آپ کی سب سے زیادہ پسندیدہ سورۃ مبارکہ اور وجوہات

[م حمزہ]

بسم اللہ الرحمٰن الرحیم
نور اور ہدایت سے پر اس ابدی ہدایت نامہ میں تمام کی تمام سورتیں محبوب ہیں کہ وہ محبوب و معشوق حقیقی ہمارے مہربان خالق اللہ جل جلالہ کی طرف سے اس محبوب و معشوق کے بھی محبوب نبی سیدنا و مولانا محمد مصطفےٰ صلی اللہ علیہ واٰلہ وسلم پر نازل ہوئیں - ہر سورۃ کریمہ میں مالک و خالق نے کرم ہی کرم فرمایا ہے - دعا ہے کہ ہم جھوٹے سچے قرآن سے محبت کا دعویٰ کرنے والوں کے دلوں کو بدل دے اور انہیں اس خلوص سے بھر دے جو قرآن کی ہر ہر کیفیت ، امر ، نہی کو اپنی زندگیوں پر لاگو کرنے کی وہ سعی کرے جو مالک و خالق حقیقی کو مقبول ہو ہمارے دلوں سے ہر برائی، گمراہی ، تکبر کو محو فرما دے ہمارے دلوں کو اپنی سچی محبت سے بہرہ مند فرما دے -
وہ محبت جو اسے مطلوب و محبوب و مقبول ہے ۔ آمین ثم آمین

آمین ۔ثم آمین۔

 

[سید عاطف علی]

سورہ رحمان اپنے rhythm کی وجہ سے بہت پسند ہے

یہ سورت واقعی سحر طاری کرنے والی خصوصیت رکھتی ہے ۔

 

[سفیر آفریدی]

جو بہت مشکل کام بهی نہیں اور آسان بهی نہیں بس جنگل جانا پڑے گا

 

[سید عمران]

جو بہت مشکل کام بهی نہیں اور آسان بهی نہیں بس جنگل جانا پڑے گا

مطلب؟؟؟

 

[سفیر آفریدی]

میخانے جب جانے لگتے ہو تو اپنے دل کی کیفیت سے پوچهو ایسا کیوں مسجد جانے لگتے ہو تو خوف اپنے دل میں دیکهو خدا سے کتنی ہے قرآن پڑهو تو ذوق دیکهو کتنی ہے تشنگی خوف اور ذوق یہ تین چیزیں حقیقی طور پر اپنے اندر لاو جواب نہ ملے تو مطلب
اپنی کوشش پهر ہم سے بهی شریک کرلیں

 

[سفیر آفریدی]

یہ سورت واقعی سحر طاری کرنے والی خصوصیت رکھتی ہے ۔

ردم سحر بحر سادے لفظ اپنے اندر بہت مفہوم رکهتے ہیں اپنی کیفیت کے بحر کا احاطہ آپ سے مشکل لفظ مانگتے ہیں فن یہی ہے اسے سادے کے اندر ڈهالو جیسے غزل جیسے نظم جیسے قرآن کا ترجمہ

 

[عبدالرحمن آزاد]

ویسے تو قرآن شریف میں مجھے بہت سارے سورہ پسند ہیں لیکن یہ چند آیات سنتے یا پڑھتے ہوے میرے دل کو بہت سکون ملتا ہے

يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ (1 وَلَا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ ۚ أُولَٰئِكَ هُمُ الْفَاسِقُونَ (19) لَا يَسْتَوِي أَصْحَابُ النَّارِ وَأَصْحَابُ الْجَنَّةِ ۚ أَصْحَابُ الْجَنَّةِ هُمُ الْفَائِزُونَ(20) لَوْ أَنزَلْنَا هَٰذَا الْقُرْآنَ عَلَىٰ جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ ۚ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ (21) هُوَ اللَّهُ الَّذِي لَا إِلَٰهَ إِلَّا هُوَ ۖ عَالِمُ الْغَيْبِ وَالشَّهَادَةِ ۖ هُوَ الرَّحْمَٰنُ الرَّحِيمُ(22) هُوَ اللَّهُ الَّذِي لَا إِلَٰهَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ ۚ سُبْحَانَ اللَّهِ عَمَّا يُشْرِكُونَ (23) هُوَ اللَّهُ الْخَالِقُ الْبَارِئُ الْمُصَوِّرُ ۖ لَهُ الْأَسْمَاءُ الْحُسْنَىٰ ۚ يُسَبِّحُ لَهُ مَا فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ (24)

 

[امن وسیم]

نوجوانی میں جب میں قرآن کی تلاوت کرتا تو عجیب سی بوریت محسوس ہوتی۔ ایسا لگتا انگلش کی کوئی مشکل کتاب پڑھ رہا ہوں جس کے الفاظ تو سپیلنگ کر کے پڑھ سکتا ہوں لیکن سمجھ کچھ نہیں آتا کہ کیا پڑھ رہا ہوں۔ پھر مجھے احساس ہوا کہ یہ ٱللَّه کی کتاب ہے تو اس میں ضرور بہت اچھی باتیں ہوں گی تو میں نے اسے سمجھنا شروع کیا۔ اتفاق کی بات ہے کہ میٹرک سے پہلے میں نے عربی گرائمر ( صرف و نحو ) پڑھی ہوئی تھی۔ میرے لیے کافی آسانی ہو گئی۔ اب الحمدللہ قرآن پاک کی باقاعدہ تلاوت کرتا ہوں، بہت سکون ملتا ہے۔ کیونکہ ٱللَّه کی باتیں سمجھ آ رہی ہوتی ہیں جو دل پہ اثر کرتی ہیں۔
قرآن نے میری زندگی بدل دی۔

مجھے سورہ بقرہ سب سے زیادہ پسند ہے

۱۔ بار بار پڑھنے کی وجہ سے میرے لیے آسان ہو گئی ہے۔
۲۔ قرآن پاک کی طویل ترین سورہ ہونے کا اعزاز حاصل ہے۔
۳۔ قرآن پاک میں موجود تقریبا تمام مضامین اختصار کے ساتھ بیان ہوئے ہیں یعنی ڈائیورسٹی۔

 

[سین خے]

سورة اخلاص

قرآن کا بنیادی موضوع توحید ہے اور یہی موضوع سب سے زیادہ متوجہ کرتا ہے۔ جہاں جہاں خدا کی وحدانیت اور صفات کا ذکر ہے ان پر خاص توجہ رہتی ہے۔

آیة الکرسی سورة نہیں ہے لیکن یہ آیت مبارکہ بھی اسی وجہ سی بہت خاص محسوس ہوتی ہے۔

 

[فاخر رضا]

مجھے کبھی کوئی سورہ زیادہ اچھی لگتی ہے کبھی کوئی
کچھ عرصے پہلے سورہ حدید بار بار پڑھ رہا تھا
رمضان المبارک میں سورہ حشر کی آخری آیات ہی پڑھتا رہ گیا. خدا کے نام کتنے جامع اور خوبصورت ہیں ماشاءاللہ
قاری ج
حضرات کسی بھی سورہ کو پسندیدہ بنا دیتے ہیں

 

[سید عمران]

وَغَلَّقَتِ الْأَبْوَابَ وَقَالَتْ هَيْتَ لَكَ ۚ قَالَ مَعَاذَ اللَّهِ ۖ إِنَّهُ رَبِّي أَحْسَنَ مَثْوَايَ ۖ إِنَّهُ لَا يُفْلِحُ الظَّالِمُونَ ۔۔۔
جب گھر کی تنہائی میں اس عورت نے یوسف کے ساتھ برائی کا ارادہ کیا تو سارے دروازے بند کرکے کہنے لگی، اب آ بھی جاؤ۔ یوسف نے فوراً کہا خدا کی پناہ ، یہ کار بد کرنے والے برباد لوگ ہیں۔۔۔

جب خدا بیان کرے کہ عشق مجازی کی عبدیت کے سامنے کیا حیثیت ہے تو عشاق کے دل لرز لرز جاتے ہیں!!!

 

[محمداحمد]

بہت خوبصورت دھاگہ ہے۔

اگرچہ کچھ لوگوں نے اس کے تسلسل کو کافی متاثر بھی کیا۔


کچھ احباب نے بہت محبت سے اپنی قران سے محبت کا اظہار کیا ہے۔ جو پڑھ کو بے حد اچھا لگا۔

 

[محمداحمد]

سورۃ الفاتحہ تو سب کو ہی پسند ہوتی ہے اس کی بے شمار وجوہات ہیں۔

مجھے سورۃ والضحی بہت پسند ہے۔ اس میں اللہ نے رسول اللہ ﷺ سے خطاب کیا ہے اور بہت حوصلہ افزاء باتیں فرمائی ہیں۔ انہی باتوں میں بہت سی باتیں ہم اُمتیوں کی بھی بہت ڈھارس بندھاتی ہیں۔

ابھی کچھ دن پہلے سورۃ الحشر کی آخری 5 آیات نے میری توجہ اپنی طرف مبذول کرائی۔ ان میں قران کی عظمت کا ذکر بھی ہے اور اللہ رب العزت کے بہت سے اسمائے حسنیٰ بھی موجود ہیں۔