آپ کے پسندیدہ اشعار!
- صاحب لڑی فرقان احمد
- تاریخ ابتداء
نبیل احمد خاں بھٹی
محفلین
تم حُسن کی خود اک دنیا ہو شائد یہ تمہیں معلوم نہیں !!
محفل میں تمہارے آنے سے ہر چیز پہ نور آجاتا ہے !!
ساحر لدھیانوی
محفل میں تمہارے آنے سے ہر چیز پہ نور آجاتا ہے !!
ساحر لدھیانوی
طارق شاہ
محفلین
ہر آن سِتم ڈھائے ہے، کیا جانیے کیا ہو
دل غم سے بھی گھبرائے ہے، کیا جانیے کیا ہو
کیا غیر کو ڈھونڈیں، کہ تِرے کوُچے میں ہرایک
اپنا سا نظر آئے ہے، کیا جانیے کیا ہو
آنکھوں کو نہیں راس کِسی یاد کا آنسو
تھم تھم کے ڈھلک جائے ہے، کیا جانیے کیا ہو
اِس بحر میں ہم جیسوں پہ ہرموجۂ پُر خوُں!
آ آ کے گُزر جائے ہے، کیا جانیے کیا ہو
دُنیا سے نِرالے ہیں تِری بزم کے دستور
جو آئے سو پچھتائے ہے، کیا جانیے کیا ہو
زہرہ نگاہ
طارق شاہ
محفلین
شکوہ کریں تو کِس سے، شکایت کریں تو کیا
اِک رائیگاں عمل کی ریاضت کریں تو کیا
جس شے نے ختم ہونا ہے آخر کو ایک دن
اُس شے کی اِتنے دُکھ سے حفاظت کریں تو کیا
حرفِ دروغ غالبِ شہرِ خُدا ہُوا
شہروں میں ذکرِ حرفِ صداقت کریں تو کیا
معنی نہیں منیر کسی کام میں یہاں
طاعت کریں تو کیا ہے، بغاوت کریں تو کیا
منیر نیازی
طارق شاہ
محفلین
صحیح شعر یوں ہے بھٹی صاحب :-
دروازے پر کھڑا ہُوں کئی دن سے یار کے
حیرت نے عِشق کی مجھے دیوار کردیا
میر تقی میر
۔۔۔۔۔۔۔۔۔۔۔۔۔۔۔
بیطاقتی نے دل کی گرفتار کردیا
اندوہِ دردِ عِشق نے بیمار کردیا
میر تقی میر
نبیل احمد خاں بھٹی
محفلین
میں نے تو مکمل غزل سے شعر لیا تھا یہ اور وہاں ایسے ہی ملا جیسے میں نے پیش کیا ۔۔۔ اور یہ آپ کا دوسرا ارسال کردہ شعر بھی اس غزل کا نہیں ہے جس سے میں نے شعر اٹھایا ۔۔ہو سکتا ہے ایک ہی زمیں میں کہی گئی دو غزلیں ہوں میر صاحب کی۔۔۔ مجھے لکھنے میں بہت وقت لگتا ہے ۔۔کل ارسال کر دوں گا پوری غزل
نبیل احمد خاں بھٹی
محفلین
میں نے تو مکمل غزل سے شعر لیا تھا یہ اور وہاں ایسے ہی ملا جیسے میں نے پیش کیا ۔۔۔ اور یہ آپ کا دوسرا ارسال کردہ شعر بھی اس غزل کا نہیں ہے جس سے میں نے شعر اٹھایا ۔۔ہو سکتا ہے ایک ہی زمیں میں کہی گئی دو غزلیں ہوں میر صاحب کی۔۔۔ مجھے لکھنے میں بہت وقت لگتا ہے ۔۔کل ارسال کر دوں گا پوری غزل
