آج کا شعر - 5

[عرفان سرور]

میں شبِ وعدہ تصور میں انہیں لے آیا
در پہ بیٹھے ہی رہے غیر نگہبان ہو کر
اُستاد قمر جلالوی

 

[عرفان سرور]

شب کو میں ان کے گھر گیا تو کہا
دن کو تُو اے قمرؔ نہیں آتا

نامہ بر ان کا میں غلام نہیں
جا کے کہہ دے قمرؔ نہیں آتا
اُستاد قمر جلالوی

 

[راجہ صاحب]

ہم نے کانٹوں کو بھی نرمی سے چھوا ہے لیکن
لوگ بے درد ہیں پھولوں کو مسل دیتے ہیں
نامعلوم

 

[غ۔ن۔غ]

ہم چٹانوں کی طرح باہر سے ساکت تھے عدیل
پھر بھی اکثر ذات میں اپنی ابال آیا بہت

 

[نورمحمد]

ہم نے مانا کہ تغافل نہ کروگے لیکن​

خاک ہو جائیں گیں ہم تم کو خبر ہونے تک​

 

[غ۔ن۔غ]

کر رہا ہے پناہ گاہیں تلاش
دلِ افسردہ کار آنکھوں میں

آئینہ دل میں ٹوٹ جاتا ہے
کرچیوں کا شمار آنکھوں میں

 

[نورمحمد]

آئینہ میں دیکھ رہے تھے وہ بہار حسن
آیا میرا خیال تو شرما کے رہ گئے

 

[عرفان سرور]

ہمارے گھر کی دیواروں پر ناصر
اداسی بال کھولے سو رہی ہے
(ناصر کاظمی)

 

[عرفان سرور]

سجدے جو بُت کدے میں کئے میری کیا خطا
تم نے کبھی کہا یہ میرا آستاں نہیں؟
اُستاد قمر جلالوی

 

[عرفان سرور]

بال کھولے ہوئے یوں سیر سرِ بام نہ کر
تیری زلفوں کی سیاہی نہ اڑا لے بادل

وقتِ رخصت عجب انداز سے ان کا کہنا
پھر دُعا کل کی طرح مانگ بُلا لے بادل
اُستاد قمر جلالوی

 

[غ۔ن۔غ]

سوچو تو سِلوٹوں سے بھری ہے تمام روح
دیکھو تو اک شکن بھی نہیں ہے لباس میں

 

[عرفان سرور]

منہ سے کچھ بھی دمِ رخصت نہ کہا بلبل نے
صرف صیّاد نے اتنا تو ُسنا ہائے بہار

یہ بھی کچھ بات ہوئی گل ہنسے تم روٹھ گئے
اُس پہ یہ ضد کہ ابھی خاک میں مل جائے بہار
اُستاد قمر جلالوی

 

[عرفان سرور]

کیا جانے کس خیال سے چھوڑا بہ حال زار
مجھ پہ بڑا کرم ہے میرے چارہ ساز کا۔۔۔ !
دل شاہجہانپوری

 

[غ۔ن۔غ]

اللہ تیری شان یہ اپنوں کی ادا ہے
محفل میں ہمیں دیکھ کے منہ پھیر لیا ہے

 

[غ۔ن۔غ]

​

یہ نہیں کہ دب گئی ہے کہیں گرد روز و شب میں

وہ خلش محبتوں کی ، وہ کسک رفاقتوں کی​

​

کہیں دشت دل میں شاید مری راہ تک رہی ہو

وہ قطار جگنوں کی ، وہ مہک ہری رتوں کی ​

​

 

[راجہ صاحب]

بے وفائی کا سبق ہم نے تو سیکھا ہی نہیں
ہم پہ الزام یہ کیسا ہے، یہ تہمت کیسی
منصور اعظمی

 

[عرفان سرور]

" خیالوں ہی خیالوں میں "

مَیں نہیں ‌آج ہم ہو گئے
فاصلے کتنے کم ہو گئے

(غلام محمد قاصر)

 

[محمد وارث]

کفر و اسلام کی کچھ قدر نہیں اے آتش
شیخ ہو یا کہ برہمن ہو پر انسان ہووے

خواجہ حیدر علی آتش

 

[راجہ صاحب]

ٹھہر، اے خلدِ بریں سیرِ زمیں کرنے دے
گھر پرانے کی طرف جانے کی عجلت کیسی
آذر شاہین

 

[عرفان سرور]

در پے ہے عیب جُو ترے، حاتم تو غم نہ کر
دشمن ہے عیب جُو تو خدا عیب پوش ہے
شاہ حاتم