مغزل]

تمام عمر سہا ہے فراقِ آئنیہ
ملے نہیں یہ خدوخال ایک دم سے مجھے

(لیاقت علی عاصم

 

[محمد وارث]

نظر وہ ہے جو اس کون و مکاں کے پار ہو جائے
مگر جب روئے تاباں پر پڑے، بیکار ہو جائے

(اصغر گونڈوی)

 

[مغزل]

ایک شعر یاد آرہا ہے ۔۔ یگانہ کا ۔

دھڑ کا لگا نہ ہو تو مز ا کیا گناہ کا ---------
لذت ہی اور ہوتی ہے چوری کے مال میں
یاس یگانہ چنگیزی

 

[نوید صادق]

مختصر بھی ہے اور سادہ بھی
کیا ہوا کا جواب کیا نہ ہوا!!

شاعر: جوش ملسیانی

 

[محمد وارث]

نقش پائے رفتگاں سے آ رہی ہے یہ صدا
دو قدم میں راہ طے ہے، شوقِ منزل چاہیے

(آتش)

 

[شہر زاد]

کیسا زعم، کہاں کے تیور، کیسی انا اور کیسی خودی
یارو سچی بات تو یہ ہے کھو کے اُسے پچھتائے بہت

خلیل اللہ فاروقی ​

 

[فرحت کیانی]

صرف کہہ دوں کہ ناؤ ڈوب گئی
یا بتاؤں کہ کیسے ڈوبی تھی!

 

[مغزل]

ضروری تو نہیں ہم جھیل کہہ دیں
اگر پانی کہیں ٹھہرا ہوا ہے ۔۔۔۔

مقبول زیدی ( مقبول سہانپوری)

 

[شہر زاد]

تیرے بغیر یہ اب زندگی کہاں گزرے
قدم قدم پہ تیرے ساتھ کا گماں گزرے

حفیظ آتش​