آپ کے پسندیدہ اشعار!

[یاسر شاہ]

ناکام عشق میں جو تمنّائیں ہو گئیں
ایسی ہوئیں خفا کہ زلیخائیں ہو گئیں

یاسر شاہ ​

 

[یاسر شاہ]

پیڑ کو دیمک کھا جائے یا آدم زاد کو غم
امجد ہم نے دونوں ہی کو بچتے دیکھا کم

امجد اسلام امجد​

 

[یاسر شاہ]

مریدِ سادہ تو رو رو کے ہوگیا تائب
خدا کرے کہ ملے پیر کو بھی یہ توفیق
اقبال​

 

[محارب کاش]

‏تیرے دستِ ستم کا عجز نہیں
دل هی کافر تھا جس نے آہ نہ کی
فیض احمد فیضؔ

 

[محارب کاش]

بہت دشوار تھی راہ محبت
ہمارا ساتھ دیتے ہم سفر کیا!

"مہیش چندر نقش"

 

[محارب کاش]

بزمِ احباب میں حاصل نہ ہوا چین مجھے
مطمئن دل ہے بہت ، جب سے الگ بیٹھا ہوں !

پیر نصیر الدین نصیر

 

[محمد عدنان اکبری نقیبی]

زمانہ کیسی کیسی زندہ آوازوں سے روشن ہے
مگر ہم ہیں کہ بس اپنی صدا اچھی لگی ہم کو

افتخار عارف

 

[محمد عدنان اکبری نقیبی]

تجھے موت آئے جوازِ راہِ مفر نہ ڈھونڈ
ترے سر پہ خاک ، دل اس قدر بھی برا نہ کر
افتخار عارف

 

[سحر کائنات]

ضروری ہے کہ آنکھوں کا بھرم قائم رہے

نیند رکھو یا نہ رکھو خواب معیاری رکھو

 

[یاسر شاہ]

زندہ پھرنے کی ہے ہوس حاؔلی
انتہا ہے یہ بے حیائی کی

الطاف حسین حالی​

 

[لاريب اخلاص]

چہرہ ہے چار سال کا میرا
آنکھ پر اِک صدی پُرانی ہے

ظُلم تو کل بھی اِک حقیقت تھا
اور عدل آج بھی کہانی ہے
عابیؔ مکھنوی

 

[لاريب اخلاص]

بیدمؔ یہ محبت ہے یا کوئی مصیبت ہے
جب دیکھیے افسردہ جب دیکھیے جب مغموم
جناب بیدم وارثی

 

[محمد عدنان اکبری نقیبی]

کہاں اب دعاؤں کی برکتیں وہ نصیحتیں وہ ہدایتیں
یہ مطالبوں کا خلوص ہے یہ ضرورتوں کا سلام ہے

بشیر بدر

 

[محمد عدنان اکبری نقیبی]

آئے عدم سے ایک جھلک دیکھنے تری
رکھا ہی کیا تھا ورنہ جہان خراب میں

اختر رضا سلیمی

 

[محمد عدنان اکبری نقیبی]

ابھی تلک تو نہ کُندن ہُوئے نہ راکھ ہوئے
ہم اپنی آگ میں ہر روز جل کے دیکھتے ہیں

احمد فرازؔ

 

[محمد عدنان اکبری نقیبی]

کچھ دور آؤ موت کے ہم راہ بھی چلیں
ممکن ہے راستے میں کہیں زندگی ملے

خورشید احمد جامی

 

[محمد عدنان اکبری نقیبی]

سوچتا ہوں کہ بجھا دوں میں یہ کمرے کا دیا
اپنے سائے کو بھی کیوں ساتھ جگاؤں اپنے

انور مسعود

 

[محمد عدنان اکبری نقیبی]

یہ واقعہ ہے کہ چاہا ہے ٹوٹ کر اس کو
یہ سانحہ ہے کہ اب درد کا شمار نہیں

کنول حسین

 

[فرخ منظور]

کچھ بے حسی بھی چاہیے بہرِ سکونِ دل
ہر لرزشِ صبا کے کہے پر نہ جائیے
(خورشید رضوی)​

 

[فرقان احمد]

ہم معتکفِ دائرہ عشق تھے، ہم نے
رکھا نہ قدم سایہء مہ و سال سے آگے

(خالد احمد)