محمد امین
لائبریرین
مغل بھائی، اعتراض مت سمجھیے گا، اپنی اصلاح چاہ رہا ہوں، یہ شعر میں نے آج سے 12 سال پہلےکچھ اس طرح پڑھا تھا:
نظر ان کی زباں ان کی تعجب ہے کہ اس پر بھی،
نظر کچھ اور کہتی زبا ں کچھ اور کہتی ہے
- کیفیت
مغل بھائی، اعتراض مت سمجھیے گا، اپنی اصلاح چاہ رہا ہوں، یہ شعر میں نے آج سے 12 سال پہلےکچھ اس طرح پڑھا تھا:
نظر ان کی زباں ان کی تعجب ہے کہ اس پر بھی،
نظر کچھ اور کہتی زبا ں کچھ اور کہتی ہے
شکریہ جناب امین صاحب ۔
یہ شعر استاد قمر جلالوی کے کسی مجموعے میں شامل نہیں ہے ۔
استاد قمر جلالوی کا بیشتر کلام بکھرا پڑا ہے ۔
استاد کی زندگی میں انُ کا کوئی مجموعہ شامل نہ ہو سکا تھا لہٰذا استاد کا بہت سا کلام ضائع ہو گیا ۔
اور جو کلام طبع شدہ حالت میں میسّر ہے وہ ان کے شاگردوں دوستوں اور بیاض کے مرہونِ منّت ہے ۔
مغزل
محفلین
شکریہ شاہ جی ، اور امین صاحب۔
استاد قمر جلالوی کے لے پالک کہیے یا گودوں کھیلیے ، سعادت حسن فضا جلالوی کے صاحبزادے ضیا جلالوی سے ہمیں شرفِ مجلس حاصل ہے۔
غیر مطبوعہ کلام بھی ایسا موجود ہے کہ آپ صرف حیرت ہی کرسکتے ہیں ، مذکورہ شعر گایا بھی ہے ، اور ہم نے قمر جلالوی صاحب کی آواز (ترنم) میں سنا بھی ہے۔
شعر یوں ہی ہے جیسے ہم نے لکھا ہے ، اس کے علاوہ امین صاحب آپ کے گھر کے قریب ایک اردو کے استاد ’’ ماسٹر نسیم ‘‘ بھی موجود ہیں،۔ صحت مل سکتی ہے، ضیا جلالوی سے ملاقات ان کے گھر ( یعنی نازش اپارٹمنٹ ، آپ کے گھر کے قریب ) اور لیاقت آباد میں اختر جراح یا ڈاکخانہ پر ہوسکتی ہے ، معروف شاعراعجاز رحمانی استا د کے شاگرد ہیں ان سے بھی صحت مل سکتی ہے ، امید ہے تشفی ہوگئی ہوگی۔ والسلام
محمد امین
لائبریرین
حضور آپ نے فرما دیا۔۔۔۔ ماننا تو ہے ہی۔۔۔اتنے سارے حوالے دے کر شرمندہ کیے دے رہے ہیں آپ۔۔ اب سوچیے بھلا آپ سے حوالے مانگوں گا میں۔۔۔توبہ کیجیے۔ آپ بذاتِ خود میرے لیے "سند" ہیں بھائی۔
شکریہ جناب مغل صاحب
اسُتاد کے اکثر اشعار اور بعض تو ایک ہی مجموعہ میں مختلف طریقہ سے درج ہیں ۔
ایک خاص بات جو میںنے دیکھی ہے استاد نے اپنے ہی مصروں کو کئی جگہ مکرّر استعمال کیا ہے ۔
اسی شعر کی مثال جو میری نظر سے گزرا ہے
راستے بند کیے دیتے ہوں دیوانوں کے
ڈھیر لگ جائیں گے بستی میںگریبانوں کے
- کیفیت