آپ کے پسندیدہ اشعار!

[اے خان]

جا اور کوئی ضبط کی دنیا تلاش کر
اے عشق ! ہم تو اب تیرے قابل نہیں رہے
جگر

 

[مومن فرحین]

عرض نیاز عشق کے قابل نہیں رہا
جس دل پہ ناز تھا مجھے وہ دل نہیں رہا

اسد اللہ خان

 

[سیما علی]

اپنے چہرے سے جو ظاہر ہے چھپائیں کیسے
تیری مرضی کے مطابق نظر آئیں کیسے

 

[مومن فرحین]

ترے دل کو جو لبھائے وہ ادا مجھ میں نہیں
کیوں نہ تجھ کو کوئی تیری ہی ادا پیش کروں

ساحر لدھیانوی

 

[سیما علی]

آسمانوں پہ ستاروں کوسجاتا تو ہے
اور مہتاب کا فانوس جلاتا تو ہے
یہ تری شانِ کریمی ہے کہ ہر بندے پر
عقل و حکمت کے خزینوں کو لٹاتا تو ہے

محسن احسان

 

[اے خان]

نافع جوتھیں مزاج کو اوّل سوعشق میں
آخر اُنھیں دواؤں نے ہم کو ضرَرکیا
میر

 

[کاشفی]

کچھ اور طرح کی مشکل میں ڈالنے کے لیے
میں اپنی زندگی آسان کرنے والا ہوں
(آفتاب حسین)

 

[کاشفی]

ہم نے مر مر کے یہ انداز سخن پایا ہے
تم کو تو حسن ملا ہے مری جاں گھر بیٹھے
(شاذ تمکنت)

 

[کاشفی]

وقت رخصت الوداع کا لفظ کہنے کے لئے
وہ ترے سوکھے لبوں کا تھر تھرانا یاد ہے
(حسرت موہانی)

 

[سیما علی]

نالہ ہے بُلبلِ شوریدہ ترا خام ابھی
اپنے سینے میں اسے اور ذرا تھام ابھی
پُختہ ہوتی ہے اگر مصلحت اندیش ہو عقل
عشق ہو مصلحت اندیش تو ہے خام ابھی

علامہ سر محمد اقبال

 

[سیما علی]

بادہ گردانِ عجَم وہ، عَربی میری شراب
مرے ساغر سے جھجکتے ہیں مے آشام ابھی
خبر اقبالؔ کی لائی ہے گلستاں سے نسیم
نَو گرفتار پھڑکتا ہے تہِ دام ابھی

 

[سیما علی]

غمِ زِندگی!
تِری راہ میں،
شبِ آرزُو!
تِری چاہ میں ۔۔
جو اُجڑ گیا وہ بسا نہیں،
جو بِچھڑ گیا وہ مِلا نہیں ۔۔۔!!

 

[سیما علی]

آج اُس کی سمت دیکھا ہی نہیں جاتا عدیم
آج کیفیت الگ ہے، آج عالم اور ہے

 

[سیما علی]

کڑی گھڑی کہاں سے آ گئی عدیم
کڑی گھڑی نبھانے والے کیا ہوئے

 

[زوجہ اظہر]

جدھر سے روز ہو تیرا گزرنا
مجھےاس راستےکی گردکردے

 

[سیما علی]

بخت کے تخت سے یکلخت اتارا ہوا شخص
تم نے دیکھا ہے کبھی جیت کے ہارا ہوا شخص

 

[سیما علی]

دولت درد کو دنیا سے چھپا کر رکھنا
آنکھ میں بوند نہ ہو دِل میں سمندر رکھنا

احمد فراز

 

[سیما علی]

حسن کو دنیا کی آنکھوں سے نہ دیکھ
اپنی اک طرز نظر ایجاد کر

احسان دانش

 

[سیما علی]

جلائے رکھوں گی صبح تک میں تمہارے رستوں میں اپنی آنکھیں
مگر کہیں ضبط ٹوٹ جائے تو بارشیں بھی شمار کرنا

نوشی گیلانی

 

[سیما علی]

میں نے اپنی خشک آنکھوں سے لہو چھلکا دیا
اک سمندر کہہ رہا تھا مجھ کو پانی چاہئے