آپ کے پسندیدہ اشعار!

[طارق شاہ]

جن مشغلوں سے کھیلتی رتی تھی کم سنی
اُن مشغلوں سے ہاتھ اُٹھائے ہوئے ہو تم

خود کو لیے دیئے ہو مگر کہہ رہے ہیں طَور
سِینے میں ایک حشر چھپائے ہوئے ہو تم

جوش ملیح آبادی

 

[طارق شاہ]

مُعترِض ہو نہ مِری عُزلت و خاموشی پر
کیا کروں جبکہ کوئی محرمِ اسرار نہ ہو

قیمتِ دل تو گھٹانے کا نہیں میں اکبر !
بے بصیرت نہیں ہوتا، جوخریدار نہ ہو

اکبرالٰہ آبادی

 

[طارق شاہ]

اے بُتو! بہرِخُدا درپئے آزار نہ ہو
خیر، راحت نہ سہی، زیست تو دشوار نہ ہو

یا رب ایسا کوئی بت خانہ عطا کر جس میں !
ایسی گزرے، کہ تصوّر بھی گنہگار نہ ہو

اکبرالٰہ آبادی

 

[طارق شاہ]

دُعا بلا تھی شبِ غم سُکونِ جاں کے لیے
سُخن بہانہ ہُوا مرگِ ناگہاں کے لیے

ہے اعتماد مِرے بخت خفتہ پر کیا کیا
وگرنہ خواب کہاں چشم پاسباں کے لیے

مومن خان مومن

 

[طارق شاہ]

دُشنامِ یار طبعِ حزِیں پر گِراں نہیں​

اے ہم نفَس، نزاکتِ آواز دیکھنا​

​

دیکھ اپنا حال زار منجّم ہُوا رقیب​

تھا سازگار طالعِ ناساز دیکھنا​

​

مومن خان مومن​

 

[طارق شاہ]

شرح و بیانِ غم ہے اِک مطلبِ مُقیّد
خاموش ہُوں کہ معنی صدہا ہیں خامشی کے

بارِ الم اُٹھایا، رنگِ نِشاط دیکھا
آئے نہیں ہیں یونہی انداز بے حسی کے

اصغر گونڈوی

 

[طارق شاہ]

اُس نوبہار ناز کی صُورت کی ہُو بہ ہُو ​

تصویر ایک ہے تہِ دامانِ آرزُ​

اصغر گونڈوی​

 

[طارق شاہ]

عُہدے سے مدِح‌ ناز کے باہر نہ آ سکا
گرایک ادا ہو، تو اُسے اپنی قضا کہوں

میں، اور صد ہزار نوائے جگر خراش
تُو، اور ایک وہ نہ شنیدن کہ کیا کہوں

مرزا غالب

 

[طارق شاہ]

سخت تنہا تھے اُس کی بزْم میں ہم
رنگِ محفل کو دیکھ کر نہ کھُلے

احمد فراز

 

[طارق شاہ]

تھی جتنی بساط ، کی پرستِش
تم بھی تو کوئی خُدا نہیں تھے

احمد فراز

 

[طارق شاہ]

پھر بے نوا حیات کے ویران دوش پر​

بل کھا رہی ہے گیسوئے عنبر فشاں کی یاد​

​

پھر ریگزارِ سندھ کی تپتی زمین پر​

گنگا کو لے کر آئی ہے ہندوستاں کی یاد​

​

جوش ملیح آبادی​

 

[طارق شاہ]

پُہونْچے ہیں ہم کو عِشق میں آزار ہر طرح
ہوتے ہیں ہم سِتم زدہ بِیمار ہر طرح

ترکیب و طرح ناز و ادا سب سے دل لگے
اُس طرحدار کے ہیں گرفتار ہر طرح

میر تقی میر

 

[طارق شاہ]

اشک آنکھوں میں کب نہیں آتا ​

لہو آتا ہے جب نہیں آتا​

​

صبر تھا ایک مونسِ ہجْراں ​

سَو، وہ مدّت سے اب نہیں آتا​

​

میر تقی میر​

 

[طارق شاہ]

گُزر گئے ہیں جو خوشبوئے رائیگاں کی طرح !​

وہ چند روز، مِری زندگی کا حاصل تھے​

​

ناصرکاظمی ​

 

[طارق شاہ]

دشت سے قلزمِ خُوں تک کی مسافت ہے فراز
قیس سے غالبِ آشفتہ نوا ہونے تک

احمد فراز

 

[طارق شاہ]

نغمہ ہائے غم کوبھی، اے دل! غنیمت جانیے
بے صدا ہو جائے گا یہ سازِ ہستی ایک دن

دَھول دَھپّا اُس سراپا ناز کا شیوہ نہیں
ہم ہی کر بیٹھے تھے، غالب! پیش دستی ایک دن

مرزا غالب

 

[طارق شاہ]

منظُور تھی یہ شکل، تجلّی کو نُور کی
قسمت کھُلی تِرے قد ورُخ سے ظہُور کی

گو واں نہیں، پہ واں سے نِکالے ہوئے تو ہیں
کعبہ سے اِن بُتوں کو بھی نسبت ہے دُور کی

مرزا غالب

 

[طارق شاہ]

واعظ ! نہ تم پیو، نہ کسی کو پِلا سکو
کیا بات ہے تُمھاری شرابِ طہُور کی

مرزا غالب

 

[طارق شاہ]

ہوگا کوئی ایسا بھی کہ غالب کو نہ جانے
شاعِر تو وہ اچھا ہے، پہ بدنام بہت ہے

مرزا غالب

 

[طارق شاہ]

لپٹتی ہے بہت یادِ وطن جب دامنِ دل سے
پلٹ کر اِک سلام شوق کر لیتا ہُوں منزل سے

نظر آئے جب آثارِ جُدائی رنگِ محفل سے
نگاہِ یاس بیگانہ ہوئی یارانِ یک دل سے

یاس یگانہ عظیم آبادی