آپ کے پسندیدہ اشعار!

[م حمزہ]

وہ اُڑا تو شاخ کا سارا بدن جلنے لگا
دھوپ رکھ لی تھی پرندے نے پروں کے درمیان

 

[م حمزہ]

اُجالا جب ہوا رخصت جبین شبکی افشاں کا
نسیم زندگی پیغام لائی صبح خندام کا

 

[م حمزہ]

ممکن ہے کہ تو جس کو سمجھتا ہے بہاراں
اوروں کی نگاہوں میں وہ موسم ہو خزاں کا

 

[م حمزہ]

ہے سلسلہ احوال کا ہر لحظہ دگرگوں
اے سالک رہ! فکر نہ کر سود و زیاں کا

 

[م حمزہ]

شاید کہ زمیں ہے یہ کسی اور جہاں کی
تو جس کو سمجھتا ہے فلک اپنے جہاں کا!

 

[م حمزہ]

تو اپنی خودی اگر نہ کھوتا
زناری برگساں نہ ہوتا

 

[م حمزہ]

اسی قرآں میں ہے اب ترک جہاں کی تعلیم
جس نے مومن کو بنایا مہ و پرویں کا امیر

 

[م حمزہ]

'تن بہ تقدیر' ہے آج ان کے عمل کا انداز
تھی نہاں جن کے ارادوں میں خدا کی تقدیر

 

[م حمزہ]

تھا جو 'ناخوب، بتدریج وہی ' خوب' ہوا
کہ غلامی میں بدل جاتا ہے قوموں کا ضمیر

 

[م حمزہ]

اگرچہ زر بھی جہاں میں ہے قاضی الحاجات
جو فقر سے ہے میسر، تو نگری سے نہیں

 

[م حمزہ]

اگر جواں ہوں مری قوم کے جسور و غیور
قلندری مری کچھ کم سکندری سے نہیں

 

[م حمزہ]

سبب کچھ اور ہے، تو جس کو خود سمجھتا ہے
زوال بندہ مومن کا بے زری سے نہیں

 

[م حمزہ]

اگر جہاں میں مرا جوہر آشکار ہوا
قلندری سے ہوا ہے، تو نگری سے نہیں

 

[لاریب مرزا]

اب کے تجدیدِ وفا کا نہیں امکاں جاناں
یاد کیا تجھ کو دلائیں تیرا پیماں جاناں

(احمد فراز)

 

[لاریب مرزا]

یوں ہی موسم کی ادا دیکھ کے یاد آیا ہے
کس قدر جلد بدل جاتے ہیں انساں جاناں

 

[لاریب مرزا]

دل یہ کہتا ہے کہ شاید ہو فُسردہ تو بھی
دل کی کیا بات کریں دل تو ہے ناداں جاناں

 

[لاریب مرزا]

ہوش آیا تو سبھی خواب تھے ریزہ ریزہ
جیسے ا ڑتے ہوئے اوراقِ پریشاں جاناں

(احمد فراز)

 

[محمد وارث]

تم کو بھی ہم دکھائیں کہ مجنوں نے کیا کِیا
فرصت کشاکشِ غمِ پنہاں سے گر ملے
غالب

 

[عندلیب]

علاج یہ ہے کہ مجبور کردیا جاؤں
وگرنہ یوں تو کسی کی نہیں سنی میں نے

 

[فرقان احمد]

نفرتوں کے تیر کھا کر دوستوں کے شہر میں
ہم نے کس کس کو پکارا یہ کہانی پھر سہی۔۔۔!

(مسرور انور)