آج کا شعر - 4

[کاشفی]

اخلاص و وفا کو عام کر دے یارب
تاریک دلوں میں نور بھر دے یارب

ہر چیز میں دیکھ لے جو تیرا جلوہ
ہر دیدہء دل کو وہ نظر دے یارب
(اثر صہبائی)

 

[فرخ منظور]

عجیب ساعتِ انجام و اختلاف آئی
وہ میرے دل سے اٹھا اور اس کی راہ سے میں

خواجہ رضی حیدر

بہت ہی خوب! جیتے رہیے مغل صاحب۔

 

[مغزل]

شکریہ فرخ منظور صاحب، ۔۔

کل تیرے تشنگاں سے عجب معجزہ ہوا
دریا پہ ہونٹ رکھے تو دریا تمام شد
(نامعلوم)

 

[کاشفی]

کل تیرے تشنگاں سے عجب معجزہ ہوا
دریا پہ ہونٹ رکھے تو دریا تمام شد
(نامعلوم)

خوبصورت شعر ہے۔۔

 

[ناعمہ عزیز]

میں فنا ہو گیا وہ بدلا پھر بھی نہیں،،
میری چاہت سے بھی بالاتر تھی خاموشی اسکی۔۔

 

[فرخ منظور]

کتنی دلکش ہے اسکی خاموشی
ساری باتیں فضول ہوں جیسے
(نامعلوم)

 

[راجہ صاحب]

چاہت میں کیا دنیا داری، عشق میں کیسی مجبوری
لوگوں کا کیا، سمجھانے دو، ان کی اپنی مجبوری




محسن بھوپالی

 

[انیس فاروقی]

غمِ ہستی کا ، اسد کس سے ہو جُز مرگ ، علاج
شمع ہر رنگ میں جلتی ہے سحر ہونے تک

 

[راجہ صاحب]

جاتے ہوئے اک بار تو جی بھر کے رُلائیں
ممکن ہے کہ ہم آپ کو پھر یاد نہ آئیں

ہم چھیڑ تو دیں گے ترا محبوب فسانہ
کھینچ آئیں گی فردوس کی مدہوش فضائیں


ندیم قاسمی

 

[فرخ منظور]

لکھتے رہے جنوں کی حکایاتِ خوں چکاں
ہر چند اس میں ہاتھ ہمارے قلم ہوئے
(مرزا غالب)

 

[کاشفی]

اگر جینا ہے دنیا میں تو یہ توقیر پیدا کر
کہ تیرا ہر نفس اک مستقل افسانہ ہو جائے
(شاعر نامعلوم )

 

[محمداحمد]

یہ سوچ کر کہ تیری جبیں پر نہ بل پڑے
بس دور ہی سے دیکھ لیا اور چل پڑے

شہزاد احمد

بہ شکریہ ظفری بھائی!

 

[فرخ منظور]

ترے جمال سے ہٹ کر بھی ایک دنیا ہے
یہ سیر چشم مگر کب ادھر کو دیکھتے ہیں

عجب فسونِ خریدار کا اثر ہے کہ ہم
اسی کی آنکھ سے اپنے ہنر کو دیکھتے ہیں
(احمد فراز)

 

[مغزل]

میں‌گل کو دیکھ کر تخلیقِ گل کی سوچتا ہوں
گلوں کو دیکھتے رہنا تو کوئی بات نہیں

احمد ندیم قاسمی

 

[راجہ صاحب]

پھر ہوا وقت کہ ہو بال کُشا موجِ شراب
دے بطِ مَے کو دل و دستِ شنا موجِ شراب


( غالب )

 

[کاشفی]

چہرے کو شگفتہ کچھ بنانا ہی پڑا
اٹھتے ہوئے درد کو دبانا ہی پڑا

سمجھا تھا کہ مرے ساتھ روئیں گے دوست
لیکن وہ ہنسے تو مسکرانا ہی پڑا
(پرویز شاہدی)

 

[مغزل]

قریب تیر رہا تھا بطوں کا اک جوڑا
میں آبجو کے کنارے اداس بیٹھا تھا

 

[کاشفی]

قریب تیر رہا تھا بطوں کا اک جوڑا
میں آبجو کے کنارے اداس بیٹھا تھا

بہت ہی لاجواب۔۔۔

 

[کاشفی]

رکھ یاد کہ اک روز تجھے مرنا ہے
اسباب یہاں کا یہیں سب دہرنا ہے

کر کوچ کا سامان اے مسافر کہ تجھے
اس منزلِ فانی سے سفر کرنا ہے

(بدرالدین صاحب بدر ۔۔۔بمبئی)

 

[راجہ صاحب]

نئے کپڑے بدل کر جاؤں کہاں میں بال بناؤں کس کے لئے
وہ شخص تو شہر ہی چھوڑ گیا میں باہر جاؤں کس کے لئے

وہ شہر میں تھا تو اس کے لئے اوروں* سے بھی ملنا پڑتا تھا
اب ایسے ویسے لوگوں کے میں ناز اٹھاؤں* کس کے لئے



ناصر کاظمی