آپ کے پسندیدہ اشعار!

[حسرت جاوید]

دیکھا تو زندگی میں بہت کامیاب تھے
سوچا تو جیت آئی نظر مات کی طرح

یوسف تقی

 

[حسرت جاوید]

پوری نہ ادھوری ہوں نہ کم تر ہوں نہ برتر
انسان ہوں انسان کے معیار میں دیکھیں

فاطمہ حسن

 

[حسرت جاوید]

یہ بھی ہوا کہ در نہ ترا کر سکے تلاش
یہ بھی ہوا کہ ہم ترے در سے گزر گئے

نثار اٹاوی

 

[حسرت جاوید]

مدت ہوئی پلک سے پلک آشنا نہیں
کیا اس سے اب زیادہ کرے انتظار چشم

شیخ ظہور الدین حاتم

 

[حسرت جاوید]

اے چشمِ التفات کے مارے ہوئے سنبھل
یہ حُسنِ اِتفاق ہے، حُسنِ نَظر نہیں

راقمؔ لکھنوی

 

[حسرت جاوید]

ممکن ہے اشک بن کے رہوں چشمِ یار میں
ممکن ہے بھول جائے غمِ روزگار میں

یاسین ضمیر

 

[گُلِ یاسمیں]

زندگی میں پاس سے دم بھر نہ ہوتے تھے جدا
قبر میں تنہا مجھے یاروں نے کیونکر رکھ دیا

داغ دہلوی

 

[حسرت جاوید]

جانا پڑا رقیب کے در پر ہزار بار
اے کاش جانتا نہ ترے رہگزر کو میں

مرزا غالب

 

[حسرت جاوید]

پسِ پردہ بہت بے پردگی ہے
بہت بیزار ہے کردار اپنا

نعیم رضا بھٹی

 

[حسرت جاوید]

میں چاہتا ہوں تعلق کے درمیاں پردہ
وہ چاہتا ہے مرے حال پر نظر کرنا

لئیق عاجز

 

[شمشاد]

محبت عداوت وفا بے رخی
کرائے کے گھر تھے بدلتے رہے
بشیر بدر

 

[حسرت جاوید]

آج تو دل کے درد پر ہنس کر
درد کا دل دکھا دیا میں نے

زبیر علی تابش

 

[حسرت جاوید]

اس نے ہمارے زخم کا کچھ یوں کیا علاج
مرہم بھی گر لگایا تو کانٹوں کی نوک سے

افتخار ساگر

 

[حسرت جاوید]

فکرِ مآل تھی نہ غمِ روزگار تھا
ہم تھے جہاں میں اور ترا انتظار تھا

منشی نوبت رائے نظر لکھنوی

 

[حسرت جاوید]

اس عارضی دنیا میں ہر بات ادھوری ہے
ہر جیت ہے لا حاصل، ہر مات ادھوری ہے

عنبرین حسیب عنبر

 

[حسرت جاوید]

رات آ کر گزر بھی جاتی ہے
اک ہماری سحر نہیں ہوتی

ابنِ انشا

 

[حسرت جاوید]

ہمیں خبر ہے کہ ہم ہیں چراغِ آخر شب
ہمارے بعد اندھیرا نہیں اجالا ہے

ظہیر کاشمیری

 

[حسرت جاوید]

کہ ہے مختصر داستاں عشق کی
گلے مل کے کوئی گلے پڑ گیا

دیپک پروہت

 

[حسرت جاوید]

سوتا رہا ہونٹوں پہ تبسم کا سویرا
رہ رہ کے جگاتے رہے تقدیرِ سحر ہم

سراج لکھنوی

 

[حسرت جاوید]

پیاسو رہو نہ دشت میں بارش کے منتظر
مارو زمیں پہ پاؤں کہ پانی نکل پڑے

اقبال ساجد