آج کا شعر - 5

[کاشفی]

بتاں ماہ وش اُجڑی ہوئی بستی میں رہتے ہیں​

کہ جس کی جان جاتی ہے اسی کے دل میں رہتے ہیں​

​

خدا رکھے محبت نے کئے آباد دونوں گھر​

میں اُن کے دل میں رہتا ہوں، وہ میرے دل میں رہتے ہیں​

​

کوئی نام و نشاں پوچھے تو اے قاصد بتا دینا​

تخلص داغ ہے اور عاشقوں کے دل میں رہتے ہیں​

(داغ دہلوی رحمتہ اللہ علیہ)​

 

[کاشفی]

اشک سے نام نہیں لیتے کہ سُن لے نہ کوئی
دل ہی دل میں اُسے ہم یاد کیا کرتے ہیں
(شیخ امام بخش ناسخ)​

 

[کاشفی]

مزے جو موت کے عاشق بیاں کبھو کرتے​

مسیح و خضر بھی مرنے کی آرزو کرتے​

​

اگر یہ جانتے چُن چُن کے ہم کو توڑیں گے​

تو گُل کبھی نہ تمنائے رنگ و بو کرتے​

​

سراغ عمرِ گذشتہ کا کیجئے گر ذوق​

تمام عمر گذر جائے جستجو کرتے​

(شیخ ابراہیم ذوق)​

 

[زبیر مرزا]

دیار غیر میں محرم اگر نہیں کوئی
تو فیض ذکر وطن اپنے روبرو ہی سہی

(فیض احمد فیض)

 

[کاشفی]

اب وہ یہ کہہ رہے ہیں مری مان جائیے​

اللہ تیری شان کے قربان جائیے​

(داغ دہلوی رحمتہ اللہ علیہ)​

 

[کاشفی]

ربط غیروں سے بڑھا مجھ سے وفا چاہتے ہو​

دل میں سمجھو کہ یہ کیا کرتے ہو کیا چاہتے ہو​

​

عشوہ و ناز و ادا طعن سے کہتے ہیں مجھے​

ایک دل رکھتے ہو کس کس کو دیا چاہتے ہو​

(خیرالدین یاس شاگرد مومن)​

 

[کاشفی]

کون پرساں ہے حالِ بسمل کا​

خلق منہ دیکھتی ہے قاتل کا​

(نظام شاہ نظام رامپوری)​

 

[کاشفی]

خدا جانے مجھ کو دکھائے گا کیا​

یہ چھپ چھپ کے اپنا ادھر دیکھنا​

(نظام شاہ نظام رامپوری)​

 

[کاشفی]

منہ پھیر کے ہنس ہنس کے وہ اقرار کی باتیں​

اس طور سے کرتے ہیں کہ باور نہیں ہوتا​

(نظام شاہ نظام رامپوری)​

 

[کاشفی]

یوں تو روٹھے ہیں مگر لوگوں سے​

پوچھتے حال ہیں اکثر میرا​

(نظام شاہ نظام رامپوری)​

 

[کاشفی]

انگڑائی بھی وہ لینے نہ پائے اُٹھا کے ہاتھ​

دیکھا جو مجھ کو چھوڑ دیئے مسکرا کے ہاتھ​

​

دینا وہ اس کا ساغرمئے یاد ہے نظام​

منہ پھیر کر اُدھر کو، اِدھر کو بڑھا کے ہاتھ​

(نظام شاہ نظام رامپوری)​

 

[کاشفی]

نہ رہا ہوش، بے خودی ہی تو ہے​

ساقیا! شغل مے کشی ہی تو ہے​

​

دل ہمارا اُداس ہے بلبل!​

نہیں لگتا چمن میں، جی ہی تو ہے​

(رند لکھنوی)​

 

[کاشفی]

مسجد سے نکل کر میں رہ بتکدہ بھولا​

تقدیر نے میری مجھے رکھا نہ کہیں کا​

(میر مظفر علی خاں اسیر لکھنوی)​

 

[کاشفی]

کھاتے ہو قسم نہیں ہیں عاشق​

صورت تو امیر اپنی دیکھو​

(منشی امیر احمد امیر مینائی)​

 

[کاشفی]

کیا قدر ہے فسانہء الفت کی یاں امیر
کہتے ہیں ہم سنیں نہ سنیں تم کہا کرو
(منشی امیر احمد امیر مینائی)​

 

[کاشفی]

خنجر چلے کسی پہ تڑپتے ہیں ہم امیر​

سارے جہاں کا درد ہمارے جگر میں ہے​

(منشی امیر احمد امیر مینائی)​

 

[کاشفی]

ہم آہ بھی کرتے ہیں تو ہوجاتے ہیں بدنام​

وہ قتل بھی کرتے ہیں تو چرچہ نہیں ہوتا​

(سید اکبر حسین اکبر اِلہ آبادی)​

 

[کاشفی]

ایک جھلک ان کی دیکھ لی تھی کبھی​

وہ اثر دل سے آج تک نہ گیا​

(سید اکبر حسین اکبر اِلہ آبادی)​

 

[کاشفی]

غیر کے ذکر میں کرتے نہیں میرا وہ لحاظ​

تذکرے آتے ہیں اور نام بنام آتے ہیں​

(سید اکبر حسین اکبر اِلہ آبادی)​

 

[کاشفی]

کم بخت دل کو کیوں لگاوٹ ہے اُنہیں کے ساتھ​

ان کو تو شوق ناز و ادا سب کے ساتھ ہے​

(سید اکبر حسین اکبر اِلہ آبادی)​