آپ کے پسندیدہ اشعار!

[سیما علی]

وہ مجھ سے خفا ہے تو اسے یہ بھی ہے زیبا
پر شیفتہ میں اس سے خفا ہو نہیں سکتا

 

[یوسُف]

ہم باغِ تمنا میں دِن اپنے گزار آئے
آئی نہ بہار آخر، شائد نہ بہار آئے
(شہنشاہ حسین ارمؔ لکھنوی)

 

[سیما علی]

ایمان مجھے روکے تو کفر مجھے کھینچے ہے
کعبہ میرے پیچھے ہے کلیسا میرے آگے
(مرزا غالب)

 

[سیما علی]

اِک جبر لالہ زار کا، آنکھوں میں ہے صَباؔ
دیکھا کئے ہیں خُون اُبلتا زمِیں سے ہم

صباؔ اکبر آبادی

 

[سیما علی]

اے کہ نظم دہر کا ادراک ہے حاصل تجھے
کيوں نہ آساں ہو غم و اندوہ کی منزل تجھے


--- علامہ سر محمد اقبال

 

[پروفیسر شوکت اللہ شوکت]

صرف اپنا خیال رکھنا تھا
یہ بھی نہ ہو سکا ہم سے

 

[پروفیسر شوکت اللہ شوکت]

گلہ بھی تجھ سے بہت ہے مگر محبت بھی
وہ بات اپنی جگہ ہے یہ بات اپنی جگہ

 

[پروفیسر شوکت اللہ شوکت]

اس کے لہجے سے بس یہ معلوم ہوا
اسے دشوار لگتا ہے ہم سے رابطہ رکھنا

 

[سیما علی]

قبضے میں انہیں پاؤں کی ثابت قدمی ہے
دھن فتح کی ہے پیروئی تیز دمی ہے!!!!!!!

(میر انیس)

 

[یوسُف]

ہوئی ہیں اس قدر آسانیوں سے مشکلیں پیدا
ہر آسانی کو ہم اپنی جگہ مشکل سمجھتے ہیں
(حنیف اخگر)

 

[سیما علی]

تیشے بغیر مر نہ سکا کوہکن اسدؔ
سرگشتۂ خمارِ رسوم و قیود تھا
مرزا اسد اللّہ خاں غالب

 

[سیما علی]

یہ لاشِ بے کفن اسدؔ خستہ جاں کی ہے
حق مغفرت کرے عجب آزاد مرد تھا

 

[سیما علی]

نظر میں ہے ہماری جادۂ راہِ فنا غالبؔ
کہ یہ شیرازہ ہے عالَم کے اجزائے پریشاں کا

 

[سیما علی]

بقدرِ ظرف ہے ساقی! خمارِ تشنہ کامی بھی
جوتو دریائے مے ہے، تو میں خمیازہ ہوں ساحل کا

 

[سیما علی]

فکر ہي ٹھہري تو دل کو فکر ِ خوباں کيوں نہ ہو
خاک ہونا ہے تو خاک ِ کوئے جاناں کيوں نہ ہو

جوش ملیح آبادی

 

[سیما علی]

پھر ہوئی شام ڈھل گئے سائے
رات آئے تو خواب پہنائے
ہاشم رضا

 

[علی وقار]

شام کے سائے بالشتوں سے ناپے ہیں
چاند نے کتنی دیر لگا دی آنے میں (شاعر: گلزار)

 

[لاريب اخلاص]

جنھيں ميں ڈھونڈتا تھا آسمانوں ميں زمينوں ميں
وہ نکلے ميرے ظلمت خانہ دل کے مکينوں ميں
علامہ اقبال (بانگ درا)

 

[لاريب اخلاص]

خموش اے دل! بھری محفل ميں چلانا نہيں اچھا
ادب پہلا قرينہ ہے محبت کے قرينوں ميں
علامہ اقبال (بانگِِِ درا)

 

[لاريب اخلاص]

یہ زیست کچھ ایسے ہے کہ الجھے ہوئے دھاگے

ٹوٹے ہوئے نکلیں جنہیں سمجھیں کہ سرے ہیں

ہر روز کوئی ٹانکا ادھڑ جاتا ہے پھر سے

ہم وقت کی سوزن سے کئی بار سلے ہیں
فخر زمان