آج کا شعر - 3

[فرخ منظور]

جب ترا حکم ملا، ترکِ محبت کردی
دل مگر اس پہ وہ دھڑکا کہ قیامت کردی
- احمد ندیم قاسمی

 

[محمد وارث]

لُٹی ہے جیسے دنیا کربلا میں ابنِ حیدر کی
کسی مظلوم کی دنیا، نہ دنیا میں لُٹی ہوگی

(شاعر نامعلوم)

 

[محمد وارث]

غریب و سادہ و رنگیں ہے داستانِ حرم
نہایت اس کی حسین، ابتدا ہے اسمٰعیل

(اقبال)

 

[زینب]

پلکوں پے رکھے وعدوں کے دیے سو بار جلے سو بار بجھے

ہم روز رہے چوکھٹ ‌پے کھڑے وہ روز ہی انا بھول گئے

 

[نوید صادق]

کس مسافت کے بعد پہنچا ہے
ترے رخسار پر مرا آنسو

شاعر: سید آلِ احمد

 

[مغزل]

دھند ایسی کہ سامنے والا
جیسے دیوار سے نکلتا ہے
ثروت حسین

 

[محمد وارث]

ہے کچھ ایسی ہی بات جو چپ ہوں
ورنہ کیا بات کر نہیں آتی

(غالب)

 

[مغزل]

محفوظ رکھنا ترکِ‌تعلق کا تجربہ
آئندہ عشق میں بھی یہی کام آئے گا

نیّر ندیم

 

[زینب]

وہ سال نو پے ملا بھی تو سرسری اب کے

اداس کر گئی پہلی ہی جنوری ابکے

 

[شہر زاد]

خواب ہی خواب کب تلک دیکھوں
کاش تجھ کو بھی اک جھلک دیکھوں

(عبیداللہ علیم)

 

[مغزل]

آج میں بہت اداس ہوں دوست
خیر یہ مسئلہ تمھارا نہیں
قیصر منور

 

[شہر زاد]

بہت خوب بھائی جی۔۔۔۔۔۔۔۔۔۔۔

تیرے ماتھے کی شکن پہلے بھی دیکھی تھی مگر
یہ گرہ اب کے مرے دل میں پڑی ہو جیسے

احمد فراز

 

[فرخ منظور]

اس شہرِ بے چراغ میں جائے گی تو کہاں
آ اے شبِ فراق تجھے گھر ہی لے چلیں

(ناصر کاظمی)

 

[مغزل]

جو چپ رہتا میں بازی ہار جاتا
جو کہہ دیتا مرا ایثار جاتا

اختر عبدالرزاق

 

[زینب]

یہ کیا ہوا کہ بھرے آسمان کے آنگن میں

بچھڑ گیا جو ستارہ ہمارے نام کا تھا

بڑھا کے اس سے راہ و رسم اب یہ سوچتے ہیں

وہ بہت تھ اجو رشتہ دعا سلام کا تھا

 

[نایاب]

السلام علیکم
سدا سجی رہے یہ محفل اردو آمین
۔۔۔۔۔۔۔۔۔۔۔۔۔۔۔۔۔۔۔۔
جو دل پہ نقش ہو جائے، نگاہوں میں سمٹ آئے
علامت ہے یہ چاہت کی تو چاہت کب بدلتی ہے

پُرانے زخم کو ارشد بُھلا دینا ہی اچھا ہے
اگر چاہے نہ خود کوئی تو قسمت کب بدلتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نایاب

 

[مغزل]

وعلیکم السلام ورحمۃ اللہ وبرکاۃ

ہم ہوئے تم ہوئے کہ میر ہوئے
سندھ میں سب پناہ گیر ہوئے
امیر ا لسلام ہاشمی

 

[زینب]

اب کیا کہیں اور کون سنے ،کیا حال تمہارے بعد ہوا

اس دل کی جھیل سی آنکھوں میں اک خواب بہت برباد ہوا

 

[فرخ منظور]

وعلیکم السلام ورحمۃ اللہ وبرکاۃ

ہم ہوئے تم ہوئے کہ میر ہوئے
سندھ میں سب پناہ گیر ہوئے
امیر ا لسلام ہاشمی

مغل صاحب یہ شعر امیرالاسلام ہاشمی کا نہیں‌ بلکہ مجید لاہوری کا ہے۔

حوالے کے لیے دیکھیے یہ دھاگہ جس میں آپ نے خود اسے مجید لاہوری کا کہا تھا۔

م ہوئے تم ہوئے کہ میر ہوئے
سندھ میں سب پناہ گیر ہوئے

دل کی بربادیوں میں کیا شک ہے
جب رقیب آپ کے مشیر ہوئے

ہم نے “بی اے“ کیا کلرک بنے
جو مڈل پاس تھے وزیر ہوئے

جن پہ تیری نگاہِ لطف ہوئی
دیکھتے دیکھتے سفیر ہوئے

ہم تو مسجد میں پڑھ رہے تھے نماز
شیخ جوتا اٹھا کے تیر ہوئے

 

[شہر زاد]

تم تو غم دے کر بھول جاتے ہو
مجھ کو احسان کا پاس رہتا ہے

فیض احمد فیض​