آپ کے پسندیدہ اشعار!

[سید فصیح احمد]

یوں تیری رہگزر سے دیوانہ وار گزرے
کاندھے پہ اپنے رکھ کے اپنا مزار گزرے

بیٹھے ہیں راستے میں دل کا کھنڈر سجا کر
شاید اسی طرف سے اک دن بہار گزرے

مینا کماری نازؔ

 

[چوہدری لیاقت علی]

ترا فراق رزق حلال ہے مجھ پر
یہ پھل پرائے شجر سے اتارا تھوڑی ہے
یہ لوگ تجھ سے ہمیں دور کر رہے ہیں مگر
ترے بغیر ہمارا گزارا تھوڑی ہے
جمال احسانی

 

[چوہدری لیاقت علی]

کس کو سنائیں حال دل زار اے ادا
آوارگی میں ہم نے زمانے کی سیر کی
امراؤ جان ادا (مرزا ہادی رسوا)

 

[چوہدری لیاقت علی]

کردار یوسفی کا صلہ یوں ملا مجھے
ہر یار غم گسار میرا بھائی بن گیا
اسلم کولسری

 

[چوہدری لیاقت علی]

دل سا کھلونا ہاتھ آیا ہے
کھیلو، توڑو، جی بہلاؤ
اسرار ناروی (ابن صفی)

 

[چوہدری لیاقت علی]

آپ کے بعد ہر گھڑی ہم نے
آپ کے ساتھ ہی گزاری ہے
گلزار

 

[چوہدری لیاقت علی]

آباد نگر میں رہتا تھا اور اجڑی غزلیں کہتا تھا
کچھ نام بھی شاید تھا اس کا یاد آیا اسلم کولسری
اسلم کولسری

 

[چوہدری لیاقت علی]

ابھی کہتاہوں میں تازہ غزل بھی
ابھی تو زہر کا ساغر پیا ہے
پرو کر دیکھ لو کانٹے میں جگنو
کوئی اس شہر میں یوں بھی جیا ہے
اسلم کولسری

 

[طارق شاہ]

روشن تِرے جمال سے ہیں مہْر و ماہ بھی
لیکن، نظر پہ بار ہیں تیرے گلی کے لوگ

حبیب جالب

 

[طارق شاہ]

ہوسِ لُقمۂ تر کھا گئی لہجے کا جلال !
اب کسی حرف کو حُرمت نہیں مِلنے والی

افتخارعارف

 

[طارق شاہ]

کیا بتاؤں ، کہ مر نہیں سکتا
جیتے جی جب سے مر گیا ہُوں میں

جون ایلیا

 

[طارق شاہ]

مرضِ عِشق سے کُچھ ایسا بِگڑا ہُوں، کہ مجھے
دُور سے دیکھ کے غمخوار چلے جاتے ہیں

داغ دہلوی

 

[طارق شاہ]

تم سنْوارو نہ اپنی زُلفوں کو
میری حالت خراب رہنے دو

محسن نقوی

 

[طارق شاہ]

ہم خوشی چاہیں تو کِس طرح سے چاہیں تیری
صاف غیروں سے مِلی جاتی ہیں راہیں تیری

دل کہیں اور، اِدھر کو ہیں نِگاہیں تیری
واقفِ رنج وغمِ دُنیا ہُوئی آہیں تیری

تجھ میں اگلی سے محبّت نہیں، وہ بات نہیں !
پھر یہ کہتا ہے کہ ، پہلی سی مدارات نہیں

علامہ رشید ترابی

 

[نظام الدین]

کچھ اب سنبھلنے لگی ہے جاں بھی، بدل چلا دور آسماں بھی
جو رات بھاری تھی ٹل گئی ہے، جو دن کڑا تھا گزر گیا وہ
(ناصر کاظمی)​

 

[نظام الدین]

چھلک نہ جاؤں کہیں میں وجود سے اپنے
ہنر دیا ہے تو پھر ظرفِ کبریائی دے
(عبید اللہ علیم)

 

[طارق شاہ]

سُورج کو دیکھنے کا سلیقہ کہاں ہمیں
جب بھی نظر اُٹھائی، رہی آس پاس شب

گھر جلد لوٹ کر بھی تو، منظر وہی رہا
ویسی ہی سرد شام، وہی ناسپاس شب

پروین شاکر

 

[طارق شاہ]

چاہو تو واقعات کے اِن خرمنوں سے تم
اِک ریزہ چُن کے فکر کے دریا میں پھینک دو
پانی پہ اِک تڑپتی شِکن دیکھ کر ہنسو

چاہو تو واقعات کی اِن آندھیوں میں بھی
تم یُوں کھڑے رہو کہ، تمھیں علم تک نہ ہو
طُوفاں میں گِھر گئے ہو کہ طوُفاں کا جُزو ہو

مجید امجد

 

[چوہدری لیاقت علی]

کئی رتوں سے میرے نیم وا دریچوں میں
ٹہر گیا ہے تیرے انتظار کا موسم
پروین شاکر

 

[کاشفی]

بہزاد کا ایمان ہے تو اور ترا جلوہ
یہ مست نگاہی تری بہزاد کا دیں ہے
(بہزاد لکھنوی)