آپ کے پسندیدہ اشعار!

[سیما علی]

کتنا چپ چاپ ھے ماحول میری بستی کا
ماتمی خانہ بدوشوں کے بسیروں جیسا
کیا کہیں اب کے عجب عشق ھُوا ھے مُحسنؔ
سرد شاموں کی طرح ، گرم سویروں جیسا

”مُحسن نقوی“

 

[سیما علی]

ہر اک اولی الامر کو صدا دو
کہ اپنی فردعمل سنبھالے
اٹھیں گے جب جم سر فروشاں
پڑیں گے دارورسن کے لالے
کویٔ نہ ہو گا کہ جو بچالے
جزا سزا سب یہیں پہ ہوگی
یہیں عذاب و ثواب ہو گا
یہیں سے اٹھے گا شور محشر
یہیں پہ روز حساب ہو گا_

فیض احمد فیض

 

[سیما علی]

سرِ طور ہو سرِ حشر ہو، ہمیں انتظار قبول ہے
وہ کبھی ملیں، وہ کہیں ملیں، وہ کبھی سہی وہ کہیں سہی
پیر نصیرالدین نصیر

 

[سیما علی]

کچھ تو رشتہ ہے تم سے کم بختو
کچھ نہیں ۔۔۔۔۔۔۔۔۔ کوئی بددُعا بھیجو
جون ایلیا

 

[سیما علی]

ذکر سے جن حادثوں کے سانس رکتی تھی کبھی
وقت کی مجبوریوں میں سب گوارا ہو گئے
قابل اجمیری

 

[سیما علی]

ذکر سے جن حادثوں کے سانس رکتی تھی کبھی
وقت کی مجبوریوں میں سب گوارا ہو گئے
قابل اجمیری

 

[سیما علی]

آ ہٹ سی کوئی آئے تو لگتا ہے کہ تم ہو
سایہ کوئی لہرائے تو لگتا ہے کہ تم ہو
----------------
جاں نثار اختر

 

[سیما علی]

جس دن سے اپنا طرز فقیرانہ چھٹ گيا
شاہی تو مل گئ دل شاہانہ چھٹ گيا
مصطفیٰ زیدی

 

[سیما علی]

اُس کی امیدِ ناز کا ہم سے یہ مان تھا کہ آپ
عمر گزار دیجیے، عمر گزار دی گئی!
جون ایلیا

 

[سیما علی]

پیوست دل میں جب ترا تیرِ نظر ہوا
کس کس ادا سے شکوۂ دردِ جگر ہوا
جگر مراد آبادی

 

[سیما علی]

سُنے وہ اور پھر کرلے یقیں بھی
بڑی ترکیب سے سچ بولتا ہوں
انور شعورؔ

 

[سیما علی]

مٹا سکی نہ انھیں روز و شب کی بارش بھی
دلوں پہ نقش جو رنگِ حنا کے رکھے تھے
امجد اسلام امجد

 

[سیما علی]

اور بیدار چل کہ یہ دنیا
شاطروں کی بساط ہے اے دل
مصطفے زیدی

 

[سیما علی]

دل روز سجاتا ہوں میں دلہن کی طرح سے
غم روز چلے آتے ہیں بارات کی مانند
محسن نقوی

 

[سیما علی]

نئی صبح پر نظر ہے مگر آہ یہ بھی ڈر ہے
یہ سحر بھی رفتہ رفتہ کہیں شام تک نہ پہنچے
شکیل بدایونی

 

[سیما علی]

دونوں جہان تیری محبت میں ہار کے
وہ جا رہا ہے کوئی شبِ غم گُزار کے

فیض احمد فیض

 

[سیما علی]

تیرے بنا جو عمر بتائی بیت گئی
اب اس عمر کا باقی حصہ تیرے نام
جتنے خواب خدا نے میرے نام لکھے
ان خوابوں کا ریشہ ریشہ تیرے نام
----------
ایوب خاور

 

[سیما علی]

نہ جی بھر کے دیکھا نہ کچھ بات کی
بڑی آرزو تھی ملاقات کی

بشیر بدر

 

[سیما علی]

ہم کو مٹا سکے یہ زمانہ میں دم نہیں
ہم سے زمانہ خود ہے زمانے سے ہم نہیں

جگر مراد آبادی

 

[عطاء اللہ جیلانی]

‏سب کو دنیا کی ہوس خوار لیے پھرتی ہے
کون پھرتا ہے یہ مردار لیے پھرتی ہے

شیخ ابراہیم ذوق