آپ کے پسندیدہ اشعار!

[MindRoasterMirs]

چل رہی ہے نسیم رحمت کی
جو دعا کیجئے قبول ہے آج

 

[MindRoasterMirs]

اگر وہ جاں کو طلب کرتے ہیں تو جاں ہی سہی
بلا سے کچھ تو نپٹ جائے فیصلہ دِل کا

 

[MindRoasterMirs]

جب سے اے یار تجھے یار بنایا ہم نے
ہر نئے روز نیا نام رکھایا ہم نے

​

 

[MindRoasterMirs]

میں جہاں گم سا ہونے لگتا ہوں ۔ مجھ کو کوئی راستہ دکھاتا ہے
جوں جوں میں کچھ دوا سی کرتا ہوں ۔ درد کچھ اور بڑھتا جاتا ہے ۔ اپنے اشعار

 

[سیما علی]

ہوا خفا تھی مگر اتنی سنگ دل بھی نہ تھی
ہمیں کو شمع جلانے کا حوصلہ نہ ہوا

قیصر الجعفری

 

[سیما علی]

اس شہر میں کہیں پہ ہمارا مکاں بھی ہو
بازار ہے تو ہم پہ کبھی مہرباں بھی ہو
محمد علوی

 

[سیما علی]

پتھر مجھے کہتا ہے مرا چاہنے والا
میں موم ہوں اس نے مجھے چھو کر نہیں دیکھا
بشیر بدر

 

[سیما علی]

مری آنکھ نے تجھے بھی بہ خدا شکیلؔ پایا
میں سمجھ رہا تھا مجھ سا کوئی دوسرا نہیں ہے

شکیل بدایونی

 

[سیما علی]

کس لیے جیتے ہیں ہم کس کے لیے جیتے ہیں
بارہا ایسے سوالات پہ رونا آیا

ساحر لدھیانوی

 

[سیما علی]

اللہ رے فریب مشیت کہ آج تک
دنیا کے ظلم سہتے رہے خامشی سے ہم

ساحر لدھیانوی

 

[سیما علی]

شام کی نا سمجھ ہوا پوچھ رہی ہے اک پتا
موج ہوائے کوئے یار کچھ تو مرا خیال بھی

پروین شاکر

 

[سیما علی]

جب بھی نظر اٹھی تو فلک کی طرف اٹھی
بر گشتہ آسمان سے گویا نہ تو نہ میں

خالد احمد

 

[سیما علی]

درد تو سانسوں میں بستے ہیں کون دکھائے تمہیں
پھولوں پر خوشبو کا گہنہ کیسا لگتا ہے
خالد احمد

 

[سیما علی]

میری ہر بات بے اثر ہی رہے
نقص ہے کچھ مرے بیان میں کیا

جون ایلیا

 

[مومن فرحین]

اشک آنکھوں سے یہ کہہ کر نکلا
یہ تیرے ضبط کی حد ہے؟ حد ہے

 

[مومن فرحین]

اتنے چپ چاپ کہ رستے بھی رہیں گے لا علم
چھوڑ جائیں گے کسی روز نگر شام کے بعد

فرحت عباس شاہ

 

[مومن فرحین]

دکھ کے عالم میں تبسّم بھی سجا ہونٹوں پر
صرف دامن کو بھگونا ہی نہیں کافی ناں !

اس نے بدلی تھی نظر جب ، تجھے مر جانا تھا
دلِ مضطر تیرا رونا تو نہیں کافی ناں !

 

[زوجہ اظہر]

وقت کے تیر تو سینے پہ سنبھالے ہم نے
اور جو نیل پڑے ہیں تیری گفتار کے ہیں

 

[لاريب اخلاص]

واہ واہ واہ لاریب

شکریہ لڑکی

 

[ڈاکٹر رانا مظہر عبّاس]

دُشمنِ راحت، جوانی میں طبیعت ہو گئی
جس حَسِین سے مِل گئیں آنکھیں، محبت ہوگئی

اکبر الہ آبادی