آپ کے پسندیدہ اشعار!

[ماظق]

تو نے دیکھی ہی کہاں عشق سے اگلی منزل
ورنہ تو عشق کو آسیب پکارا کرتا

 

[لاريب اخلاص]

ازل سے ایک ہجر کا اسیر ہے،اخیر ہے
یہ دل بھی کیا لکیر کا فقیر ہے،اخیر ہے

ہمارے ساتھ حادثہ بھی دفعتاً نہیں ہوا
جو ہاتھ میں نصیب کی لکیر ہے،اخیر ہے

ہمارے قتل پر ہمیں ہی دوش دے رہے ہیں آپ
جناب من جو آپ کا ضمیر ہے، اخیر ہے

بہار نے کیا بھی تو خزاؤں کا بھلا کیا
یہ زندگی بھی موت کی سفیر ہے،اخیر ہے

شعیب بخاری

 

[لاريب اخلاص]

میری خاموشیوں میں لرزاں ہے
میرے نالوں کی گم شدہ آواز
فیض احمد فیض

 

[رباب واسطی]

چاند سا مصرعہ اکیلا ہے مرے کاغذ پر
چھت پہ آ جاٶ ، مرا شعر مکمل کر دو

 

[لاريب اخلاص]

ہنس پڑتا ہے بہت زیادہ غم میں بھی انسان
بہت خوشی سے بھی تو آنکھیں ہو جاتی ہیں نم
امجد اسلام امجد

 

[لاريب اخلاص]

ان کے آنے کا اہتمام ہوا
کتنے پھولوں کا قتل عام ہوا
نامعلوم

 

[لاريب اخلاص]

کل سامنے منزل تھی پیچھے مری آوازیں
چلتا تو بچھڑ جاتا رکتا تو سفر جاتا
میں شہر کی رونق میں گم ہو کے بہت خوش تھا
اک شام بچا لیتا اک روز تو گھر جاتا
عزم بہزاد

 

[علی وقار]

ہم ہیں وہ ٹوٹی ہوئی کشتیوں والے تابش
جو کناروں کو ملاتے ہوئے مر جاتے ہیں


عباس تابش

 

[علی وقار]

روکا انا نے کاوشِ بے سُود سے مجھے
اُس بُت کو اپنا حال سنانے نہیں دیا

منیر نیازی

 

[لاريب اخلاص]

یہ سردیوں کا اداس موسم کہ دھڑکنیں برف ہو گئی ہیں
جب ان کی یخ بستگی پرکھنا تمازتیں بھی شمار کرنا
نوشی گیلانی

 

[سیما علی]

لوح دل کو، غمِ الفت کو قلم کہتے ہیں
کُن ہے اندازِ رقم حُسن کے افسانے کا

ہر نفَس عمرِ گزشتہ کی ہے میّت فانی
زندگی نام ہے مر مر کے جیے جانے کا

فانی بدایونی

 

[سیما علی]

خرامِ ناز، نظرمست، منتشر زلفیں
یہ اہتمام ہے کیوں، کس لیے، کہاں کے لیے!

حقائقِ غمِ اُلفت کبھی چُھپے ہیں شکیبؔ!
بیان کیسے بدلتا میں راز داں کے لیے
شکیب جلالی