آپ کے پسندیدہ اشعار!

[طارق شاہ]

اب یادِ رفتگاں کی بھی ہمّت نہیں رہی
یاروں نے کتنی دُور بَسائی ہیں بستیاں

فراق گورکھپوری

 

[طارق شاہ]

زندگی خوابِ پریشاں ہے، کوئی کیا جانے
موت کی لرزشِ مژگاں ہے کوئی کیا جانے

رامش و رنگ کے ایوانوں میں لہلائے حیات
صرف اکِ رات کی مہمان ہے کوئی کیا جانے

جوش ملیح آبادی

 

[طارق شاہ]

حاکمِ شہر کو دن رات جھنجوڑا ہم نے
خوش کلامی کا قرینہ نہیں چھوڑا ہم نے

منظرایوبی

 

[طارق شاہ]

ایک ایک کرکے سارے شہیدوں میں ضم ہوئے
جو لوگ میرے حلقۂ احباب میں تھے وہ

عابد جعفری

 

[طارق شاہ]

قلم اُداس ہے الفاظ مِل نہیں پاتے
گربیاں چاک ہوئے ہیں جو سِل نہیں پاتے

پروفیسر نثار شیخ

 

[طارق شاہ]

ہر سمت شہر میں ہے فقط قاتلوں کا راج
حاکم بھی ڈرکے دینے لگا ہے انہیں خراج

کوشش یہی ہے اُس کی، رہے اُسکا تحت و تاج
لفظی تسلیوں کے سِوا کیا بچا ہے آج

فیروز خسرو

 

[طارق شاہ]

پیری میں ولولے وہ کہاں ہیں شباب کے
اِک دُھوپ تھی کہ ساتھ گئی آفتاب کے

خوش وقت علی خورشید

 

[مہدی نقوی حجاز]

آپ کو پیار ہے مجھ سے ۔۔۔ ۔ کے نہیں ہے مجھ سے ؟
جانے کیوں ایسے سوالات نے دل توڑ دیا . . . !

شاعر؟!

 

[طارق شاہ]

آگے بڑھے نہ قصۂ عشقِ بُتاں سے ہم
سب کچھ کہا، مگر نہ کھُلے رازداں سے ہم

اب بھاگتے ہیں سایۂ عشقِ بُتاں سے ہم
کچھ دل سے ہیں ڈرے ہوئے، کچھ آسماں سے ہم

الطاف حسین حالی

 

[طارق شاہ]

دلکش ہرایک قطعۂ صحرا ہے راہ میں
ملتے ہیں جاکے دیکھیے کب کارواں سے ہم

الطاف حسین حالی

 

[سید فصیح احمد]

برادرِ عزیز میرے پاس شعر یونہی لکھا ہوا ہے ، اگر آپ نے کہیں
آب زر کے ساتھ دیکھا ہے ، تو درست ہی ہوگا ، یا کوئی اور اس بابت
حوالے کے ساتھ لکھ دے تو اور بھی اچھا ہو

جی ضرور طارق بھائی! در اصل مُجھے قوی گُمان ہے کہ یہاں ہی اردو ویب کے کسی مراسلے میں پڑھا تھا میں تلاش کر کے حوالہ رسید کر دوں گا۔ سلامتی ہو!

 

[طارق شاہ]

رعنائی بہارِ گُل و گلستاں گئی
وہ کیا گئے کہ رونقِ بزم جہاں گئی

آخرغبارِ راہِ محبّت بھی چُھپ گیا
کچھ دُور تو نِگاہ پسِ کارواں گئی

شکیل بدایونی

 

[طارق شاہ]

جو گزُرتے ہیں، آہ تیرے بغیر !
ایسے شام وسحر کو کیا کہیے

شکیل بدایونی

 

[طارق شاہ]

عشق نے پا لِیا خود اپنا مقام
اُن کی پہلی نظرکو کیا کہیے

دُور ہو کر بھی پاس ہے کوئی
اہتمامِ نظر کو کیا کہیے

شکیل بدایونی

 

[طارق شاہ]

دیں صدائیں درِ انساں ہی پہ انسان شکیل
حاجتیں پوری جو کرتا تھا خُدا کیوں نہ رہا

شکیل بدایونی

 

[طارق شاہ]

اِک عمر چاہیے کہ گوارہ ہو نیشِ عِشق
رکھتی ہے آج لذتِ زخمِ جگر کہاں

الطاف حسین حالی

 

[طارق شاہ]

جی ڈھونڈھتا ہے بزمِ طرب میں اُنھیں، مگر
وہ آئے انجمن میں، تو پھر انجمن کہاں

الطاف حسین حالی

 

[طارق شاہ]

تعزیزِ جرمِ عِشق ہے بے صرفہ محتسب !
بڑھتا ہے اور ذوقِ گُنِہ یاں سزا کے بعد

الطاف حسین حالی

 

[طارق شاہ]

مُدّت سے تھی دُعا، کہ ہوں بدنام شہر شہر
بارے ہُوئی قبول بہت التجا کے بعد

الطاف حسین حالی

 

[طارق شاہ]

نہ تِرے حُسن کی خوشبو، نہ تِرے عِشق کا رنگ
یُوں تو گزُرے مِری نظروں سے ہزاروں گُل رُو

احمد ندیم قاسمی