آپ کے پسندیدہ اشعار!

[فرقان احمد]

زیست تپتے ہوئے صحرا کا سفر تھا شاید
سایہ ہوتا تو مسافر کہیں ٹھہرا ہوتا

 

[Hanan]

ہم مسافر یونہی مصروفِ سفر جائیں گے
بے نشاں ہو گئے جب شہر تو گھر جائیں گے

فیض آتے ہیں رہِ عشق میں جو سخت مقام
آنے والوں سے کہو ہم تو گزر جائیں گے

 

[Hanan]

گو آبلے ہیں پاؤں میں پھر بھی اے رہروو
منزل کی جستجو ہے تو جاری رہے سفر

 

[Hanan]

کئی سال سے کچھ خبر ہی نہیں
کہاں دن گزارا کہاں رات کی
بشیر بدر

 

[aliahmad]

عمدہ انتخاب

 

[aliahmad]

کانٹے تو خیر کانٹے ہیں اس کا گلہ ہی کیا
پھولوں کی واردات سے گھبرا کے پی گیا
ساغرؔ وہ کہہ رہے تھے کہ پی لیجیے حضور
ان کی گزارشات سے گھبرا کے پی گیا
ساغر صدیقی

 

[aliahmad]

کاٹی جہاں تصور جاناں میں ایک شب
کہتے ہیں لوگ اس جگہ بت خانے بن گئے
جن پر نہ سائے زلف غزالاں کے پڑ سکے
احساس کی نگاہ میں ویرانے بن گئے
ساغر صدیقی

 

[aliahmad]

میں نے جن کے لیے راہوں میں بچھایا تھا لہو
ہم سے کہتے ہیں وہی عہد وفا یاد نہیں

ساغر صدیقی

 

[محمدظہیر]

کانٹے تو خیر کانٹے ہیں اس کا گلہ ہی کیا
پھولوں کی واردات سے گھبرا کے پی گیا
ساغرؔ وہ کہہ رہے تھے کہ پی لیجیے حضور
ان کی گزارشات سے گھبرا کے پی گیا
ساغر صدیقی

پیتا بغیر عزر ، کب تھی میری مجال
در پردہ چشم یار کی شہ پاکے پی گیا

 

[aliahmad]

پیتا بغیر عزر ، کب تھی میری مجال
در پردہ چشم یار کی شہ پاکے پی گیا

یہ شعر کس کا ہے ؟؟

 

[محمد وارث]

پیتا بغیر عزر ، کب تھی میری مجال
در پردہ چشم یار کی شہ پاکے پی گیا

پیتا بغیرِ اذن یہ کب تھی مری مجال
در پردہ چشمِ یار کی شہ پا کے پی گیا
جگر مُراد آبادی

 

[فرقان احمد]

گُزر گئے ہیں جو خوشبوئے رائیگاں کی طرح !
وہ چند روز ۔۔۔۔۔۔ مِری زندگی کا حاصل تھے

 

[فرقان احمد]

فرصتِ موسمِ نِشاط نہ پُوچھ
جیسے اِک خواب، خواب میں دیکھا

 

[لاریب مرزا]

رات یوں دل میں تری کھوئی ہوئی یاد آئی
جیسے ویرانے میں چپکے سے بہار آ جائے
جیسے صحراؤں میں ہولے سے چلے بادِ نسیم
جیسے بیمار کو بے وجہ قرار آجائے

(فیض احمد فیض)

 

[فرقان احمد]

آپ کے بعد یہ محسوس ہوا ہے ہم کو
جینا مشکل نہیں، مرنا کوئی دشوار نہیں

کانچ کے گھر ہیں یہاں سب کے، بس اتنا سوچیں
عرض کرتے ہیں فقط آپ سے ۔۔۔۔۔ تکرار نہیں

 

[فرقان احمد]

عمر ہر چند کہ ہے برقِ خرام
دل کے خوں کرنے کی فرصت ہی سہی

 

[محمدظہیر]

عمر ہر چند کہ ہے برقِ خرام
دل کے خوں کرنے کی فرصت ہی سہی

آپ کونسے فونٹ میں لکھ رہے ہیں ، پڑھنے میں دقت ہو رہی ہے

 

[فرقان احمد]

آپ کونسے فونٹ میں لکھ رہے ہیں ، پڑھنے میں دقت ہو رہی ہے

معذرت، ظہیر بھائی! دراصل، چند ہی آپشن ہیں محفل میں، سو کورئیر نیو سے کام چلا رہا ہوں؛ دراصل نستعلیق فونٹ سے کچھ اُکتا سا گیا ہوں ۔۔۔ یا پھر اسے ناسٹیلجیا کہہ لیجیے۔۔۔!!! اشعار وغیرہ لکھنے کے لیے کوئی اور فونٹ بھی ہونا چاہیے یہاں ۔۔۔!!!

 

[محمدظہیر]

یا پھر ناسٹیلجیا ۔

ناسٹیلجیا !یعنی پہلے آپ یہ فونٹ استعمال کرتے رہے ہیں؟
جمیل نوری نستعلیق مجھے زیادہ پسند ہے، کیوں کہ پڑھنے میں آسان لگتا ہے

 

[فرقان احمد]

ناسٹیلجیا !یعنی پہلے آپ یہ فونٹ استعمال کرتے رہے ہیں؟
جمیل نوری نستعلیق مجھے زیادہ پسند ہے، کیوں کہ پڑھنے میں آسان لگتا ہے

یقینی طور پر، نستعلیق بہت بہتر ہے بلکہ کئی لحاظ سے بہترین فونٹ ہے تاہم نستعلیق سے پہلے اسی طرح کے فونٹس سے کام چلایا جاتا تھا مجید امجد کی کتاب 'شبِ رفتہ' اسی فونٹ میں پڑھی تھی تو بس تب سے اسی طرح کے گھسے پٹے فونٹ ہی ہمیں اچھے لگتے ہیں