اردو محفل کا مشاعرہ برائے ۲۰۱۲ء ( تبصرہ جات کی لڑی)

[شمشاد]

ہم شعراء خواتین و حضرات کو ان کے کلام پر داد دینے کے لیے پنڈال میں موجود ہیں۔

 

[محمد خلیل الرحمٰن]

مندرجہ ذیل لڑی میں آپ دل کھول کر شعراء حضرات کی سعی پر انھیں داد دے سکتے ہیں۔

 

[مہدی نقوی حجاز]

سو ٹھیک ہے ہم یہاں پر پیشی داد دیے دیتے ہیں کہ ہمارا کلام سننے کے بعد کسی بندہ نا خدا میں اس کی استطاعت نہ رہے گی،،،

 

[شمشاد]

میں اپنے ٹماتڑوں کا ٹوکرا لے آؤں، اور وہ کہاں رہ گئے جو آلو کے قتلے لانے والے تھے۔

 

[محمد بلال اعظم]

ہم تو نہ تین میں نہ تیرہ میں

 

[محمداحمد]

ہم تو نہ تین میں نہ تیرہ میں

آپ تین اور تیرہ کو ملا کر تین سو تیرہ کر لیجے۔ یادگار عدد ہے۔

 

[متلاشی]

میں بھی ان شاء اللہ شرکت کروں گا۔۔۔!

 

[محمد بلال اعظم]

آپ تین اور تیرہ کو ملا کر تین سو تیرہ کر لیجے۔ یادگار عدد ہے۔

عدد تو واقعی یاد گار ہے،

 

[خرم شہزاد خرم]

جزاک اللہ آج شام کو انشاءاللہ مشاعرے کا باقاعدہ آغاز ہو جائے گا

 

[مہدی نقوی حجاز]

انتظار رہے گا۔

 

[محمد وارث]

​

جنابِ صدر کی اجازت سے مشاعرے کا آغاز کرتا ہوں اپنے ہی کلام سے۔​

​

لوگ کہتے ہیں بہت غم خوار رہتے تھے یہاں​

میں یہ کہتا ہوں مرے اغیار رہتے تھے یہاں​

​

​

چاند سورج رات دن بارش زمیں بادل فلک​

اِن سے بڑھ کر بھی بہت کردار رہتے تھے یہاں​

​

​

اب جہاں دیکھوں نظر آتے ہیں میخانے وہاں​

شہر میں بس عشق کے بیمار رہتے تھے یہاں​

​

​

کچھ تو ایسے جن کی کوئی مثل بھی ملتی نہ تھی​

کچھ مرے جیسے بہت بے کار رہتے تھے یہاں​

​

​

کس گلی میں اب ہیں جانے ان کی جلوہ ریزیاں​

میں کہاں تھا جب مرے سرکار رہتے تھے یہاں​

​

​

کاغذی کشتی سمندر کے کنارے دیکھ کر​

یوں لگا خرم کہ میرے یار رہتے تھے یہاں​

خوب غزل پڑھی ہے خرم۔

 

[محمد بلال اعظم]

خرم بھائی بہت ہی پیاری غزل ہے، داد قبول کیجیے
مطلع تو بہت ہی پیارا ہے

لوگ کہتے ہیں بہت غم خوار رہتے تھے یہاں
میں یہ کہتا ہوں مرے اغیار رہتے تھے یہاں

 

[محمد وارث]

مقدر ہے میرا فنا ہونا تجھ پر
میں اک رسمِ دنیا نبھانے لگا ہوں

کیا اچھا شعر ہے جناب، بہت خوب۔

 

[محمداحمد]

ارے واہ مشاعرہ شروع بھی ہوگیا۔۔۔۔ ہم تو سات بجنے کا انتظار کر رہے تھے۔

 

[محمداحمد]

خرم بھائی۔۔۔۔۔! خوش رہیے دل خوش کردیا آپ نے، کیا خوبصورت آغاز کیا ہے آپ نے۔ ایسے ہی جیسے بڑے اور یادگار مشاعروں کا آغاز ہوتا ہے۔

کیا بات ہے ۔ دل خوش ہوا۔

 

[مہدی نقوی حجاز]

ارے واہ مشاعرہ شروع بھی ہوگیا۔۔۔ ۔ ہم تو سات بجنے کا انتظار کر رہے تھے۔

لیکن کس دھاگے میں شروع ہوا ہے یہ اب تک ہمیں معلوم نہ ہو سکا۔۔۔

 

[محمداحمد]

ماشاءاللہ ۔۔۔۔ بہت خوب بہت اچھی غزل پیش کی ہے خرم بھائی آپ نے۔

کیا بات ہے۔

​

لوگ کہتے ہیں بہت غم خوار رہتے تھے یہاں​

میں یہ کہتا ہوں مرے اغیار رہتے تھے یہاں​

​

بہت خوب مطلع ہے بھائی۔​

​

چاند سورج رات دن بارش زمیں بادل فلک​

اِن سے بڑھ کر بھی بہت کردار رہتے تھے یہاں​

​

لاجواب ہے یہ شعر تو۔​

​

اب جہاں دیکھوں نظر آتے ہیں میخانے وہاں​

شہر میں بس عشق کے بیمار رہتے تھے یہاں​

​

کچھ تو ایسے جن کی کوئی مثل بھی ملتی نہ تھی​

کچھ مرے جیسے بہت بے کار رہتے تھے یہاں​

​

واہ​

​

کس گلی میں اب ہیں جانے ان کی جلوہ ریزیاں​

میں کہاں تھا جب مرے سرکار رہتے تھے یہاں​

​

سبحان اللہ خوش رہیے۔​

​

کاغذی کشتی سمندر کے کنارے دیکھ کر​

یوں لگا خرم کہ میرے یار رہتے تھے یہاں​

​

​

بہت خوب۔ عمدہ آغاز کیا ہے خرم بھائی۔ خوش رہیے۔​

 

[محمداحمد]

لیکن کس دھاگے میں شروع ہوا ہے یہ اب تک ہمیں معلوم نہ ہو سکا۔۔۔

یہاں

 

[محمداحمد]

بہت خوب بلال بھائی۔ اچھی غزل پیش کی ہے آپ نے۔بہت سی داد خاکسار کی جانب سے جناب کے لئے۔

یہ اشعار زیادہ اچھے لگے۔

کنارا کشی کر مری ذات سے تُو
میں خود ہی سے خود کو چھپانے لگا ہوں

مقدر ہے میرا فنا ہونا تجھ پر
میں اک رسمِ دنیا نبھانے لگا ہوں

خوش رہیے۔ اللہ کرے زورِ قلم اور زیادہ ۔

 

[مہدی نقوی حجاز]

عمدہ نظم ہے بلال صاحب روانی کی جتنی داد دی جائے کم ہے ایک مقطع کی کمی نظر آ رہی ہے۔۔