آج کی دلچسپ خبر!
- صاحب لڑی محمد عدنان اکبری نقیبی
- تاریخ ابتداء
جاسمن
لائبریرین
شکر ہے کوئی دلچسپ"خبر" ملی۔
محمد عدنان اکبری نقیبی
لائبریرین
عالمی یوم خواتین کے موقع پر گوگل نے نیا ڈوڈل جاری کردیا
دنیا بھر میں آج خواتین کا عالمی دن منایا جا رہا ہے ۔
اس موقع پر جہاں دنیا بھر میں مختلف سیمینارز اور ورک شاپس اور مختلف ایونٹس منعقد کئے جا رہے ہیں وہیں عالمی شہرت یافتہ سرچ انجن گوگل نے بھی اپنا نیا ڈوڈل جاری کردیا ہے۔
ہر سال کی طرح اس سال بھی خواتین کے عالمی دن کے حوالے جاری کئے گئے اس نئے ڈوڈل میں پاکستان،امریکا، جاپان اور میکسیکو سمیت مختلف ممالک کی 12خواتین فنکاروں کی تیار کردہ تصاویر پر مبنی کہانیوں کو دکھایا گیا ہے ۔
محمد عدنان اکبری نقیبی
لائبریرین
عالمی یوم خواتین پر روسی پولیس کا خواتین کیلئے دلچسپ تحفہ
دنیا بھر میں آج خواتین کا عالمی دن منایا جا رہا ہے اور اس حوالے سے مختلف تقریبات بھی منعقد کی گئی ہیں۔
روسی پولیس نے بھی اس موقع پر خواتین کے چہروں پر مسکراہٹیں بکھیرنے کی پوری کوشش کی اور یہ دن منانے کے لیے دلچسپ انداز اختیار کرتے ہوئے انہیں گلاب کے پھول پیش کیے۔
پولیس اہلکار گاڑی چلانے والی خواتین کو جب روکتے تو وہ پریشان ہوجاتیں اور گھبرا کر پوچھتیں کہ آخر کیا بات ہے، لیکن جیسے ہی وہ اہلکار کے ہاتھ میں گلاب کی کلی دیکھتیں تو حیران رہ جاتیں۔
فرقان احمد
محفلین
کراچی، برطانوی دور کی یاد دلاتی قیمتی تعمیرات
جب برطانوی نوآبادیاتی حکمراں 1947میں یہاں سے روانہ ہوئے اور پاکستان کا قیام عمل میں آیا تو حالات زیادہ ساز گار نہیں تھے، اس صورتحال میں پاکستان کے سب سے بڑے شہر کراچی میں موجود برطانوی طرز تعمیر یا اس کے زیراثر تعمیراتی نمونوں پر بہت کم توجہ دی گئی۔
اور اب ستر برس بعد برطانوی تعمیرات کے یہ قیمتی نمونے ٹوٹ پھوٹ اور خستہ حالی کا شکار ہیں۔ ان میں سے بہت سے یا تو گرچکےہیں یا پھر انھیں پاکستان کے معاشی دارالحکومت میں موجود رئیل اسٹیٹ ڈیولپرز سے خطرات لاحق ہیں۔
کراچی بڑی تیزی کے ساتھ ایک میگا سٹی میں تبدیل ہوچکا ہے، اس حوالے سےمحققین کا کہنا ہے کہ انگلش عہد کی یہ تعمیرات اس دور کی مکمل عکاسی کرتی ہیں۔ان محققین کے مطابق ان عمارتوں کے اصل مالکان وہ لاکھوں مسلمان یا ہندو مہاجرین تھے جو فسادات کے دوران اپنا گھربار چھوڑ کر چلے گئے۔
کراچی کے تاریخی ورثے پر متعدد کتابوں کے مصنف اور اس حوالےسے تحقیق کرنے والے اختر بلوچ کا کہنا ہے کہ مٹی کا ہر بلاک ان تاریخی عمارتوں کو 1947میں چھوڑ کر جانے والوں کی مکمل کہانی بیان کرتا نظرآتا ہے کہ انھوں نے کتنی محبت اور چاہت سے انھیں تعمیر کیا تھا۔
انھوں نے مزید کہا کہ جب مجھ جیسے لوگوں کو اس تاریخی ورثے کے ساتھ روارکھے جانیوالےاس عدم توجہی پر مبنی سلوک کو دیکھ کر پشیمانی کا احساس ہوتا ہے تو پھر اس عمارت کو چھوڑ جانے والوں کے خاندان کاکوئی فرد جب کبھی کراچی آئے گا تو وہ کیا محسوس کرے گا؟
کراچی کی آبادی بہت تیزی سے بڑھ رہی ہے اور 2017کےتخمینے کے مطابق تقریباً پونے دو کروڑ ہے جبکہ آزادی کے وقت اس کی آبادی چارلاکھ تھی۔ موجودہ عہد میں شہرمیں ایک ایک انچ جگہ بلڈنگ ڈیولپرز کے لیے انتہائی قیمتی ہوگئی ہے۔
جہانگیر کوٹھاری پریڈ جوبرطانوی عہد کی ایک شاندار یادگارہے لیکن اب اس کے اردگر د اوورپاس اور بلند وبالا عمارتوں نے اس کی انفرادیت کو گہنادیا ہے۔اس کے ساتھ تعمیر کی گئی چلنے کی خوبصورت جگہ اور برطانوی شاہی دور کے امپریل کسٹمز ہاوس اور دیگر تعمیرات کوگوکہ دوبارہ بحال کرنے کا کام کیا گیا ہے ۔تاہم اس قسم کے اقدامات بہت کم ہیں جبکہ اس کے مقابلے میں اگر گرنے والی عمارتوں کا احاطہ کیا جائے تو وہ بہت زیادہ ہیں۔
تیزی سے بڑھتی ہوئی اربانائزیشن بالخصوص قدیم شہر میں جہاں کثیر المنزلہ رہائشی عمارتوں کی تعمیر زیادہ منافع بخش ہے وہاں بڑے پیمانے پر پرانی تعمیرات کو مہندم کیا گیا ہےلیکن کنکریٹ کی نئی تعمیرات کے ساتھ ساتھ برطانوی عہدکی ان عمارتوں کی باقیات اپنے ساتھ برتی جانیوالی عدم توجہی کااظہارکرتی اب بھی دیکھی جاسکتی ہیں ۔
اس حوالے سے کراچی کا علاقہ صدر ،برطانوی عہد کی تاریخی تعمیرات کا سب سے بڑا مرکز ہے جبکہ سندھ کے محکمہ آثار قدیمہ نے مشرقی ضلع میں واقع نوآبادیاتی دورکے جیل کو محفوظ ورثہ قراردیدیا ہے۔
اب تک 170عمارتوں یا جگہوں کو تاریخی ورثےمیں شامل کیا گیا ہے اور یہ عمل اب بھی جاری ہے۔سندھ ثقافتی ورثہ کا تحفظ ایکٹ 1994میں متعارف کروایاگیا تھا ، یہ ایکٹ تاریخی اہمیت کی حامل ،ان تعمیرات کو قانونی تحفظ فراہم کرتی ہے۔
'شدید' معلوماتی!
محمد تابش صدیقی
منتظم
فہد اشرف
محفلین
شکیرا جی کے حد تک تو دلچسپ ہے البتہ میراڈونا جی شاید اب کوئی دلچسپی نہ پیدا کر پائیں
یاز
محفلین
لنڈسے لوہن وغیرہ بھی۔
یعنی پریڈ کو پرمزاح کی ریٹنگ دی جا سکتی ہے۔
محمد عدنان اکبری نقیبی
لائبریرین
شوہر کی بے رخی سے پریشان بیوی کا انوکھا انتقام
آج کل بیشتر خواتین اپنے شوہروں سے صرف اس لیے نالاں رہتی ہیں کہ انکے شوہر گھر میں ہر وقت موبائل استعمال کرتے ہیں ، مگر اب شوہر حضرات ہوجائیں ہوشیار کیونکہ انہیں یہ عادت مہنگی بھی پڑسکتی ہے ۔
چین میں بھی شوہر کی ہر وقت موبائل فون پر گیم کھیلنے کی عادت سے پریشان بیوی نے غصے میں انوکھا انتقام لے ڈالا۔شوہر کی بے رْخی سے نالاں خاتون نے چوہے پکڑنے والا گتہ ا س کے منہ پر چپکا دیا ۔
بیوی کی اس اچانک حرکت پر شوہر پہلے تو خوب تلملایا لیکن پھربے چارہ اپنا سا منہ لیکر رہ گیا۔خاتون کے اس انوکھے انتقا م پر مبنی ویڈیوسوشل میڈیا پر کافی مقبولیت حاصل کررہی ہے۔
محمد عدنان اکبری نقیبی
لائبریرین
جاپان کی سڑکوں اور باغات میں چیری کے پھولوں کی بہار
جاپان میں چیری کے پھولوں کی بہار آگئی، پارکس کی رونقیں بحال ہوگئیں، سیاحوں نے قدرتی نظاروں کا لطف اٹھانے کیلئے پارکس کا رخ کرلیا۔موسم سرماکے اختتا م کے سا تھ ہی جا پا ن میں چیر ی کے پھو لو ں کی بہا ر آ گئی ہے جس سے سڑکیں اور با غا ت سفید اور گلابی پھولوں سے سج گئے ہیں۔
جاپان کے علاقے Matsuda میں بھی اس سا ل چیر ی کے پھو ل جلد کھِل گئے اور وقت سے پہلے اس بہار نے لوگوں کے چہروں پر خوشیاں بکھیر دی ہیں۔اس موقع پرمختلف پارکس میں بھی سجاوٹ کی گئی ہے جس سے وہاں کی رونقیں بحال ہوگئیں۔
محمد عدنان اکبری نقیبی
لائبریرین
سنگاپور میں سج گیا آئی لائٹ فیسٹیول
سنگاپور کے مرینا بے واٹر فرنٹ پر چھٹے سالانہ آئی لائٹ فیسٹیول کاآغاز ہوگیا ہے۔
آئی لائٹ مرینا بے فیسٹیول میں دنیا کے کئی ممالک کے آرٹسٹوں نے22ماحول دوست لائٹ آرٹ انسٹالیشنز نمائش کے لیے پیش کیے ہیں۔
لائٹ اینڈ نیچر تھیم کے تحت مرینا بے کے 3اعشاریہ5 کلومیٹر لمبے واٹر فرنٹ پرہونے والے آئی لائٹ فیسٹیول میں ر نگوں سے جگمگاتے دلکش وحسین دیوہیکل آرٹ ماڈلز پیش کیے گئے ہیں۔
اسی ملک کے باسی دنیا کی سب سے بڑی انٹرنیٹ کمپنیز کے کرتا دھرتا ہیں۔ کیا یہ کھلا تضاد نہیں
زیک
مسافر
افسوس کہ انہوں نے پاکستان میں سروے نہیں کیا
ضرور کرنا چاہئے۔
جس ملک میں عوام انٹرٹینمنٹ چینلز سے زیادہ نیوز چینلز میں دلچسپی لیتے ہوں اس کا مطلب ہے کہ عوام حالات حاضرہ سے نسبتا زیادہ با خبر ہیں
فہد اشرف
محفلین
شاید اسی لیے نیوز چینلز انٹرٹینمنٹ چینلز سے مقابلے پر اتر آئے ہیں، نیوز چینلز جو کبھی معلوماتی ہوا کرتے تھے وہ اب مضحکہ خیز ہو چکے ہیں۔
ہندوستانی نیوز چینلز کی بات کر رہا ہوں
محمد عدنان اکبری نقیبی
لائبریرین
پاکستانی چینلز کا بھی حال ایسا ہی ہے ۔
محمد وارث
لائبریرین
آج کل نیوز چینلز پر انٹرٹینمنٹ کو بڑھا چڑھا کر پیش کیا جاتا ہے تا کہ ناظر ٹی وی کے ریمورٹ کنڑول کا کم سے کم استعمال کرے اور اسے "انفو ٹینمنٹ" کہتے ہیں۔ برصغیر میں یہ اصطلاح کافی مقبول ہے اور سارے نیوز چینلز اسی "انفو ٹینمنٹ" کی دوڑ میں لگے ہوئے ہیں۔ ظاہر ہے معیار نے تو گرنا ہی ہے!
کسی حد تک۔ اس معاملہ میں بھارتی نیوز چینلز بالکل ناکارہ ہو چکے ہیں
محمد عدنان اکبری نقیبی
لائبریرین
انوکھا واقعہ، اغواء کا ڈرامہ یا جبری شادی؟
دوسری شادی کرنے کے لئے اغوا کا ڈراما یا جبری نکاح؟ ،کراچی میں اپنی نوعیت کا منفرد کیس سامنے آگیا۔
بفرزون کے رہائشی ایک شخص نے دوسری شادی کرنے کے لیے اپنے اغوا کا ڈراما کیا ، اغوا کا مقدمہ اس کے بھائی نے درج کرایا، مغوی اگلے روز خود گھر بھی آگیا اور کہا کہ نکاح کرواکر اغواکاروں نے رہا کردیا۔
تیموریہ پولیس کے مطابق بفرزون کے رہائشی سبط انور نامی شخص کے بھائی نے 10 مارچ کو اغوا کا مقدمہ درج کرایا جبکہ 11 مارچ کی صبح سبط انور اپنے گھر پہنچ گیا۔
سبط انور کی اہلیہ نے پولیس کو بتایا کہ اُس کے شوہرنے اسے فون پر بتایا کہ ایک مہینے پہلے اس کی گاڑی سے خاتون اسکول ٹیچر کی ٹانگ ٹوٹ گئی تھی اور اغوا کاروں نے اسی خاتون کے ساتھ زبردستی نکاح کرادیا۔
پولیس نے موبائل نمبر کی لوکیشن پر چھاپا مارا تاہم کوئی کامیابی نہیں ہوئی، پولیس کا دعویٰ ہے کہ سبط انور نے دوسری شادی کرنے کے لیے اپنے ہی اغوا کا ڈراما کیا اور نکاح کے بعد اگلے دن صبح اپنے گھر واپس پہنچ گیا۔