آپ کے پسندیدہ اشعار!

[عندلیب]

ارے نادان سچا چاہنے والا نہیں ملتا وہ لیلیٰ تھی کہ جس کو مل گیا مجنوں مقدر سے

 

[فرقان احمد]

تمتماتا ہے چہرۂ ایّام !
دل پہ کیا واردات گزُری ہے

پھر کوئی آس لڑکھڑائی ہے
کہ، نسیمِ حیات گزُری ہے​

 

[فرقان احمد]

لوگ کیا سادہ ہیں ہر بت کو خدا کہتے ہیں
یہ تقاضے ہی کبھی اپنی جبیں کے نہ رہے​

 

[فرحان محمد خان]

آداب وہی ہیں الفت کے ترتیب نے پہلو بدلے ہیں
جب رانجھے سجدہ کرتے تھے اب ہیریں سجدہ کرتی ہیں
شکیب جلالی

 

[مخلص انسان]

ﺿﺪ ﻧﮧ ﮐﺮﻭ ﻣﯿﺮﯼ ﺩﺍﺳﺘﺎﻥ ﺳﻨﻨﮯ ﮐﯽ
ﻣﯿﮟ ﮨﻨﺲ ﮐﺮ ﺑﮭﯽ ﺳﻨﺎﺅﮞ ﺗﻮ ﺗﻢ ﺭﻭ ﭘﮍﻭﮔﮯ

 

[showbee]

مقید کر دیا سانپوں کویہ کہہ کر سپیروں نے
یہ انسانوں کو انسانوں سے ڈسوانے کا موسم ہے

 

[showbee]

ارے نادان سچا چاہنے والا نہیں ملتا وہ لیلیٰ تھی کہ جس کو مل گیا مجنوں مقدر سے

وہ سنتا ہے سب کی دعا کر تو دیکھو
تم اپنے نصیب آزما کر تو دیکھو

سیاہی گناہوں کی دھل جائےدل سے
تم آنکھوں سےآنسو بہا کر تو دیکھو

 

[فرقان احمد]

جلا ہے جسم جہاں دل بھی جل گیا ہوگا
کریدتے ہو جو اب راکھ، جستجو کیا ہے!​

 

[فرقان احمد]

بوئے گل، نالۂ دل، دودِ چراغِ محفل
جو تری بزم سے نکلا، سو پریشاں نکلا​

 

[فرقان احمد]

خیالِ یار، کبھی ذکرِ یار کرتے رہے
اِسی متاع پہ، ہم روزگار کرتے رہے

ضیائے بزمِ جہاں بار بار ماند ہوئی
حدیثِ شُعلہ رُخاں بار بار کرتے رہے

نہیں شکایتِ ہجراں، کہ اس وسِیلے سے
ہم اُن سے رشتۂ دل اُستُوار کرتے رہے​

 

[فرقان احمد]

کہانی میں نئے کردار شامل ہو گئے ہیں
نہیں معلوم اب کس ڈھب تماشا ختم ہو گا

 

[فرقان احمد]

وہی چراغ بجھا جس کی لو قیامت تھی
اسی پہ ضرب پڑی،،،، جو شجر پرانا تھا !!!

 

[وقار..]

وہ نمازوں کی پابند لڑکی ....
اسکی آنکھوں نے چن لیا کافر

 

[فرقان احمد]

اُس کے بغیر آج بہت جی اُداس ہے
جالب ! چلو کہیں سے اُسے ڈھونڈ لائیں ہم

 

[فرقان احمد]

یہ چند سانسوں کی فرصت بڑی غنیمت ہے
کسے خبر ہے کہ، پھر حادثے ٹلیں نہ ٹلیں

 

[فرقان احمد]

کسی کو اپنے عمل کا حساب کیا دیتے
سوال سارے غلط تھے جواب کیا دیتے​

 

[فرقان احمد]

موت کا بھی علاج ہو شاید
زندگی کا کوئی علاج نہیں!

 

[فرقان احمد]

خرد رقیبِ تماشا ہے، دل رہینِ جمال
وہ کش مکش ہے سکوں عمر بھی ملے نہ ملے

 

[فرقان احمد]

حالت میری مجھ سے نہ معلوم کیجئے
مدت ہوئی ہے مجھ سے میرا واسطہ نہیں

 

[عبدالواجد ھزاروی]

اپنے من میں ڈوب کر پاجا سراغ زندگی

میرا نہیں بنتا نہ بن اپنا تو بن

پتا نہیں کس کاشعر ھے