آپ کے پسندیدہ اشعار!

[طارق شاہ]

تمتماتے ہیں سُلگتے ہُوئے رُخسار تِرے
آنکھ بھر کرکوئی دیکھے گا، توجل جائے گا

اِتنا سیّال ہے یہ پل، کہ گُماں ہوتا ہے !
میں تِرے جسم کو چُھو لوُں تو پگھل جائے گا

احمد ندیم قاسمی

 

[طارق شاہ]

وہ احترامِ روایات ہو کہ مجبوری !
نِبھا رہے ہیں سِتم ہائے روزگار کے ساتھ

احمد ندیم قاسمی

 

[طارق شاہ]

اے دل اب اُسکی یاد میں، کب تک یہ بیخودی !
ہو اُس کی بزمِ ناز میں حاضر کِسی طرح

حاصل ہے جس ہُنر میں مہارت رقیب کو
اُس فن میں ہو سکا نہ میں ماہر کِسی طرح

عنبرامروہوی

 

[طارق شاہ]

اب اِس میں دین جائے، کہ ایمان و جان و دل
کرنا ہے مُجھ کو رام وہ کافر کِسی طرح

عنبرامروہوی

 

[طارق شاہ]

آواز دی گھبرا کے بہاروں نے خزاں کو
دیکھی نہ گئی جب مِرے دلدار کی سج دھج

عنبرامروہوی

 

[طارق شاہ]

اغیار کی کوشش تھی کہ ویراں نظر آئے
دیوانے بڑھاتے ہی رہے دار کی سج دھج

عنبرامروہوی

 

[طارق شاہ]

مُجھے آتا ہی نہیں بس میں کِسی کے آنا
آؤں بھی تو، بَکفِ آبلہ دار آتا ہُوں

تُجھ سے چُھٹ کر بھی، تِرے سُرخیِ عارض کی قسم
چُپکے چُپکے تِرے دِل میں کئی بار آتا ہُوں

احمد ندیم قاسمی

 

[طارق شاہ]

صد حیف کہ برباد ہُوئے ہم تِری خاطر
صد شُکر، کہ تُجھ پر کوئی اِلزام نہ آیا

شکیل بدایونی

 

[طارق شاہ]

ہرچند دردِ عِشق کا درماں نہیں، مگر
بنتی نہیں ہے فکرِ مداوا کے بغیر

شکیل بدایونی

 

[طارق شاہ]

سچ ہے کہ پاسِ خاطرِ نازک عذاب ہے
تھا دل کو جب فراغ کہ وہ مہرباں نہ تھا

الطاف حسین حالی

 

[طارق شاہ]

رونا یہ ہے کہ آپ بھی ہنستے تھے، ورنہ یاں
تعنِ رقیب دل پہ، کچھ ایسا گراں نہ تھا

الطاف حسین حالی

 

[طارق شاہ]

زندگی کا ساز بھی کیا ساز ہے
بج رہا ہے، اور بے آواز ہے

حافظ سید آل احمد رضوی جمالی

 

[طارق شاہ]

افسوس کہ خود اپنے نگہبانوں کے ہاتھوں
اِسلام کا جلتا ہُوا گھر دیکھ رہا ہُوں

حافظ سید آل احمد رضوی جمالی

 

[طارق شاہ]

پردۂ ساز نہیں، ساز ہوئی جاتی ہے
میری ہستی تری آواز ہوئی جاتی ہے

حافظ سید آل احمد رضوی جمالی

 

[طارق شاہ]

دردِ فُرقت سہا نہیں جاتا
دُور تم سے رہا نہیں جاتا

حافظ سید آل احمد رضوی جمالی

 

[طارق شاہ]

میں اِسی گُماں میں برسوں، بڑا مُطمئن رہا ہُوں
ترا جسم بے تغیّر ، مِرا پیار جاوِداں ہے

بشیر بدر

 

[طارق شاہ]

عجیب رات تھی کل، تم بھی آ کے لوٹ گئے
جب آ گئے تھے، تو پل بھر ٹھہر گئے ہوتے

بشیر بدر

 

[طارق شاہ]

بے تحاشا سی لا اُبالی ہنسی
چِھن گئی ہم سے وہ جیالی ہنسی

میں کہیں جاؤں، ہے تعاقب میں
اُس کی وہ جان لینے والی ہنسی

بشیر بدر

 

[طارق شاہ]

نہ پُوچھو دیکھنے کا حال، ہم نے کُچھ نہیں دیکھا
کِیا نرگِس کی آنکھوں سے تماشا سارے گُلشن کا

امِیرمینائی

 

[طارق شاہ]

غضب برسے وہ میرے آتے ہی، معلوم ہوتا ہے !
جگہ خالی جو پائی یار کو غیروں نے بھر رکھّا

امِیرمینائی