آپ کے پسندیدہ اشعار!

[کاشفی]

کیوں اسیر گیسوئے خم دار قاتل ہو گیا
ہائے کیا بیٹھے بٹھائے تجھ کو اے دل ہو گیا
(ابو الکلام آزاد)

 

[سردار محمد نعیم]

تم میرے پاس ہوتے ہو گویا
جب دوسرا کوئ نہیں ہوتا
مومن خان مومن

 

[حذیفہ انصاری]

تلخئ غم کے گھونٹ پی پی کر
محوِ کیف و سرور رہتا ہوں
تیری آنکھوں کو پوجتا ہوں مگر
تیری نظروں سے دور رہتا ہوں
نشاط شاہدوی

 

[کاشفی]

میں جاتا ہوں دل کو ترے پاس چھوڑے
مری یاد تجھ کو دلاتا رہے گا
(خواجہ میر دردؔ)

 

[کاشفی]

میں اپنے ساتھ رہتا ہوں ہمیشہ
اکیلا ہوں مگر تنہا نہیں ہوں
(نامعلوم)

 

[فہد اشرف]

آزاد ان کی ترچھی نظر سے نہ خوف کر
یہ تیر وہ نہیں جو کلیجے کے پار ہو
مولانا آزاد رح

 

[کاشفی]

مرا ضمیر بہت ہے مجھے سزا کے لیے
تو دوست ہے تو نصیحت نہ کر خدا کے لیے
(شاذ تمکنت)

 

[کاشفی]

محبت کی تو کوئی حد، کوئی سرحد نہیں ہوتی
ہمارے درمیاں یہ فاصلے، کیسے نکل آئے
(خالد معین)

 

[ملک سعدی]

گر لاکھ بار آئے زمانہ بہار پر
ہر بار صدقے کیجیے رُخسارِ یار پر

آنے کا وعدہ اُن کے نہ آنے کی تھی دلیل
آخر کھُلی یہ بات بڑے انتظار پر

مست بنارسی

بہت خوب جناب

 

[ملک سعدی]

گر لاکھ بار آئے زمانہ بہار پر
ہر بار صدقے کیجیے رُخسارِ یار پر

آنے کا وعدہ اُن کے نہ آنے کی تھی دلیل
آخر کھُلی یہ بات بڑے انتظار پر

مست بنارسی

بہت خوب جناب

 

[ملک سعدی]

پیار کا سلسلہ ضروری ہے
اس لئے اب وفا ضروری ہے

اک نیا عشق چھیڑ بیٹھا ہوں
میری خاطر دُع۔۔۔ا ضروری ہے

دل جلاتے ہیں مُسکراتے ہیں
ان کی یہ بھی ادا ضروری ہے

آج کل کے حسین لوگوں سے
بچ کے رہنا بڑا ضروری ہے

راستہ پی۔۔۔ار کا نہیں آساں
ساتھ اک آشنا ضروری ہے

بن بتائے جو دل چُرایا تھا
دل لگی کی سزا ضروری ہے

سامنے غیر کے جو کرتے ہو
یہ تماشا بھلا ضروری ہے ۔۔؟

کفر میں گِھر گیا ہو جب انساں
لَا اِلَہ لَا اِلَہ ۔۔۔۔۔۔۔۔ ضروری ہے

اب نہیں کام کے رہے گوہ۔۔ر
اُن کا کہنا بج۔َ۔ا ضروری ہے

گوہر فرید

 

[ملک سعدی]

بڑا یقین تھا مجھ کو مِری مُحَبت پر
بڑے یقین سے ہارا ہوں زندگی اپنی

گوہر فرید

 

[ملک سعدی]

بڑا یقین تھا مجھ کو مِری مُحَبت پر
بڑے یقین سے ہارا ہوں زندگی اپنی

گوہر فرید

 

[فہد اشرف]

Sardar Muhammad Naeem صاحب پسندیدہ اشعار میں کس بات سے غیر متفق ہو گئے؟

 

[عبد الرحمٰن]

دهیان میں لا کے تیرا سلسلہ ء زلف دراز
ہم "شب ہجر" کو کچھ اور بڑها لیتے هیں

"امیر مینائی"

 

[عبد الرحمٰن]

مری تشنہ لبی کا کب یقیں آئے گا دریا کو
میں صحرا کو بھی لے آؤں اگر اپنی گواہی میں
عالم خورشید

 

[کاشفی]

سیر کر دنیا کی غافل زندگانی پھر کہاں
زندگی گر کچھ رہی تو یہ جوانی پھر کہاں
(خواجہ میر دردؔ)

 

[کاشفی]

مڑ کے دیکھا تو ہمیں چھوڑ کے جاتی تھی حیات
ہم نے جانا تھا کوئی بوجھ گرا ہے سر سے
(زاہدہ زیدی)

 

[کاشفی]

جتنی بری کہی جاتی ہے اتنی بری نہیں ہے دنیا
بچوں کے اسکول میں شاید تم سے ملی نہیں ہے دنیا
(ندا فاضلی)

 

[محمد وارث]

نگری نگری لاکھوں دوارے، ہر دوارے پر لاکھ سخی
لیکن جب ہم بھول چکے ہیں، دامن کا پھیلانا ہو
ابنِ انشا