آپ کے پسندیدہ اشعار!

[سیما علی]

دیکھ آءو مریض فرقت کو
رسم دنیا بھی ہے، ثواب بھی ہے
حسن بریلوی

 

[سیما علی]

دیپک راگ ہے چاہت اپنی کا سنائیں تمہیں
ہم خود تو سلگتے رہتے ہیں کیوں سلگائیں تمہیں

 

[سیما علی]

تو ملا تھا اور میرے حال پر رویا بھی تھا
میرے سینے میں کبھی اک اضطراب ایسا بھی تھا

زندگی تنہا نہ تھی اے عشق تیری راہ میں
دھوپ تھی، صحرا تھا اور اک مہرباں سایہ بھی تھا

 

[سیما علی]

گئے دونوں جہاں‌سے خدا کی قسم نہ اِدھر کے ہوئے نہ اُدھر کے رہے
نہ خدا ہی ملا نہ وصال صنم ن نہ اِدھر کے ہوئے نہ اُدھر کے رہے

 

[سیما علی]

تیری قربت کے لمحے پھول جیسے
مگر پھولوں کی عمریں مختصر ھیں!!!!

 

[سیما علی]

شِدتِ غم میں بھی زندہ ہوں تو حیرت کیسی
کچھ دیے تُند ہواؤں میں بھی لڑ جاتے ہیں

 

[حسرت جاوید]

بوسہ دینے کی چیز ہے آخر
نہ سہی ہر گھڑی، کبھی ہی سہی

قلق میرٹھی

 

[حسرت جاوید]

اف رے گرمی محبت کہ ترے سوختہ جاں
جس جگہ بیٹھ گئے آگ لگا کے اٹھے

مومن خاں مومن

 

[حسرت جاوید]

مجھ کو مری شکست کی دوہری سزا ملی
تجھ سے بچھڑ کے زندگی دنیا سے جا ملی

ساقی فاروقی

 

[حسرت جاوید]

اے دل ترے خلوص کے صدقے! ذرا سا ہوش
دشمن بھی بے شمار ہیں یاروں کے شہر میں

عبد الحمید عدم

 

[حسرت جاوید]

جو دل میں تھی نگاہ سی، نگاہ میں کرن سی تھی
وہ داستاں الجھ گئی وضاحتوں کے درمیاں

ادا جعفری

 

[حسرت جاوید]

جب دل پہ چھا رہی ہوں گھٹائیں ملال کی
اس وقت اپنے دل کی طرف مسکرا کے دیکھ

سیماب اکبرآبادی

 

[حسرت جاوید]

چلے جائیے مجھ سے دامن بچا کر
تصور سے بچ کر کہاں جائیے گا

 

[حسرت جاوید]

لطفِ بہار کچھ نہیں گو ہے وہی بہار
دل ہی اجڑ گیا کہ زمانہ اجڑ گیا

عزیز لکھنوی

 

[حسرت جاوید]

پتھر بھی چٹختے ہیں تو دے جاتے ہیں آواز
دل ٹوٹ رہے ہیں تو صدا کیوں نہیں دیتے

مقبول نقش

 

[حسرت جاوید]

اشک قابو میں نہیں راز چھپاؤں کیوں کر
دشمنی مجھ سے مرے دیدۂ تر رکھتے ہیں

لالہ مادھو رام جوہر

 

[حسرت جاوید]

زندگی کا ساز بھی کیا ساز ہے
بج رہا ہے اور بے آواز ہے

حیات امروہوی

 

[حسرت جاوید]

پھیلا ہوا ہے جسم میں تنہائیوں کا زہر
رگ رگ میں جیسے ساری اداسی اتر گئی

شاہد ماہلی

 

[حسرت جاوید]

آنکھوں سے جان جائیے فرقت کا ماجرا
اشکوں سے پوچھ لیجئے جو دل کا حال ہے

جگر مراد آبادی

 

[حسرت جاوید]

برائی، بھلائی کی صورت ہوئی
محبت میں سب کچھ روا ہو گیا

پنڈت جواہر ناتھ ساقی