آپ کے پسندیدہ اشعار!

[سین خے]

آپ ہی اپنی جفاؤں پہ ذرا غور کریں
ہم اگر عرض کریں گے تو شکایت ہوگی

شاعر نامعلوم

 

[سین خے]

کیا یہی تھی شرط کچھ انصاف کی اے تند خو
جو بھلا ہو آپ سے اس سے برائی کیجیے

رجب علی بیگ سرور

 

[سین خے]

پہلے خود آپ کو پرکھا کیجے
اور پھر شکوۂ دنیا کیجے

جلیل حشمی

 

[سین خے]

ساتھ چلنا ہے تو پھر چھوڑ دے ساری دنیا
چل نہ پائے تو مجھے لوٹ کے گھر جانے دے

نظیر باقری

 

[سین خے]

ایسے رشتے کا بھرم رکھنا کوئی کھیل نہیں
تیرا ہونا بھی نہیں اور ترا کہلانا بھی

وسیم بریلوی

 

[اے خان]

کل پایا جس نے تجھ سے تمدن زکوٰة میں
سکھلا رہا ہے آج وہ جینے کا ڈھب تجھے
عاطف ملک

 

[عبد الرحمٰن]

تصویر کے دو رخ ہیں جاں اور غم جاناں
اک نقش چھپانا ہے اک نقش دکھانا ہے
جگر مراد آبادی

 

[محمد وارث]

جو بھی چہرہ نظر آیا ترا چہرہ نکلا
تو بصارت ہے مری، یار پرانے میرے
احمد ندیم قاسمی

 

[کاشفی]

دیا خاموش ہے لیکن کسی کا دل تو جلتا ہے
چلے آؤ جہاں تک روشنی معلوم ہوتی ہے
(نشور واحدی)

 

[کاشفی]

اک بار اس نے مجھ کو دیکھا تھا مسکرا کر
اتنی تو ہے حقیقت باقی کہانیاں ہیں
(میلہ رام وفاؔ)

 

[کاشفی]

انجام وفا یہ ہے جس نے بھی محبت کی
مرنے کی دعا مانگی جینے کی سزا پائی
(نشور واحدی)

 

[کاشفی]

ہزار شمع فروزاں ہو روشنی کے لیے
نظر نہیں تو اندھیرا ہے آدمی کے لیے
(نشور واحدی)

 

[کاشفی]

کون جانے کہ نئے سال میں تو کس کو پڑھے
تیرا معیار بدلتا ہے نصابوں کی طرح
(پروین شاکر)

 

[سردار محمد نعیم]

آنکھوں کی مخبری کا مزا ہم سے پوچھئے
ہنسنے کا شوق ہم کو بھی تھا آپ کی طرح
خمارؔ بارہ بنکوی

 

[فہد اشرف]

آنکھوں کی مخبری کا مزا ہم سے پوچھئے
ہنسنے کا شوق ہم کو بھی تھا آپ کی طرح
خمارؔ بارہ بنکوی

وہ جان ہی گئے کہ ہمیں ان سے پیار ہے
آنکھوں کی مخبری کا مزا ہم سے پوچھیئے
خمار بارہ بنکوی

 

[فہد اشرف]

ہنسنے کا شوق ہم کو بھی تھا آپ کی طرح
ہنسیے مگر ہنسی کا مزا ہم سے پوچھیئے
خمار بارہ بنکوی

 

[کاشفی]

راستہ سوچتے رہنے سے کدھر بنتا ہے
سر میں سودا ہو تو دیوار میں در بنتا ہے
(جلیل عالیؔ)

 

[کاشفی]

رسوا ہوئے ذلیل ہوئے در بدر ہوئے
حق بات لب پہ آئی تو ہم بے ہنر ہوئے
(خلیل تنویر)

 

[کاشفی]

کتنی دل کش ہو تم کتنا دلجو ہوں میں
کیا ستم ہے کہ ہم لوگ مر جائیں گے
(جون ایلیا)

 

[لاریب مرزا]

کُوچہٴ دلبر میں مَیں، بُلبُل چمن میں مست ہے
ہر کوئی یاں اپنے اپنے پیرہن میں مست ہے

(خواجہ حیدر علی آتش)