آج کا شعر - 5

[کاشفی]

لو بند کئے لیتے ہیں ہم دیدہء مشتاق​

اب دیکھیں کہ آجاتے ہو تم دل میں کدھر سے​

(نام: ضامن علی - تخلص: جلال)​

 

[عرفان سرور]

اس انجمن میں میں نے جلائے بہت چراغ
پھر یوں ہوا چراغ جلانے لگے مجھے

یہ کیا کہ ہر سخن میں وہی لہجہ عام سا
وہ بات کر کہ تو نظر آنے لگے مجھے

رضی اختر شوق

 

[عرفان سرور]

ایک دن اپنے در پہ دی دستک
اور پھر کہہ دیا نہیں ہوں میں

نوید غزالی

 

[کاشفی]

حیا سے سر جھکا لینا ادا سے مُسکرا دینا​

حسینوں کو بھی کتنا سہل ہے بجلی گرا دینا​

(سیداکبر حسین الہ آبادی)​

 

[کاشفی]

بتاؤں آپ سے مرنے کے بعد کیا ہوگا​

پلاؤ کھائیں گےاحباب، فاتحہ ہوگا​

(سیداکبر حسین الہ آبادی)​

 

[عرفان سرور]

ریت پر پھینک گئی عقل کی گستاخ لبی
پھر کبھی کشف و کرامات کا دریا نہ کھلا

مصطفی زیدی

 

[عرفان سرور]

تم جو آ جاتے ہومسجد میں ادا کرنے نماز
تم کہ معلوم ہے کتنوں کی قضا ہوتی ہے

 

[عرفان سرور]

مسجد کے زیر سایہ ایک گھر بنا لیا ہے
یہ بندہ کمینہ ہمسایہ خدا ہے

مرزا غالب

 

[عرفان سرور]

تیری آواز بھی مجھ کو نہیں سننے دیتا
یہ تیرا غم میرے سینے میں بڑا بولتا ہے
حماد نیازی

 

[عرفان سرور]

ان غزل گویوں کا ہے معشوق ایسا نازنیں
نام جس کا دفتر مردم شماری میں نہیں
ان کے دل میں شعر کی روشن ہو کس صورت سے آگ
قافیے کے ہا تھ میں رہتی ہے جن لوگوں کی باگ

جوش ملیح آبادیؔ

 

[عرفان سرور]

تم نے پوچھا ھے محبٌت کا کوئی کُلیہ،اصول ؟؟
میں نے اِس بار بھی خط میں یہی لکھا ھے ”نہیں”

فاخرہ بتول

 

[راجہ صاحب]

وہ رحم کھائیں گے کیا داغ ہوش میں آؤ
تم اُن کے آگے بُرا حال کیوں بنا کے چلے
داغ دہلوی

 

[عرفان سرور]

پُراے زخموں کو آیا ،ھرا بھرا کرنے
نیا ھے سال مگر زخم سب پُرانے ھیں

فاخرہ بتول

 

[راجہ صاحب]

ابھرے جو کوئی چاپ تو جی اٹھتے ہیں پھر سے
ہر سانس میں دم توڑتے مرتے ہوئے کچھ لوگ

 

[محمداحمد]

سال کی پہلی کرن کے ساتھ پھر جاگا ہے دل​

پھر وہی میری طلب اب کے برس مل جائے تو​

 

[راجہ صاحب]

شعلہ رو، شعلہ سخن، شعلہ بدن، شعلہ مزاج
آ گئے گھر میں میرے آگ لگانے والے

 

[مغزل]

یمِ فرات رواں ہے میانِ دیدہ و دل
نہ دامنوں کو خبر ہے نہ آستینوں کو
نصیر تّرابی

 

[راجہ صاحب]

تو ہے ہرجائی تو اپنا بھی یہی طور سہی
تو نہیں اور سہی اور نہیں اور سہی

داغ دہلوی

 

[عرفان سرور]

بیٹھے رہو ایسی بھی مصّور سے حیا کیا
کاہے کو کھِنچے جاتے ہو تصویر سے پہلے
اُستاد قمر جلالوی

 

[عرفان سرور]

معلوم ہوا اب میری قسمت میں نہیں تم
ملنا تھا مجھے کاتبِ تقدیر سے پہلے
اُستاد قمر جلالوی