آپ کے پسندیدہ اشعار!

[طارق شاہ]

آدمی ہے نہ آدمی کی ذات
کیسی ویراں ہے تیرے شہر کی رات

پوُچھ لے اِن اُجاڑ گلیوں سے
تُجھے ڈھونڈا ہے ساری ساری رات

میں تو بیتے دنوں کی کھوج میں ہُوں
تُو کہاں تک چلے گا میرے سات

اپنا سایہ بھی چھُپ گیا ناصر
یہاں سُنتا ہے کون کِس کی بات

ناصر کاظمی

 

[طارق شاہ]

شب نہ کٹتی تو نئی آگ نہ جلتی دل میں
صبح کی ساری شرارت ہے ، مگر شام کا نام

دل کی چیخوں میں سُنائی نہیں دیتا کچھ بھی
شبِ خاموش ہے شاید اِسی کُہرام کا نام

کتنے معصُوم ہیں اِنساں ، کہ بہل جاتے ہیں
اپنی کوتاہی کو دے کر غم و آلام کا نام

احمد ندیم قاسمی

 

[طارق شاہ]

اب کی فصلِ بہار سے پہلے
رنگ تھے گُلستاں میں کیا کیا کُچھ

کیا کہُوں اب تمہیں خِزاں والو
جل گیا آشیاں میں کیا کیا کچھ

ناصر کاظمی

 

[طارق شاہ]

دِل تیرے بعد سو گیا ، ورنہ
شور تھا اِس مکاں میں کیا کیا کُچھ

ناصر کاظمی

 

[طارق شاہ]

کوئی سُنتا نہیں یہاں ناصر
بات دل کی رہی زباں سے دُور

ناصر کاظمی

 

[طارق شاہ]

رفتہ رفتہ عِشق ، مانوسِ جہاں ہوتا چلا !
خود کو تیرے ہجر میں تنہا سمجھ بیٹھے تھے ہم

حُسن کو اِک حُسن ہی سمجھے نہیں اور،اے فراق
مہرباں ، نا مہرباں کیا کیا سمجھ بیٹھے تھے ہم

فراق گورکھپوری

 

[طارق شاہ]

خود مُجھ کو بھی تا دیر خبر ہو نہیں پائی
آج آئی تِری یاد ، اِس آہستہ روِی سے

فراق گورکھپوری

 

[طارق شاہ]

سو درد اِک تبسّمِ پنہاں میں بند ہیں
تصویر ہوں فراق نشاط و حیات کی

فراق گورکھپوری

 

[طارق شاہ]

تابکے وعدۂ موہوم کی تفصِیل فراق !
شبِ فُرقت کہیں کٹتی ہے اِن افسانوں میں

فراق گورکھپوری

 

[طارق شاہ]

کہاں کا وصل ، تنہائی نے شاید بھیس بدلا ہے
ترے دَم بھر کے مِل جانے کو ہم بھی کیا سمجھتے ہیں

فراق گورکھپوری

 

[طارق شاہ]

بُھلادِیں ایک مُدّت کی جَفائیں ، اُس نے یہ کہہ کر !
تجھے اپنا سمجھتے تھے، تجھے اپنا سمجھتے ہیں

فراق گورکھپوری

 

[طارق شاہ]

فراق ! اِس گردش ایّام سے ، کب کام نِکلا ہے
سحر ہونے کو بھی ، ہم رات کٹ جانا سمجھتے ہیں

فراق گورکھپوری

 

[سید فصیح احمد]

جان و دل ہین اُداس سے میرے
اُٹھ گیا کون پاس سے میرے

سبکی عرضی سے خوش ہو تم پر لیکن
ہو خفا التماس سے میرے

میر حسن

 

[طارق شاہ]

ہر سانس میں کِھلتی ہُوئی کلیوں کی مہک تھی
یہ بات ہے اُس دَور کی جب دل میں کسک تھی

اب چاند کے ہمراہ نکلتے نہیں وہ لوگ
اِس شہر کی رونق مِری آوارگی تک تھی

ناصر کاظمی

 

[طارق شاہ]

اے ہم نفسو ! صبر بڑی چیز ہے ، لیکن
ہوتے ہیں محبت میں زیاں اور طرح کے

ناصر کاظمی

 

[طارق شاہ]

غم ہجر حبیب ایک طرف
صدمۂ عمر رائیگاں بھی ہے

ناصر کاظمی

 

[طارق شاہ]

ایسا تو نہیں ہے کہ ، عنایت ہو خُدا کی !
زاہد کی اسی جبّہ و دستار پہ موقوف

حسرت موہانی

 

[طارق شاہ]

آسان نہیں اقوال سے اخراجِ نتائج
یہ بات ہے کُچھ دانشِ آثار پہ موقوف

حسرت موہانی

 

[طارق شاہ]

قوّت کی جو پُوچھو تو ، یہ ہوتی ہے ہمیشہ
اقوام میں افراد کے ایثار پہ موقوف

حسرت موہانی

 

[طارق شاہ]

ہم پر تِری نِگاہ ، جو پہلے تھی اب نہیں
سو بھی نہ کُچھ دنوں میں رہے تو عجب نہیں

حسرت موہانی