آپ کے پسندیدہ اشعار!

[طارق شاہ]

نگاہِ شوق کسی رُخ سے مطمئن نہ ہُوئی
ہر ایک شے میں نظر آئی کچھ کمی مجھ کو

میں اِک چراغِ سرِ دشتِ نامُرادی تھا
ہَوائے شہرِ تمنّا بُجھا گئی مجھ کو

حزیں صدیقی

 

[فرقان احمد]

آئینہ خانے میں کیا رکھا ہے حیرت کے سوا
جو نظر آتا ہے، عکسِ آرزو ہے دوستو!!!!!!!

غلام ربانی تاباں

 

[فرقان احمد]

بڑا عجیب یہ آوارگی کا رشتہ ہے
غبارِ راہ سہی، ہم سفر ہے، کیا کیجیے

غلام ربانی تاباں

 

[فرقان احمد]

پھولوں کے ساتھ ساتھ نمودِ شرر بھی ہے
ہونے کو دل فریب بہت رنگ و بُو سہی!!!

غلام ربانی تاباں

 

[فرقان احمد]

ہوں گی ابھی تو اور بھی برباد نکہتیں
گلشن میں حادثاتِ نمو کی کمی کہاں

غلام ربانی تاباں

 

[فرقان احمد]

دانشورانِ حال کا تاباں ہے مشورہ
ہر منظرِ جہاں کو فریبِ نظر کہو!!!

غلام ربانی تاباں

 

[فرقان احمد]

زندگی ذوقِ نمو، ذوقِ طلب، ذوقِ نظر
انجمن ساز بھی ہے، گرمِ تگ و تاز بھی ہے
میرے افکار و خیالات میں جاری تاباں
حُسن دلی بھی ہے، رعنائیء شیراز بھی ہے

غلام ربانی تاباں

 

[فرقان احمد]

یہ وہ منزل ہے کہ الیاس بھی گم، خضر بھی گم
ہائے آوارگیِ شوق ۔۔۔۔۔۔ کِدھر سے گزرے

غلام ربانی تاباں

 

[فرقان احمد]

خرد رقیبِ تماشا ہے، دل رہینِ جمال
وہ کش مکش ہے سکوں عمر بھی ملے نہ ملے

غلام ربانی تاباں

 

[فرقان احمد]

عشق نے حسن سے بازی جیتی
شرط ۔۔ ایثار کی ٹھہری ہو گی

غیاث صدیقی

 

[فرقان احمد]

اے نکیرین قیامت ہی پہ رکھو پرسش
میں ذرا عمر گذشتہ کی۔۔۔ تلافی کر لوں

شبلی نعمانی

 

[فرقان احمد]

نقش جہان کی ہست و بود نقش بر آب کیوں نہ ہو
اپنی خوشی بنا دیا ۔۔۔۔۔۔۔۔۔ ۔اپنی خوشی مٹا دیا

محشر لکھنوی

 

[فرقان احمد]

میخانے کا نظام ہے محشر عجب نظام
کھلتا ہے شیشہ جوشِ قدح خوار دیکھ کر

محشر لکھنوی

 

[فرقان احمد]

پوچھیے فلسفہء موت کا حاصل اُن سے
اپنی ہستی کو جو ہر سانس عدم دیکھتے ہیں

محشر لکھنوی

 

[فرقان احمد]

حیرت غرورِ حُسن سے شوخی سے اضطراب
دل نے بھی تیرے سیکھ لیے ہیں چلن تمام
دیکھو تو چشمِ یار کی جادو نگاہیاں
بیہوش اک نظر میں ہوئی انجمن تمام
دل خون ہو چکا ہے، جگر ہو چکا ہے خاک
باقی ہوں میں مجھے بھی کر، اے تیغ زن تمام

حسرت موہانی

 

[فرقان احمد]

میں ایک خشت سہی، جذب ہوں ترے اندر
مرے وجود سے ہٹ کر ۔۔۔ تری عمارت کیا

روؤف خیر

 

[فرقان احمد]

آثارِ یک خرابہء آباد ہو کے ہم
سینوں میں رہ نہ پائے تو پتھر میں رہ گئے

روؤف خیر

 

[فرقان احمد]

اس سے جو ہے وہ سطحِ ملاقات اور ہے
وہ بھی ۔۔۔ شریکِ حلقہء احباب ہے مگر

روؤف خیر

 

[فرقان احمد]

لوگ کیا سادہ ہیں ہر بت کو خدا کہتے ہیں
یہ تقاضے ہی کبھی اپنی جبیں کے نہ رہے

روؤف خیر

 

[فرقان احمد]

اُدھر ہے مہر اِدھر تابکار اک ذرہ
جسے زوال نہیں تھا وہ زیر ہوتا ہے

روؤف خیر