آپ کے پسندیدہ اشعار!

[م حمزہ]

امید ہے کہ جلد کوئی نہ کوئی جواب آ جائے گا ۔ تب تک کے لیے بہتر ہے کہ یہاں شعر مت ارسال کروں ۔

ارے بھئی شعر ارسال کرتے رہیے۔ بس ادھر ہی رہنے چاہئیے ۔

 

[عظیم]

ارے بھئی شعر ارسال کرتے رہیے۔ بس ادھر ہی رہنے چاہئیے ۔

مجھے لگتا ہے کہ ہمیں اس لڑی میں اس طرح بات بھی نہیں کرنی چاہیے کہ لڑی کا رخ کہیں اور مڑ رہا ہے۔

 

[فرقان احمد]

ہمارے شعر کے ساتھ بھی ایسا ہی ہوا۔ شاید اس حوالے سے مدیران نے کوئی پالیسی وضع کی ہو۔

 

[مہر نگار]

وہ مہکتی پلکوں کی اوٹ سے کوئ تارا چمکا تھا رات میں
میری بند مٹھی نہ کھولئے وہی کوہِ نور ہے ہاتھ میں۔۔!!
بشیر بدر

 

[م حمزہ]

مجھے لگتا ہے کہ ہمیں اس لڑی میں اس طرح بات بھی نہیں کرنی چاہیے کہ لڑی کا رخ کہیں اور مڑ رہا ہے۔

پھر کدھر بات کرنی چاہیے؟

 

[فرقان احمد]

پھر کدھر بات کرنی چاہیے؟

مراسلے کو رپورٹ کر دیجیے۔

 

[نسیم زہرہ]

ہے جس کو شوق اپنی خودی کی نمو کا
سچ پو چھیئے تو اُس کا خدا پر یقیں نہیں

 

[فہد اشرف]

دیکھیے لاتی ہے اس شوخ کی نخوت کیا رنگ
اس کی ہر بات پہ ہم نامِ خدا کہتے ہیں
غالب

 

[Xanthippe]

پِلا دے مجھے وہ مئے پردہ سوز
وہ مے جس سے کھُلتا ہے رازِ ازل

اُٹھا ساقیا پردہ اس راز سے
لڑا دے ممولے کو شہباز سے

زمانے کے انداز بدلے گئے
نیا راگ ہے، ساز بدلے گئے

ہُوا اس طرح فاش رازِ فرنگ
کہ حیرت میں ہے شیشہ بازِ فرنگ

پُرانی سیاست گری خوار ہے
زمیں مِیر و سُلطاں سے بیزار ہے

 

[زارا آریان]

یہ کیا مذاق فرشتوں کو آج سوجھا ہے
خُدا کے سامنے لے آئے ہیں پِلا کے مجھے

ریاضؔ خیرآبادی ( ریاض احمد )
خیرآباد، سیتا پور، اودھ | ۱۸۵۳ – ۱۹۳۴
کتاب ۔ میخانہ
مرتبہ ۔ پرکاش پنڈت

 

[زارا آریان]

رکھیو میرا سر دایم قدموں میں اُسی بُت کے
مُشرک کا اگر سجدہ مقبول نہیں یا ربّ

اصغرؔ گونڈوی
گونڈہ، اترپردیش | ۱۸۸۴ – ۱۹۳۶
کتاب ۔ دیوانِ اصغر

 

[نویدصدیقی]

ظُلم کا مارا تو دستک دے درِ انصاف پر
کیا کرے لیکن درِ انصاف کا مارا ہوا
عبیدبخاری

 

[فرقان احمد]

سزا کےطور پر ہم کو ملا قفس جالب
بہت تھا شوق ہمیں آشیاں بنانے کا

(حبیب جالب)

 

[م حمزہ]

بُلبُل کو باغباں سے نہ صَیَّاد سے گلہ
قسمت میں قید لکّھی تھی فصلِ بہار میں


بہادر شاہ ظفر

 

[م حمزہ]

شکوہ کریں تو کس سے شکایت کریں تو کیا
اک رائیگاں عمل کی ریاضت کریں تو کیا

جس شے نے ختم ہونا ہےآخر کو ایک دن
اُس شے کی اتنے دُکھ سے حفاظت کریں تو کیا

(منیر نیازی) بحوالہ "یونہی"

 

[سردار محمد نعیم]

اب تو گھبرا کے یہ کہتے ہیں کہ مر جائیں گے
مر کے بھی چین نہ پایا تو کدھر جائیں گے
. . . . . شیخ ابراہیم ذوق۔۔۔۔۔۔۔۔۔

 

[ام اویس]

کہتے ہیں عمر رفتہ کبھی لوٹتی نہیں
جا میکدے سے میری جوانی اٹھا کے لا

عبد الحمید عدم

 

[ام اویس]

میں تو اس وقت سے ڈرتا ہوں کہ وہ پوچھ نہ لے
یہ اگر ضبط کا آنسو ہے تو ٹپکا کیسے

احمد ندیم قاسمی

 

[ام اویس]

جلووں کے اس ہجوم میں لازم ہے احتیاط
سہو نظر معاف ہے ، قصد نظر حرام

نا معلوم

 

[فہد اشرف]

کعبہ کو دل کی زیارت کے لیے جاتا ہوں
آستانہ ہے حرم میرے صنم خانے کا
فانی بدایونی